Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Philipi 2:1-30

HAAPOTORAA O TE MAU TUMU PARAU

  • Haehaa Kerisetiano (1-4)

  • To te Mesia haehaa e faateiteiraahia (5-11)

  • A tutava ia noaa ia outou te ora (12-18)

    • Anaana ei tiarama (15)

  • Tonohia Timoteo raua Epapherodito (19-30)

2  E teie nei, mai te peu e te vai ra i rotopu ia outou maa faaitoitoraa no to outou hoêraa e te Mesia, maa tamahanahanaraa na roto i te here, maa haapeapearaa te tahi i te tahi,* maa here rahi e te aumihi,  a faahope roa mai i to ’u oaoa ma te faaite i te hoê â huru feruriraa, ma te here te tahi i te tahi e ia tahoê-maite-hia outou i te hoê â mana‘o.  Eiaha roa e rave i te tahi noa ’‘e mea ma te mârô aore ra ma te faateitei. Ma te haehaa râ, a haamana‘o e mea hau a‘e vetahi ê ia outou,  a imi atoa ’i i to vetahi ê maitai, eiaha noa râ i to outou iho.  A tapea i teie huru feruriraa i vai atoa na i te Mesia ra o Iesu,  e noa ’tu e i ora na oia mai te Atua ra te huru, aita oia i mana‘o noa ’‘e e haru i te tiaraa o te Atua, oia hoi ia aifaito ia ’na.  Aita râ, ua haapae oia ia ’na iho e ua riro mai te hoê tavini ra te huru e ua fanauhia mai oia ei taata.*  Hau atu â, ia ’na i riro mai ei taata,* ua faahaehaa oia ia ’na e ua auraro noa e tae noa ’tu i te pohe, oia hoi te pohe i nia i te hoê pou haamauiuiraa.*  No reira mau te Atua i faateitei ai ia ’na i te hoê tiaraa teitei a‘e e i horoa ’i no ’na i te i‘oa tei hau ê i te mau i‘oa atoa, 10  e i te i‘oa ra o Iesu ia tuu te mau turi atoa i raro, to te ra‘i e to te fenua e to raro a‘e i te fenua, 11  e ia fa‘i te mau vaha atoa e o Iesu Mesia te Fatu a faahanahanahia ’tu ai te Atua te Metua. 12  No reira, to ’u mau taeae here, ua auraro noa na outou a parahi ai au i ǒ outou e hau atu â i teie nei aita vau i ǒ outou, a tutava noa ïa ma te mǎta‘u e te rûrû ia noaa ia outou te ora. 13  O te Atua hoi te haapuai ia outou e te tuu i roto ia outou i te hinaaro e te puai no te rave i te mau mea atoa ta ’na e au. 14  A rave i te mau mea atoa ma te amuamu ore e te aimârô ore, 15  ia riro mai outou ei feia hapa ore, ei tamarii na te Atua ma te tafetafeta ore i rotopu i te hoê u‘i ino e te pi‘o, i rotopu hoi ia ratou e anaana ’i outou ei tiarama i roto i teie nei ao, 16  ma te mau maite i te parau o te ora. E tumu ïa to ’u e oaoa ’i i te mahana o te Mesia, a ite ai e aita ta ’u hororaa aore ra ta ’u rohiraa i faufaa ore. 17  E noa ’tu e e niniihia vau mai te hoê tusia uaina i pûpûhia na roto i te taviniraa mo‘a ta outou atoa i rave no to outou faaroo, e oaoa ïa vau e e oaoa vau e o outou atoa. 18  Na reira atoa, ia oaoa outou e o vau atoa. 19  E teie nei, te mana‘o nei au e tono oioi ia Timoteo ia outou ia tia i te Fatu ra o Iesu, e ia itoitohia vau i te faaroo i te parau apî no outou. 20  Aita ’tu hoi ta ’u e taata mai ia ’na ra te huru o te haapeapea mau ra no outou. 21  Te imi nei hoi te taata atoa i to ratou iho maitai, eiaha râ i to Iesu Mesia ra. 22  Ua ite râ outou i to Timoteo haapao maitai, e mai te hoê tamarii e to ’na metua ua tavini mâua ia atutu te parau apî oaoa. 23  O ’na mau ta ’u e mana‘o nei e tono atu, ua ite ana‘e au eaha te tupu i nia ia ’u. 24  Ua papu ia ’u e ia tia i te Fatu, e haere oioi atoa ’tu vau i ǒ outou. 25  I teie nei râ, e mana‘o vau e mea tia ia faaho‘i atu ia Epapherodito, to ’u taeae e hoa ohipa e faehau atoa a te Mesia, ta outou hoi i tono mai no te aupuru ia ’u, 26  e hinaaro iti rahi hoi to ’na e ite ia outou paatoa, e te hepohepo ra oia no te mea ua faarooroo outou e ua ma‘ihia oia. 27  Mai pohe roa hoi oia i to ’na ma‘iraahia. Aroha* maira râ te Atua ia ’na e ia ’u atoa, ia ore au ia oto atu â. 28  No reira, te tono ru atu nei au ia ’na, ia nehenehe outou ia oaoa a ite ai ia ’na, e ia iti atoa mai to ’u hepohepo. 29  A farii ia ’na mai ta outou e farii popou na i te mau pǐpǐ a te Fatu, e a poihere noa i teie huru taata, 30  no te mea mai pohe oia no te ohipa a te Mesia,* e aita oia i faaherehere i to ’na ora* no te mea aita outou i ǒ nei no te aupuru ia ’u.

Nota i raro i te api

“Faaiteraa i te hoê â varua” na roto i te reo Heleni. Heleni peneuma. A hi‘o i te titionare.
“Ua riro oia mai te taata ra te hoho‘a” na roto i te reo Heleni.
“Ia ’na i itehia mai te taata ra te hoho‘a” na roto i te reo Heleni.
A hi‘o i te titionare.
Aore ra “aroha hamani maitai.”
Nehenehe atoa e hurihia “te ohipa a te Fatu.”
Aore ra “ua faaruru oia i te pohe.”