Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Timoteo 1, 2:1-15

HAAPOTORAA O TE MAU TUMU PARAU

  • Pure no te mau huru taata atoa (1-7)

    • Hoê ana‘e Atua, hoê ana‘e arai (5)

    • Hoo aifaito no te taata atoa (6)

  • Faaueraa no te tane e te vahine (8-15)

    • Te ahu tura (9, 10)

2  Na mua roa, te ani ru nei au ia outou paatoa ia tamau i te taparuparu, te pure, te ani no vetahi ê e te haamauruuru i te Atua no te mau huru taata atoa,  no te mau arii e no te feia tiaraa teitei* atoa, ia nehenehe tatou ia ora hau noa e te haafifi-ore-hia i te haamoriraa i te Atua ana‘e ma te tura.  E mea maitai hoi te reira e te au i te aro o to tatou Faaora, te Atua,  tei hinaaro ia ora mai te mau huru taata atoa e ia noaa ia ratou te ite papu i te parau mau.  Hoê ana‘e hoi Atua, e hoê ana‘e arai i rotopu i te Atua e te taata, te hoê ïa taata, te Mesia ra o Iesu,  tei horoa ia ’na iho no te taata atoa* ei hoo* aifaito. E faaite-mau-hia te reira i te taime tano.  No teie faaiteraa i faatoroahia ’i au ei taata poro e ei aposetolo, e parau mau ta ’u e aita vau e haavare ra, oia hoi ei taata haapii i te mau nunaa ěê no nia i te faaroo e te parau mau.  No reira, e hinaaro vau ia tamau te mau tane i te pure i te Atua i te mau vahi atoa e putuputu ai outou, i te hopoiraa i te rima mo‘a i nia, ma te riri ore e te mârô ore.  E hinaaro atoa vau ia faanehenehe te mau vahine ia ratou i te ahu e tano,* ma te tura e ma te mana‘o paari,* eiaha râ ma te rouru firi faaunauna-roa-hia e te piru e te poe e te ahu moni rahi, 10  mai tei au râ i te mau vahine e parau ra e e haamori ratou i te Atua, oia hoi maoti te mau ohipa maitatai. 11  Ia haapii te vahine ma te mamû* noa e te auraro maite. 12  Eita vau e faatia i te hoê vahine ia haapii aore ra ia faatere i te hoê tane, ia vai mamû* noa râ oia e tia ’i. 13  O Adamu hoi tei hamanihia na mua, i muri a‘e o Eva ïa. 14  E ere atoa o Adamu tei vare, o te vahine râ tei vare roa a hara ’tu ai oia. 15  Tera râ, e faahereherehia te vahine i te fanauraa i te tamarii, ia mau maite â oia* i te faaroo, te here, te haerea mo‘a e oia atoa te mana‘o paari.*

Nota i raro i te api

Aore ra “te feia mana.”
Aore ra “te mau huru taata atoa.”
A hi‘o i te titionare.
Aore ra “te ahu e mea tura.”
Aore ra “te feruriraa maitai,” “te haro‘aro‘a.”
Aore ra “hau,” “mǎrû.”
Aore ra “vai hau,” “vai mǎrû.”
“Ratou” na roto i te reo Heleni.
Aore ra “te feruriraa maitai,” “te haro‘aro‘a.”