Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Tesalonia 2, 1:1-12

HAAPOTORAA O TE MAU TUMU PARAU

  • Aroharaa

  • Rahiraa mai te faaroo o to Tesalonia (3-5)

  • Faautuaraa i te feia auraro ore (6-10)

  • Pure no te amuiraa (11, 12)

1  O Paulo, o Siluano* e o Timoteo, i te amuiraa i Tesalonia tei hoê e te Atua to tatou Metua e tei hoê e te Fatu ra o Iesu Mesia:  Ei ia outou te hamani maitai rahi e te hau no ǒ mai i te Atua te Metua e no ǒ mai i te Fatu ra o Iesu Mesia.  Taeae ma, ia haamauruuru noa matou i te Atua no outou e tia ’i. E mea tano, no te mea ua rahi roa mai to outou faaroo e te here roa ’tu â ra outou paatoa te tahi i te tahi.  I riro mai ai outou ei haapeuraa na matou i rotopu i te mau amuiraa a te Atua no to outou faaoromai tamau e to outou faaroo i roto i te mau hamani-ino-raa atoa e te mauiui* ta outou e faaruru* nei.  Ei haapapuraa ïa e e haavaraa parau-tia ta te Atua, i au ai ia outou te Faatereraa arii a te Atua,* no reira hoi outou e mauiui ai.  E mea tia iho â i te Atua ia tahoo i te feia i roohia ’i outou e te ati.  Area outou e roohia ra i te ati, e tamahanahanahia outou e o matou atoa ua faaite-ana‘e-hia mai te Fatu ra o Iesu mai te ra‘i mai e ta ’na mau melahi puai  ma te auahi ura, ia faautua oia i te feia aita i ite i te Atua e te feia aita e auraro ra i te parau apî oaoa* no nia i to tatou Fatu ra o Iesu.  O ratou mau â te faautuahia i te haamouraa mure ore mai mua mai i te Fatu e i to ’na mana hanahana, 10  i te taime e haere mai ai oia ia faahanahanahia oia e ta ’na atoa mau tavini mo‘a, e ia hi‘o-maere-hia ’tu oia i taua mahana ra e te feia atoa i faatupu i te faaroo, no te mea ua tiaturi outou i ta matou mau parau i faaite atu. 11  No reira ïa matou e pure noa ’i no outou, ia auhia outou e to tatou Atua tei titau manihini ia outou, e na roto i to ’na ra mana ia rave faahope ïa oia i te mau mea maitatai atoa ta ’na e au e ia rave faahope i ta outou mau ohipa faaroo atoa. 12  E ia faahanahanahia te i‘oa o to tatou Fatu ra o Iesu na roto ia outou, e ia faahanahanahia outou tei hoê e o ’na, ia au i te hamani maitai rahi o to tatou Atua e o te Fatu ra o Iesu Mesia.

Nota i raro i te api

Pii-atoa-hia Sila.
Aore ra “ati.”
Aore ra “faaoromai.”
Aore ra “Basileia o te Atua.”
Aore ra “evanelia.”