Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Roma 13:1-14

HAAPOTORAA O TE MAU TUMU PARAU

  • Auraroraa i te feia mana (1-7)

    • Aufauraa i te tute (6, 7)

  • Haapao maite ra te here i te ture (8-10)

  • Ei haerea au noa mai to te taata ia haere i te ao (11-14)

13  Ia auraro te taata* atoa i te feia mana, aita hoi e tiaraa mana e ere no ǒ mai i te Atua. Na te Atua hoi i tuu i te mana taotiahia i te feia mana e vai nei.  No reira, o te patoi atu i te feia mana ra, ua tia ’tu ïa no te patoi i ta te Atua i faanaho. E te feia i tia ’tu no te patoi i ta te Atua i faanaho, e noaa ïa ta ratou utua.  E riro hoi taua feia faatere ra ei mǎta‘uraa, eiaha no te taata e rave i te mea maitai, no te taata râ e rave i te mea ino. A rave noa i te mea maitai ia ore oe ia mǎta‘u i te feia mana e e haapopou ratou ia oe,  no te mea e tavini teie na te Atua no to oe maitai. Ia rave râ oe i te mea ino, a mǎta‘u ïa! Aita hoi oia e amo faufaa ore ra i te ‘o‘e. E tavini teie na te Atua, o te faaite i to ’na riri* i te feia e rave noa i te mea ino.  No reira, mea titauhia ia auraro atu outou, eiaha noa no taua riri ra, no to outou atoa râ mana‘o haava.  No reira atoa outou e aufau ai i te tute, no te mea e tavini ratou na te Atua no te tavini atu i te huiraatira.  E faaho‘i atu i tei au ia ratou atoa: i te titau ra i te tute, te tute, i te titau ra i te aufauraa, te aufauraa, i te titau ra i te mǎta‘u, te mǎta‘u e i te titau ra i te faatura, te faatura.  Eiaha outou e tarahu i tei ore e tia ia outou ia faaho‘i atu, ia here râ outou te tahi i te tahi e tia ’i. Te taata hoi e here i to ’na taata tupu, ua haapao maite ïa i te ture.  Oia hoi te mau faaueraa: “Eiaha roa oe e faaturi, eiaha roa oe e taparahi pohe i te taata, eiaha roa oe e eiâ, eiaha roa oe e nounou,” teie mau faaueraa e te tahi atu, hoê ana‘e hoi ïa faaueraa o te na ô ra: “A here i to oe taata tupu mai ia oe iho.” 10  Eita te here e hamani ino i te taata tupu. No reira, te haapao maite ra ïa te here i te ture. 11  A rave i te reira no te mea ua ite outou i te tau ta tatou e ora nei, ua hora ê na no outou no te ara mai, i teie nei hoi mea fatata ’tu â to tatou faaoraraa i te taime i tiaturi ai tatou ei ia Iesu. 12  Ua mairi te tuiraa po, ua fatata te ao. E haapae ana‘e ïa i te mau ohipa o te poiri, e rave mai râ i te mau mauhaa o te maramarama. 13  Ei haerea au noa to tatou mai to te taata ia haere i te ao, eiaha ei arearearaa ahoahoa e ei taeroraa ava, eiaha ei taotoraa tia ore e ei peu faufau,* eiaha ei tatama‘iraa e ei pohehae. 14  A pee râ i te haerea o te Fatu ra o Iesu Mesia, e eiaha e hamani i te mana‘o no te haamâha i te hinaaro tia ore o te tino.

Nota i raro i te api

Heleni pusuke. A hi‘o i te titionare.
Aore ra “o te faautua.”
Aore ra “haerea haama ore.” A hi‘o i te titionare.