Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Ohipa 6:1-15

6  I taua mau mahana ra a rahi ai te mau pǐpǐ, mutamuta a‘era te ati Iuda paraparau Heleni i te ati Iuda paraparau Hebera, no te mea aita ta ratou mau vahine ivi i haapaohia a operehia ’i te maa i te mau mahana atoa.  Haaputuputu maira ïa na 12* i te taatoaraa o te mau pǐpǐ e na ô atura: “Eita e tano* ia vaiiho matou i te parau a te Atua no te opere i te maa.  No reira taeae ma, a maiti i rotopu ia outou e hitu tane roo maitai, tei î i te varua mo‘a e te paari, ia nehenehe matou e faatoroa ia ratou no te haapao i taua ohipa nei.  Area matou, e tamau ïa i te pure e i te haapii ia vetahi ê i te parau a te Atua.”  Mauruuru a‘era te taatoaraa o te mau pǐpǐ i taua parau ra e maiti atura ia Setephano, te hoê tane tei î i te faaroo e te varua mo‘a, oia atoa ia Philipa, Porohoro, Nikanora, Timona, Paremena e ia Nikola no Anetiohia tei farii i te haapaoraa ati Iuda.*  Arataihia maira na toohitu tane i te mau aposetolo ra. Pure a‘era te mau aposetolo e tuu atura i to ratou rima i nia iho ia ratou.  Tamau noa ’tura ïa te parau a te Atua i te parare e te mau pǐpǐ i te rahi roa i Ierusalema. E rave rahi atoa tahu‘a tei tiaturi.  Area Setephano, tei î i te hamani maitai e te mana o te Atua, te faatupu ra ïa i te mau ohipa maere* e te semeio i rotopu i te taata.  Haere maira râ te tahi mau tane o te Sunago o te feia Tiamâ, oia atoa to Kurene, to Alesanederia e te tahi atu no Kilikia e Asia mai, e mârô ia Setephano. 10  Aita râ i tia ia ratou ia faaû i to ’na paari e te varua mo‘a tei tauturu ia ’na ia paraparau. 11  Ume omo‘e atura ratou i te taata ia parau: “Ua faaroo matou ia ’na i te faainoraa ia Mose e te Atua.” 12  Faahuehue atoa ’tura ratou i te mau taata, te mau aratai ati Iuda e te mau papai parau, e tei nia noa maira ratou ia Setephano, haru maira ia ’na e aratai atura i mua i te Sunederi. 13  Tuu atoa maira ratou i te mau ite haavare o tei parau: “Aita teie taata i faaea i te faaino i teie vahi mo‘a e te ture a Mose. 14  Ua faaroo matou ia ’na i te parauraa e e vavahi Iesu no Nazareta i teie vahi e e taui oia i te mau ture ta Mose i horoa mai.” 15  E a hi‘o noa ’i te feia atoa i roto i te Sunederi ia ’na, ite atura ratou e mai to te melahi to ’na hoho‘a mata.

Nota i raro i te api

Oia hoi na 12 aposetolo.
“E ere i te mea au” na roto i te reo Heleni.
Aore ra “peroseluto.”
Aore ra “tapao.”