Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Mataio 3:1-17

HAAPOTORAA O TE MAU TUMU PARAU

  • Poro ra Ioane Bapetizo (1-12)

  • Bapetizoraa o Iesu (13-17)

3  I taua anotau ra, haere maira Ioane Bapetizo e poro i te medebara* no Iudea,  a parau ai: “A tatarahapa, ua fatata mai hoi te Faatereraa arii* o te ra‘i.”  O Ioane hoi ta Isaia te peropheta i faahiti i to ’na na ôraa: “E taata teie e tuô haere nei na te medebara: ‘A faaineine i te e‘a no Iehova!* A haamanina i te purumu no ’na.’”  E teie nei, e ahu huruhuru kamela to Ioane e te hatua i nia i to ’na tauupu. E ta ’na maa, e vivi ïa e te meli.  Haere maira to Ierusalema ia ’na ra, to Iudea e to te mau fenua atoa e ati a‘e Ioridana,  e bapetizohia* ihora ratou e ana i roto i te anavai o Ioridana, a fa‘i ai ratou i mua i te taata atoa i ta ratou mau hara.  Ite atura Ioane e rave rahi Pharisea e Sadukea i te haereraa mai i te vahi bapetizoraa, na ô atura oia ia ratou: “Fanau‘a ophi taero ma, na vai i faaara ia outou e e ora ’tu outou i te mahana o te riri o te Atua e piri mai ra?  A rave ïa i te mau ohipa o te faaite i to outou tatarahapa.  Eiaha e parau i roto ia outou iho: ‘O Aberahama to matou metua.’ Te parau atu nei hoi au e e nehenehe te Atua e faariro i teie mau ofai ei tamarii na Aberahama. 10  Ua ineine te opahi no te tâpû i te mau tumu raau i te a‘a. Te tumu raau atoa e ore e faahotu mai i te maa maitai, ia tâpûhia ïa a hurihia ’tu ai i roto i te auahi. 11  O vau nei, te bapetizo nei au ia outou i te pape no te mea ua tatarahapa outou. Area te taata e haere mai i muri a‘e ia ’u, e mana rahi a‘e ïa to ’na i to ’u. E ore e tia ia ’u ia tatara i to ’na tiaa. E bapetizo oia ia outou i te varua mo‘a e i te auahi. 12  Tei roto ta ’na ope no te sitona i to ’na rima e e tamâ roa oia i ta ’na vahi taataahiraa sitona,* a haaputu atu ai i ta ’na sitona i roto i te fare vairaa maa. Area te ota, e tanina ïa oia i te auahi o te ore e pohe.” 13  Mai Galilea mai, haere maira Iesu i Ioridana ia bapetizohia oia e Ioane. 14  Aita râ Ioane i farii, a na ô ai: “O oe te haere mai ia ’u nei? O vau hoi ta oe e bapetizo e tia ’i.” 15  Pahono ihora Iesu ia ’na: “Ia tupu iho â te reira, mea na reira hoi tâua e rave ai i te mea tia atoa.” Farii atura Ioane. 16  E oti a‘era Iesu i te bapetizohia, i reira iho, haere maira oia i nia mai raro mai i te pape. E inaha, matara a‘era te ra‘i e ite a‘era Ioane i te varua o te Atua i te pouraa mai mai te uupa ra i nia ia Iesu. 17  Inaha, e reo atoa tei faaroohia mai te ra‘i mai i te na ôraa: “O ta ’u Tamaiti teie, tei herehia, ta ’u i mauruuru roa.”

Nota i raro i te api

E tuhaa fenua teie aita i rahi te taata na reira.
Aore ra “Basileia.”
A hi‘o i te titionare.
Aore ra “taumihia.”
Te raveraa teie e matara ’i te huero sitona i to ’na tumu i te taataahiraa avae aore ra i te hoê mauhaa e hutihia e te animara.