Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Tesalonia 1, 1:1-10

HAAPOTORAA O TE MAU TUMU PARAU

  • Aroharaa (1)

  • Haamauruururaa no te faaroo o to Tesalonia (2-10)

1  O Paulo, o Siluano* e o Timoteo, i te amuiraa i Tesalonia tei hoê e te Atua te Metua e tei hoê e te Fatu ra o Iesu Mesia: Ei ia outou to te Atua hamani maitai rahi e te hau.  E haamauruuru noa matou i te Atua ia faahiti matou ia outou i roto i ta matou mau pure,  no te mea i mua i to tatou Atua e Metua, e haamana‘o noa matou i to outou rohiraa ma te haapao maitai e te here, e i to outou faaoromai tamau no to outou tiaturiraa i te Fatu ra o Iesu Mesia.  Taeae herehia e te Atua, ua ite hoi outou e ua maitihia outou  no te mea aita te parau apî oaoa* ta matou e poro ra i tae ia outou na roto i te parau noa, na roto atoa râ i te mana e te varua mo‘a* e te ite papu, ua ite hoi outou i ta matou i rave no to outou maitai.  E ua pee atoa outou i to matou hi‘oraa e i to te Fatu i te mea e, noa ’tu te hamani-ino-raa e rave rahi, ua farii outou i te parau a te Atua ma te oaoa ta te varua mo‘a e faatupu,  i riro ai outou ei hi‘oraa no te feia atoa e tiaturi ra ia Iesu i Makedonia e i Ahaia.  Parau mau hoi, mai i ǒ outou, aita noa te parau a Iehova* i faaroohia i Makedonia e i Ahaia ana‘e, ua atutu atoa râ te parau o to outou faaroo i te Atua na te mau vahi atoa, e aita ’tu â parau ta matou.  Te faatia noa ra hoi ratou e mea nafea matou i te farereiraa ia outou i te taime matamua e mea nafea outou i te fariu-ê-raa i ta outou mau idolo a tavini atu ai i te Atua ora e te parau mau, 10  e a tiai atu ai i ta ’na Tamaiti no te ra‘i mai, ta ’na i faatia mai te pohe mai, oia hoi o Iesu te faaora ia tatou i te riri e tae mai ra.

Nota i raro i te api

Pii-atoa-hia Sila.
Aore ra “evanelia.”
Aore ra “puai ohipa o te Atua.”
A hi‘o i te titionare.