Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Petero 1, 5:1-14

HAAPOTORAA O TE MAU TUMU PARAU

  • Aupuru i te nǎnǎ a te Atua (1-4)

  • Ia haehaa e ia vai ara (5-11)

    • Huri i te mau ahoaho atoa i nia i te Atua (7)

    • Mai te liona uuru te Diabolo (8)

  • Parau hopea (12-14)

5  No reira, ei hoa matahiapo tei ite i te mau mauiui o te Mesia e o te apiti i te hanahana e faaitehia mai, te faaitoito* nei au i te mau matahiapo i rotopu ia outou:  A aupuru i te nǎnǎ a te Atua tei tuuhia ’tu ia outou ma te tavini ei tiaau,* eiaha ma te faahepohia, ma te aau tae râ i mua i te Atua, eiaha no te nounou tao‘a, ma te hinaaro mau râ,  eiaha ma te faatere i te mau taata o te Atua, ma te riro râ ei hi‘oraa no te nǎnǎ.  E ia faaitehia mai te tiai mamoe rahi, e fana‘o outou i te hei upoo hanahana mure ore.  Oia atoa outou te mau tane apî a‘e, a auraro i te mau tane paari a‘e.* Ia ahu* râ outou paatoa i te haehaa te tahi e te tahi, no te mea e patoi te Atua i te feia teoteo, e hamani maitai rahi râ oia i te feia haehaa.  No reira, a faahaehaa ia outou iho i raro a‘e i te rima puai o te Atua, ia faateitei oia ia outou i te taime tano,  a huri ai i to outou mau ahoaho* atoa i nia ia ’na, no te mea te tâu‘a mai ra oia ia outou.  A feruri maite, a vai ara! Te hahaere nei to outou enemi, te Diabolo, mai te liona uuru e imi nei i te amu i te hoê taata.*  A patoi râ ia ’na ma te faaroo puai, ua ite hoi outou e tera atoa te mau mauiui ta to outou fetii taeae na te ao nei e faaruru ra. 10  I muri iti a‘e râ i to outou mauiuiraa, na te Atua î i te hamani maitai rahi, o tei titau manihini ia outou ia hoê e te Mesia e ia fana‘o i te hanahana mure ore, e faaineine hope roa ia outou. E faaitoito oia ia outou, e haapuai oia ia outou, e haamau papu oia ia outou. 11  Ei ia ’na te mana e a muri noa ’tu. Amene. 12  Na roto ia Siluano,* taeae haapao maitai i to ’u mana‘o, ua papai poto atu vau no te faaitoito ia outou e no te faaite maitai atu e ua hamani maitai rahi mau â te Atua ia outou. A tapea maite i te reira. 13  Te aroha ’tu nei te amuiraa i Babulonia, tei maitihia mai ia outou atoa, e o Mareko atoa ta ’u tamaiti. 14  A aroha te tahi i te tahi ma te apa ’tu ei faaiteraa i te here. Ei ia outou paatoa tei hoê e te Mesia te hau.

Nota i raro i te api

Aore ra “a‘o.”
Aore ra “ma te tiai maite atu.”
Aore ra “matahiapo.”
Aore ra “Ia hatuahia.”
Aore ra “haapeapearaa.”
Aore ra “e tamoemoe i te hoê taata no te amu atu.”
Pii-atoa-hia Sila.