Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Roma 3:1-31

HAAPOTORAA O TE MAU TUMU PARAU

  • ‘Ia itehia e parau mau ta te Atua’ (1-8)

  • Tei raro a‘e te ati Iuda e te Heleni i te hara (9-20)

  • Riroraa ei taata parau-tia na roto i te faaroo (21-31)

    • Eita e raea i te taata atoa te hanahana o te Atua (23)

3  Ua hau a‘e te ati Iuda ia vetahi ê e ua faufaahia ratou i te peritomeraa. No te aha hoi?  No te tumu e rave rahi. Na mua roa, ua horoa mai te Atua ia ratou i ta ’na mau poroi mo‘a.  Eaha ïa te parau no te feia e ere ra i te faaroo? Te auraa anei ïa aita te taata e nehenehe faahou e tiaturi i te Atua?  E ere roa ’tu! Ia itehia râ e e parau mau ta te Atua, noa ’tu e e itehia ’i e e haavare ta te taata atoa, mai tei papaihia: “Ia itehia e parau-tia ta oe na roto i ta oe mau parau. E ia pari mai ratou ia oe, na oe e faahapa ’tu ia ratou.”  Ia rave râ tatou i te mea tia ore, e taa ïa i te taata e e parau-tia ta te Atua. Te auraa anei ïa e ua hape te Atua a faautua mai ai ia tatou? (Tera hoi te mana‘o o te tahi mau taata.)  E ere roa ’tu! E parau-tia hoi ta te Atua. Aita ana‘e, e nafea ïa oia e haava ’i i to te ao?  Ia haavare noa ’tu vau, e ia faaite te reira e e parau mau ta te Atua a faahanahana ’tu ai te taata ia ’na, no te aha ïa te Atua e parau ai e ua hara vau i te reira?  No te aha e ore ai e parau, mai ta vetahi e pari haavare mai ra e te parau nei tatou, “E rave ana‘e i te mea ino ia tupu mai te mea maitai”? E faautuaraa tia te roohia e tera mau taata.  Eaha ’tu â? Ua hau a‘e iho â anei te ati Iuda ia vetahi ê? Aita roa ’tu! Ua haapapu a‘enei tatou e tei raro a‘e te ati Iuda, mai te Heleni atoa, i te hara, 10  mai tei papaihia: “Aita roa e taata parau-tia, aita hoê a‘e, 11  aita roa e taata feruriraa paari, aita roa e taata e imi ra i te Atua. 12  Ua hahi ê te taata atoa e ua riro ratou paatoa ei mea faufaa ore. Aita e taata e hamani maitai ra ia vetahi ê, aita roa ’tu hoê a‘e.” 13  “To ratou mau arapoa, mai te menema matara noa ïa, e haavare ana‘e tei to ratou mau arero.” “E taero ophi to roto i to ratou mau vaha.” 14  “E ua î to ratou mau vaha i te parau faaino e te haamauiui.” 15  “Mea peepee to ratou mau avae i te haamanii i te toto.” 16  “E hamani ino e e haamauiui noa ratou i te taata, 17  e aita ratou i ite i te haerea e vai hau noa ’i.” 18  “Aita ratou e mǎta‘u ra i te Atua.” 19  E teie nei, ua ite tatou e te mau parau atoa a te ture a Mose, no te feia ïa e pee ra i taua ture ra, ia mamû te taata atoa e ia roohia to te ao taatoa nei i te utua a te Atua. 20  No reira, aita e taata* e faarirohia ei taata parau-tia i mua i te Atua na roto i te haapaoraa i te ture, na roto hoi i te ture e taa maitai ai ia tatou te hara. 21  E teie nei râ, mai ta te ture a Mose e te mau papai a te mau peropheta i haapapu mai, ua ite-maitai-hia e e nehenehe e riro ei taata parau-tia i mua i te Atua ma te ore e haapao i ta te ture e faaue ra, 22  oia hoi, te riroraa mai ei taata parau-tia i mua i te Atua na roto i te faaroo ia Iesu Mesia no te feia atoa e faatupu ra i te faaroo. Aita hoi hoê a‘e taata i taa ê i te tahi atu. 23  Ua hara ana‘e hoi te taata atoa e eita e raea ia ratou te hanahana o te Atua. 24  E te faariroraahia ratou ei taata parau-tia, e ô horoa-noa-hia mai ïa no to ’na hamani maitai rahi na roto i te faatiamâraa maoti te hoo* i aufauhia e te Mesia ra o Iesu. 25  Ua pûpû te Atua ia Iesu ei tusia no te taraehara* maoti te faaroo i te toto i haamaniihia. Te faaite ra ïa te reira i ta te Atua iho parau-tia, no te mea, a faaoromai ai oia, ua faaore te Atua i te hara i tupu i mutaa iho ra. 26  E ua na reirahia no te faaite i ta ’na iho parau-tia i teie tau, ia faariro atoa oia i te taata e tiaturi ra ia Iesu ei taata parau-tia. 27  E tumu anei e haapeu ai? Aita hoê a‘e. Na roto i teihea ture e haapeu ai? Ta te ohipa anei? Aita roa ’tu, na roto râ i te ture o te faaroo. 28  No tatou hoi, e faarirohia te hoê taata ei taata parau-tia na roto i te faaroo eiaha râ na roto i te ohipa i ravehia ia au i te ture. 29  O te Atua anei o ’na no te ati Iuda ana‘e? E ere anei oia i te Atua atoa no te taata o te mau nunaa ěê? Oia, no te taata o te mau nunaa ěê atoa. 30  Hoê ana‘e hoi Atua, e faariro ïa oia i te feia peritomehia ei feia parau-tia maoti to ratou faaroo, e te feia peritome-ore-hia ei feia parau-tia maoti to ratou faaroo. 31  Te faaore ra anei tatou i te ture na roto i to tatou faaroo? Aita roa ’tu! Te haafaufaa nei râ tatou i te ture.

Nota i raro i te api

“I‘o” na roto i te reo Heleni.
A hi‘o i te titionare.
Aore ra “tapo‘i i te hara,” “faahauraa.”