Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Roma 12:1-21

HAAPOTORAA O TE MAU TUMU PARAU

  • Pûpû i to outou tino ei tusia ora (1, 2)

  • Ua rau te ô, hoê noa râ tino (3-8)

  • A‘oraa no te oraraa o te Kerisetiano mau (9-21)

12  No reira, taeae ma, te taparu atu nei au ia outou, na roto i te aroha o te Atua, ia pûpû atu i to outou tino ei tusia ora e te mo‘a e te au i te Atua, oia hoi te hoê taviniraa mo‘a ma to outou feruriraa atoa.  Eiaha atoa outou ia faaau faahou i to outou haerea i to teie faanahoraa o te ao nei,* ia taui râ outou a faaapî ai i to outou feruriraa, ia papu ia outou iho te maitai e te au e te tia roa o te hinaaro o te Atua.  No te hamani maitai rahi hoi tei horoahia mai ia ’u, te parau atu nei au i te taata tataitahi i rotopu ia outou eiaha ia mana‘o e mea maitai a‘e o ’na, ei mana‘o au noa râ to ’na, ia au i te faito o te faaroo ta te Atua i horoa* mai ia outou tataitahi.  E rave rahi hoi mero to te tino hoê ra, e ere râ hoê â ohipa ta te mau mero atoa,  oia atoa tatou, rahi noa ’tu â tatou, ua riro râ tatou ei hoê a‘e tino e te Mesia atoa, e ua tuatiatihia tatou te tahi i te tahi.  No te hamani maitai rahi hoi o te Atua, ua rau te ô ta ’na i horoa mai ia tatou: e parau tohu ra, e tohu ana‘e ïa ia au i te faito o to tatou faaroo,  e taviniraa ra, e tavini ana‘e ïa i te tahi atu, o te haapii ra, ia haapii atu oia,  o te faaitoito* ra, ia faaitoito* atu oia, o te opere* ra, ia na reira oia ma te aau tae, o te aratai ra, ia na reira oia ma te haapao maitai,* o te aroha ra,* ia na reira ’tu oia ma te aau atoa.  Ei here haavare ore to outou. A faufau atu i te mea ino, a mau papu i te mea maitai. 10  A here* mau â outou te tahi i te tahi i te here taeae. Ia ru outou i te faatura ’tu te tahi i te tahi. 11  Eiaha ia faahupehupe* i te rave i ta outou ohipa. Ia faaitoitohia outou e te varua mo‘a. A tavini ia Iehova.* 12  A oaoa no to outou tiaturiraa. A faaoromai tamau i roto i te ati. A tamau maite i te pure. 13  A opere atu i te feia mo‘a i ta ratou e hinaaro mau ra. Ei peu a‘e na outou te farii maitai i te manihini. 14  E ani i te Atua ia haamaitai i tei hamani ino mai. A haamaitai atu, eiaha roa e faaino atu. 15  A oaoa e te feia e oaoa ra, a ta‘i e te feia e ta‘i ra. 16  A hi‘o ia vetahi ê mai ta outou e hi‘o ra ia outou iho. Eiaha outou e mana‘o noa i te mea teitei,* a tapi râ i te mea haehaa. Eiaha ia mana‘o e mea paari outou i ta outou hi‘oraa. 17  Eiaha te ino ia tahoohia ’tu i te ino i te taata atoa. A rave i te mea maitai roa i te hi‘oraa a te taata atoa.* 18  A tutava i te rave i te mea e tia ia outou tataitahi no te parahi hau noa e te taata atoa. 19  Taeae ma, eiaha outou e tahoo atu, a tuu atu râ e na te Atua e faaite atu i to ’na riri. Ua papaihia hoi: “‘Na ’u te tahoo. Na ’u e faautua,’ te na reira mai ra Iehova.”* 20  Tera râ, “ia poia noa ’tu to oe enemi, a faatamaa ’tu ia ’na, ia poihâ oia, a horoa ’tu ïa i te tahi inu. Ia na reira hoi oe, te haapue ra ïa oe i te arahu ura i nia i to ’na upoo.”* 21  Eiaha te ino ia upootia mai i nia ia oe, tera râ, ia upootia noa oe i nia i te ino ma te hamani maitai atu.

Nota i raro i te api

Aore ra “teie tau.” A hi‘o i te titionare.
Aore ra “tufa,” “opere.”
Aore ra “a‘o.”
Aore ra “a‘o.”
Aore ra “turu.”
Aore ra “ma te ru.”
Aore ra “o te aroha hamani maitai ra.”
Heleni phileo.
Aore ra “haamarirau.”
A hi‘o i te titionare.
Aore ra “e faatupu i te mau mana‘o faateitei.”
Aore ra “i mua i te taata atoa.”
A hi‘o i te titionare.
Oia hoi te tamǎrûraa i te aau o te taata ia pee to ’na riri.