Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Roma 10:1-21

HAAPOTORAA O TE MAU TUMU PARAU

  • Nafea e raea ’i te parau-tia a te Atua? (1-15)

    • Faaiteraa i te poroi (10)

    • O te tiaoro i te i‘oa o Iehova, e ora ïa (13)

    • Mea nehenehe te avae o te feia poro (15)

  • Aita te parau apî oaoa i fariihia (16-21)

10  Taeae ma, teie te hinaaro o to ’u aau e ta ’u taparuparuraa i te Atua, ia ora to Iseraela.  Te haapapu nei au e e itoito rahi to ratou no te Atua, e ere râ ia au i te ite mau no nia ia ’na.  No to ratou hoi taa ore i te parau-tia a te Atua a imi ai râ i te haamau i ta ratou iho, aita ’tura ïa ratou i auraro i te parau-tia a te Atua.  Ua hope te ture a Mose na roto i te Mesia ia nehenehe te taata e faatupu ra i te faaroo ia riro mai ei taata parau-tia.  Ua papai hoi Mose no nia i te parau-tia e noaa mai na roto i te ture: “Te taata e rave i taua mau mea ra, e ora ïa i te reira.”  No nia râ i te parau-tia e noaa mai na roto i te faaroo, te na ô nei te mau Papai: “Eiaha e parau i roto to oe aau, ‘O vai te haere atu i nia i te ra‘i?’ oia hoi, no te haapou mai i te Mesia i raro nei,  aore ra, ‘O vai te pou atu i roto i te abuso?’ oia hoi, no te faatia i te Mesia mai roto mai i te feia pohe.”  Eaha râ ta te mau Papai e parau ra? “Tei ia oe ra te poroi, to roto i to oe iho vaha e to oe iho aau,” oia hoi, te “poroi” e titau ra i te faaroo e o ta tatou e poro nei.  Ia parau hoi to oe vaha i mua i te taata e o Iesu te Fatu e ia faatupu oe i te faaroo i roto i to oe aau e ua faatia te Atua ia ’na mai roto mai i te feia pohe, e ora ïa oe. 10  Ia faatupu te hoê taata i te faaroo i roto i to ’na aau e noaa ’i ia ’na te parau-tia. Ia parau râ to ’na vaha no te faaite i taua poroi ra e ora ’i oia. 11  Te parau nei hoi te mau Papai: “Te taata e faatupu i te faaroo ia ’na, e ore roa ïa e tatarahapa.” 12  Aita e taa-ê-raa i rotopu i te ati Iuda e te Heleni. Hoê ana‘e Fatu i nia i te taata atoa e e haamaitai rahi oia* i te feia atoa e tiaoro ia ’na. 13  No te mea “te taata atoa o te tiaoro i te i‘oa o Iehova,* e faaorahia ïa.” 14  Tera râ, e nafea hoi ratou e tiaoro ai ia ’na ia ore ratou ia faatupu i te faaroo ia ’na? E nafea hoi ratou e faatupu ai i te faaroo ia ore ratou ia ite o vai o ’na? E nafea hoi ratou e ite ai ia ore te tahi taata ia poro? 15  E nafea hoi ratou e poro ai ia ore ratou ia tonohia ’tu? Mai tei papaihia: “Auê te nehenehe te avae o te feia e faaite i te parau apî oaoa no nia i te mau mea maitai!” 16  Tera râ, aita ratou paatoa i haapao i te parau apî oaoa. Ua parau hoi Isaia: “Iehova,* o vai tei tiaturi i te mau parau ta matou i faaite atu?”* 17  E tiaturi ïa te hoê taata i muri a‘e i to ’na faarooraa i te parau. E e faaroohia taua parau ra ia poro te tahi no nia i te Mesia. 18  Tera râ, e ui atu vau, Aita anei ratou i faaroo i te reira? Inaha, “ua atutu ta ratou parau i te mau fenua atoa, e ta ratou poroi i te hopea o te fenua e parahihia ra e te taata.” 19  Tera râ, e ui atu vau, Aita anei Iseraela i ite? I parau na Mose: “Na roto i te tahi nunaa ê e faatupu ai au i roto ia outou i te pohehae. E faatupu vau i roto ia outou i te riri rahi na roto i te tahi nunaa ma‘ua.” 20  E ma te mǎta‘u ore ua parau Isaia: “Ua itehia vau e te feia i ore i imi ia ’u, ua faaite atu vau ia ’u iho i te feia i ore i ani mai ia ’u.” 21  No nia râ ia Iseraela, ua na ô te Atua: “I te mau mahana atoa, i faatoro noa na vau i to ’u nau rima i te hoê nunaa faaroo ore e te etaeta.”

Nota i raro i te api

Aore ra “e horoa rahi mai oia.”
A hi‘o i te titionare.
A hi‘o i te titionare.
Aore ra “i faatia ’tu?”