Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Ohipa 1:1-26

HAAPOTORAA O TE MAU TUMU PARAU

  • Poroi na Teophilo (1-5)

  • Ei ite e ati a‘e te fenua (6-8)

  • Reva Iesu i nia i te ra‘i (9-11)

  • Putuputu te mau pǐpǐ ma te tahoê (12-14)

  • Maitihia o Matatia ei mono ia Iuda (15-26)

1  I roto i te buka matamua ta ’u i papai ia oe Teophilo, ua faataa vau i te mau mea atoa ta Iesu i rave e i haapii ia vetahi ê  e tae roa i te mahana i ravehia ’i oia i te ra‘i, i muri a‘e i to ’na horoaraa maoti te varua mo‘a* i te tahi mau aratairaa i te mau aposetolo ta ’na i maiti.  I muri a‘e i to ’na mauiuiraa e tae noa ’tu i te pohe, ua fa ’tu oia e rave rahi taime ia ratou ia papu maitai ia ratou e te ora ra oia. E 40 mahana to ratou iteraa ia ’na e to ’na faataaraa ia ratou i te Faatereraa arii a te Atua.*  A putuputu ai ratou, faaue atura oia: “Eiaha e faarue ia Ierusalema, a tiai noa râ i ta te Metua i fafau mai e ta outou i faaroo mai ia ’u.  I bapetizo na hoi Ioane i te taata i te pape, outou râ, e bapetizohia ïa i te varua mo‘a i roto tau mahana noa.”  A putuputu faahou ai ratou, ui maira ratou: “E te Fatu, i teie nei oe e haamau faahou ai i te faatereraa arii i Iseraela?”  Na ô atura oia: “E ere tei ia outou te iteraa i te hora aore ra te tau ta te Metua i faaoti.*  E noaa râ ia outou te puai ia tae mai te varua mo‘a i nia iho ia outou, e e riro outou ei ite no ’u na Ierusalema, na Iudea taatoa, na Samaria e tae noa ’tu i te hopea o te fenua.”  I muri a‘e i to ’na parauraa i teie mau mea, afaihia a‘era oia i nia i mua i to ratou aro, vehîhia ihora oia e te hoê ata e aita ’tura ratou i ite faahou ia ’na. 10  E a hi‘o noa ’i ratou i te ra‘i a reva ’i oia i nia, tia taue maira i pihai iho ia ratou e piti tane e ahu uouo to raua, 11  e na ô maira: “Outou to Galilea, eaha outou e hi‘o noa ’i i te ra‘i? O Iesu tei ravehia a‘enei i nia i te ra‘i mai rotopu ia outou, e haere mai ïa mai ta outou i ite ia ’na i te revaraa i nia i te ra‘i.” 12  Ho‘i atura ratou i Ierusalema mai te mou‘a Oliveta, fatata ia Ierusalema, te atea e haere ai te hoê ati Iuda i te Sabati. 13  I to ratou taeraa ’tu, haere a‘era ratou i roto i te piha i nia e parahi ihora i reira. Te vai ra Petero, Ioane, Iakobo, Anederea, Philipa, Toma, Baretolomea, Mataio, Iakobo tamaiti a Alephaia, Simona parauhia “tei itoito rahi” e Iuda tamaiti a Iakobo. 14  Ma te hoê â mana‘o, tamau noa ’tura ratou i te pure e te tahi mau vahine, to Iesu mau taeae e to ’na metua vahine o Maria. 15  I taua mau mahana ra, a putuputu ai 120 taata, tia a‘era Petero i rotopu ia ratou e na ô atura: 16  “Taeae ma, ia tupu tei papaihia e tia ’i, ta te varua mo‘a i faaite atea na roto ia Davida no nia ia Iuda, tei aratai hoi i te feia tei haru ia Iesu, 17  no te mea i amuihia na oia ia matou e i apiti na i roto i teie taviniraa. 18  (Hoo maira taua taata ra i te hoê tâpû fenua i te moni i noaa mai no ta ’na ohipa parau-tia ore. Patia upoo ihora oia, amaha a‘era to ’na opu* e purehu maira to ’na aau i rapae. 19  Faaroo a‘era to Ierusalema taatoa i teie ohipa, e topahia ’tura taua tâpû fenua ra i te i‘oa Akeladama na roto i to ratou reo, “Fenua o te toto” te auraa.) 20  Ua papaihia hoi i roto i te buka Salamo: ‘Ia vai ano to ’na nohoraa, e eiaha roa e taata e parahi i reira,’ e ‘Ia riro ta ’na hopoia tiaau ia vetahi ê.’ 21  Ia monohia ïa oia e tia ’i e te hoê o te feia tei amui mai ia matou a rave noa ’i te Fatu ra o Iesu i ta ’na taviniraa i rotopu ia matou nei, 22  mai to Iesu bapetizoraahia e Ioane e tae roa i te mahana i ravehia ’tu ai oia mai rotopu ia matou, ia riro hoi oia mai ia matou nei ei ite no to ’na tia-faahou-raa.” 23  Faaite maira ratou e piti taata, Iosepha parauhia Barasaba, o Iuseto atoa te i‘oa, raua Matatia. 24  Pure ihora ratou e na ô atura: “Iehova,* oe tei ite i te aau o te taata atoa, faaite mai na o vai o teie na toopiti taata ta oe i maiti 25  no te rave i teie taviniraa e teie hopoia aposetolo ta Iuda i haapae, a haere atu ai na to ’na iho e‘a.” 26  Pere* ihora ratou e o Matatia tei maitihia. Amuihia ’tura oia i na aposetolo 11.

Nota i raro i te api

Aore ra “puai ohipa o te Atua.”
Aore ra “Basileia o te Atua.”
“Ta te Metua i tuu i raro a‘e i to ’na mana” na roto i te reo Heleni.
Aore ra “amaha a‘era o ’na na ropu.”
A hi‘o i te titionare.
A hi‘o i te titionare.