Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Tesalonia 2, 2:1-17

HAAPOTORAA O TE MAU TUMU PARAU

  • Te taata ofati ture (1-12)

  • A‘oraa ia mau papu (13-17)

2  Taeae ma, no nia râ i te tau o te ho‘iraa mai* o to tatou Fatu ra o Iesu Mesia e ia amuihia tatou ia ’na ra, te ani atu nei matou  eiaha to outou feruriraa ia oioi i te feaa e ia horuhoru i te hoê parau faauruhia* aore ra i te hoê poroi aore ra i te hoê rata mai te mea ra e no ǒ atu ia matou e ua tae mai te mahana o Iehova.*  Eiaha roa ei taata e faahahi ê* ia outou, no te mea eita taua mahana ra e tae mai hou a itehia ’i na mua te taiva e te taata ofati ture, te tamaiti o te haamouraa ïa.  E enemi oia e e faateitei oia ia ’na iho i nia i te mau mea atoa e parauhia e e atua aore ra o ta te taata e haamori,* a parahi atu ai oia i roto i te hiero o te Atua ia itehia mai oia e te taata atoa mai te mea ra e e atua.  Ua mo‘e anei ia outou e i faahiti noa na vau i teie mau parau a parahi noa ’i au i ǒ outou?  E teie nei, ua ite outou o vai te tapea ra i tera taata ofati ture, ia itehia mai hoi oia i te taime tano.  Oia mau, teie ohipa ofati ture, e parau huna hoi, ua ohipa ê na ïa, e e vai huna noa teie parau e tae roa i te taime aita faahou te taata e tapea ra i te reira.  I reira ïa te taata ofati ture e faaitehia ’i, ta te Fatu ra hoi o Iesu e haamou i te puai ohipa* o to ’na vaha, e ta ’na e faaore roa i te tau e ite-maitai-hia ’i e ua ho‘i mai oia.  Tera râ, te ohiparaa mai taua taata ofati ture ra, mea na roto ïa i te ravea a Satani ma te ohipa mana atoa e te tapao e te ohipa maere* haavare 10  e ma te parau-tia ore e te haavare atoa no te feia e pohe ra, ei faautuaraa ïa no te mea aita ratou i farii e i hinaaro i te parau mau ia ora mai ratou. 11  No reira te Atua i vaiiho ai ia vare ratou i te puai ume o te haavare a tiaturi atu ai i te parau haavare, 12  ia haavahia ratou paatoa no te mea aita ratou i tiaturi i te parau mau, ua navenave râ i te parau-tia ore. 13  Tera râ, taeae ma herehia e Iehova,* ia haamauruuru noa matou i te Atua no outou e tia ’i, no te mea mai te haamataraa ua maiti te Atua ia outou no te faaoraraa na roto i te haamo‘araa ia outou i to ’na varua e na roto i to outou tiaturiraa i te parau mau. 14  Ua titau manihini oia ia outou no te faaoraraa maoti te parau apî oaoa ta matou e faaite haere ra, ia noaa hoi ia outou te hanahana o to tatou Fatu ra o Iesu Mesia. 15  Taeae ma, a mau papu ïa e a tapea i te mau parau i haapiihia ia outou, na roto anei i te hoê poroi aore ra i te hoê rata ta matou e faatae atu. 16  Hau atu â, to tatou Fatu ra o Iesu Mesia iho e to tatou Atua e Metua tei here ia tatou e tei horoa mai i te tamahanahanaraa mure ore e te hoê tiaturiraa faahiahia na roto i te hamani maitai rahi, 17  ia tamahanahana raua i to outou aau e ia haapuai* ia outou, ia parau e ia rave noa i te mea maitai.

Nota i raro i te api

Heleni parusia. A hi‘o i te titionare.
Aore ra “i te hoê varua.” Heleni peneuma. A hi‘o i te titionare.
A hi‘o i te titionare.
Aore ra “haavarevare.”
Aore ra “faahanahana.”
“Varua” na roto i te reo Heleni. Heleni peneuma. A hi‘o i te titionare.
Aore ra “tapao.”
A hi‘o i te titionare.
Aore ra “faaitoito.”