Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Petero 1, 1:1-25

HAAPOTORAA O TE MAU TUMU PARAU

  • Aroharaa (1, 2)

  • Faafanau-faahou-hia no te hoê tiaturiraa mure ore (3-12)

  • Ia mo‘a mai te mau tamarii faaroo (13-25)

1  O Petero, e aposetolo na Iesu Mesia, i te feia e purutia ra e tei purara ê na Ponoto, Galatia, Kapadokia, Asia e Bitunia, tei maitihia  ia au i ta te Atua te Metua i opua ê na, ia mo‘a outou i te varua mo‘a,* ia nehenehe outou e faaroo e e pîpîhia i te toto o Iesu Mesia: Ei ia outou te hamani maitai rahi e te hau e ia rahi atu â.  Ia aruehia te Atua e te Metua o to tatou Fatu ra o Iesu Mesia, ia au hoi i to ’na aroha hamani maitai ua faafanau faahou oia ia tatou no te hoê tiaturiraa mure ore na roto i te tia-faahou-raa o Iesu Mesia mai te pohe mai,  no te hoê haamaitairaa tahuti ore e te viivii ore e te mure ore. Ua faahereherehia te reira i te ra‘i no outou,  o te paruruhia ra e te mana o te Atua na roto i te faaroo no te hoê faaoraraa o te faaitehia i te anotau hopea.  No teie mau mea atoa outou e oaoa rahi ai, noa ’tu i teie taime e mea titauhia ia oto outou maa taime no te mau ati e rave rau,  ia noaa hoi ia outou te arueraa e te hanahana e te tura ia faaitehia mai o Iesu Mesia, maoti to outou faaroo tamatahia tei rahi a‘e te faufaa i te auro o te pau, noa ’tu e ua tamatahia i te auahi.  Noa ’tu e aita outou i ite a‘enei ia ’na, te here ra outou ia ’na. Noa ’tu e aita outou e ite ra ia ’na i teie nei, te faatupu ra outou i te faaroo ia ’na e te oaoa rahi nei outou e te oaoa roa nei,  a noaa ’i ia outou te fa o to outou faaroo, to outou* faaoraraa. 10  No nia i teie faaoraraa, ua hi‘opoa tamau e ua maimi maite te mau peropheta tei tohu no nia i te hamani maitai rahi ta outou e fana‘o. 11  Ua maimi maite noa ratou eaha te tupu e eaha te tau e tupu ai te mau mea no nia i te Mesia, ta te varua mo‘a e vai ra i roto ia ratou e faaite ra, no te mea ua haapapu atea te varua mo‘a e e mauiui te Mesia e e noaa ia ’na te hanahana a muri a‘e. 12  Ua faaitehia ia ratou e te tavini ra ratou eiaha ia ratou iho, ia outou râ, no nia i te mau mea tei faaitehia ’tu ia outou e te feia tei poro atu i te parau apî oaoa* maoti te varua mo‘a no te ra‘i mai. O teie hoi mau mea ta te mau melahi e hinaaro roa ra e taa. 13  Ei mana‘o puai ïa to outou, a rave i te mau mea atoa ma te feruriraa maitai, e a tiai i te mea maitai na roto i te hamani maitai rahi o te horoahia ’tu ia faaitehia mai o Iesu Mesia. 14  Mai te mau tamarii faaroo, a faaea i te haa ia au i to outou mau hinaaro ino na mua ’‘e a ore ai outou i ite i te Atua, 15  tera râ, mai te Atua Mo‘a tei titau manihini ia outou, ia mo‘a outou i roto i to outou haerea atoa, 16  ua papaihia hoi: “Ia mo‘a outou, no te mea mea mo‘a vau.” 17  E mai te peu e te tiaoro nei outou i te Metua o te haava ma te maitiiti ore i te taata ia au i te ohipa a te taata tataitahi, ei haerea to outou tei au i te mǎta‘u i te Atua a purutia ’i outou i roto i teie nei ao. 18  Ua ite hoi outou e e ere na te mau mea tahuti, na te ario aore ra te auro, i faatiamâ mai* ia outou i to outou huru oraraa faufaa ore no ǒ mai i to outou mau tupuna.* 19  Tera râ, na te toto faufaa roa, mai to te arenio* ino ore e te viivii ore, to te Mesia. 20  Parau mau, ua maiti-a‘ena-hia oia hou te omuaraa o teie nei ao,* ua faaitehia mai râ oia i te anotau hopea no outou. 21  Na roto ia ’na i tiaturi ai outou i te Atua, o tei faatia mai ia ’na mai te pohe mai e tei horoa ’tu i te hanahana, ia faatupu hoi outou i te faaroo i te Atua e ia tiai ia ’na. 22  I teie nei, e ua tamâ outou ia outou iho* no to outou faaroo i te parau mau, a here* atu ai i te mau taeae ma te haavarevare ore, a here rahi ïa te tahi i te tahi ma to outou aau atoa. 23  Ua faafanau-faahou-hia hoi outou, eiaha i te huero* tahuti, i te huero tahuti ore râ, na roto i te parau a te Atua ora e te mure ore. 24  Inaha “mai te aihere te mau taata atoa,* e to ratou unauna mai te tiare ïa o taua aihere ra. E mǎrô te aihere, e e topa te tiare, 25  area te parau a Iehova,* e vai ïa e a muri noa ’tu.” E teie “parau,” o te parau apî oaoa ïa tei faaitehia ia outou.

Nota i raro i te api

Aore ra “puai ohipa o te Atua.”
Heleni pusuke. A hi‘o i te titionare.
Aore ra “evanelia.”
“Hoo mai” na roto i te reo Heleni.
Aore ra “no ǒ mai i te peu tutuu.”
Aore ra “fanau‘a mamoe.”
Oia hoi a tamariihia ’i Adamu raua Eva.
Heleni pusuke. A hi‘o i te titionare.
Heleni phileo.
Oia hoi te huero e nehenehe e hotu mai.
“Te mau tino atoa” na roto i te reo Heleni.
A hi‘o i te titionare.