Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Roma 14:1-23

HAAPOTORAA O TE MAU TUMU PARAU

  • Eiaha e faahapa te tahi i te tahi (1-12)

  • Eiaha e faaturori ia vetahi ê (13-18)

  • A faatupu i te hau e te tahoêraa (19-23)

14  A farii maitai i te taata faaroo paruparu ra, eiaha râ e faahapa ia ’na no to ’na iho mau mana‘o.*  Te tiaturi nei te tahi e mea tano ia amu i te mau huru maa atoa, te taata râ aita e papu ra, e amu noa ïa i te maa tupu.  Eiaha te taata e amu i te mau huru maa atoa ia vahavaha i te taata e amu noa i te maa tupu e eiaha te taata e amu noa i te maa tupu ia faahapa i te taata e amu i te mau huru maa atoa, ua farii hoi te Atua ia ’na.  O vai hoi oe no te faahapa i ta te tahi atu tavini? Tei to ’na ra Fatu e mau papu ai aore ra e topa ’i oia. E mau papu hoi oia no te mea e nehenehe Iehova* e tauturu ia ’na ia mau papu.  Te tiaturi nei te tahi e mea taa ê tera mahana i tera ’tu. No te tahi atu râ, hoê â ïa huru te mau mahana atoa. Ia papu maitai râ i te taata atoa e ua tano ta ’na e tiaturi ra.  Te taata hoi e faatura i te hoê mahana taa ê, te faatura ra oia i te reira no Iehova.* Oia atoa te taata e amu i te mau huru maa atoa, te na reira ra oia no Iehova,* te haamauruuru ra hoi oia i te Atua. E te taata e amu noa i te maa tupu, te na reira ra oia no Iehova,* te haamauruuru atoa ra hoi oia i te Atua.  Oia hoi, eita tatou e ora no tatou noa iho e eita tatou e pohe no tatou noa iho.  Te ora nei tatou, te ora nei ïa no Iehova.* E pohe noa ’tu tatou, e pohe ïa tatou no Iehova.* No reira, ora noa ’tu â aore ra pohe noa ’tu â tatou, no Iehova* tatou.  Teie te tumu i pohe ai e i ora faahou mai ai te Mesia, oia hoi ia riro oia ei Fatu no te feia pohe e no te feia ora atoa. 10  No te aha râ oe e faahapa ’i i to taeae? Aore ra no te aha oe e vahavaha ’i i to taeae? E tia paatoa hoi tatou i mua i te terono haavaraa o te Atua. 11  Ua papaihia hoi: “‘Mai ia ’u e ora nei,’ te na reira mai ra Iehova,* ‘mea papu ta ’u e parau atu e e tuturi te mau taata atoa i mua ia ’u nei e e faaite te mau taata atoa e o vau te Atua.’” 12  No reira, e haava ïa te Atua ia tatou tataitahi ia au i ta tatou mau ohipa. 13  Eiaha atoa ïa tatou e faahapa faahou atu te tahi i te tahi e eiaha roa ’tu e tuu i te hoê ofai turoriraa aore ra i te tahi haafifiraa i mua i te hoê taeae. 14  Na roto i te Fatu ra o Iesu, ua ite au e ua papu ia ’u e aita hoê a‘e mea e mea viivii mau iho. Ia mana‘o râ te tahi taata e mea viivii te tahi mea, mea viivii ïa no ’na. 15  No te mea, ia huru ê to taeae no te maa ta oe e amu, aita ïa oe e here faahou ra ia ’na. Ua pohe hoi te Mesia no to taeae, eiaha ïa oe e tuino* i to ’na faaroo i te maa ta oe e amu. 16  Eiaha te mea maitai ta outou e rave ia parauhia e mea ino. 17  No te ô atu i roto i te Faatereraa arii a te Atua,* e ere ïa tei te amuraa e te inuraa, tei te faatupuraa râ i te parau-tia e te hau e te oaoa maoti te varua mo‘a. 18  Ia na reira hoi te tahi i te tavini i te Mesia, e farii-maitai-hia ïa oia e te Atua e te taata atoa. 19  No reira, e tapi ana‘e i te mau mea o te faatupu i te hau e o te faaitoito te tahi i te tahi. 20  Atira na i te vavahi i ta te Atua ohipa no te maa noa. Parau mau, mea viivii ore ana‘e te mau mea atoa, mea ino râ no te hoê taata ia amu i te tahi maa e turori ai te tahi atu. 21  Mea maitai a‘e eiaha e amu i te ina‘i aore ra e inu i te uaina aore ra e rave i te tahi atu ohipa e turori ai to taeae. 22  To oe faaroo, no oe noa iho ïa i te aro o te Atua. E oaoa te taata o te ore e faahapa ra ia ’na iho no te mea o ta ’na i faaoti no ’na. 23  Te taata râ e feaa ra, ua faahapa ê na ïa oia ia ’na iho no ta ’na e amu, no te mea aita oia i amu ma te faaroo. Te mau mea atoa hoi aita i ravehia ma te faaroo, e hara ïa.

Nota i raro i te api

Nehenehe atoa e hurihia “te mau uiuiraa no roto mai ia ’na.”
A hi‘o i te titionare.
A hi‘o i te titionare.
A hi‘o i te titionare.
A hi‘o i te titionare.
A hi‘o i te titionare.
A hi‘o i te titionare.
A hi‘o i te titionare.
A hi‘o i te titionare.
Aore ra “vavahi.”
Aore ra “Basileia o te Atua.”