Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Mataio 28:1-20

HAAPOTORAA O TE MAU TUMU PARAU

  • Faatia-faahou-hia Iesu (1-10)

  • Petahia te mau faehau ia haavare (11-15)

  • Faaueraa e faariro i te taata ei pǐpǐ (16-20)

28  I muri a‘e i te Sabati, i te aahiata o te mahana matamua o te hebedoma, haere atura Maria Magadala e te tahi atu Maria e hi‘o i te menema.  E inaha, i aueue rahi na te fenua, no te mea i pou mai na te hoê melahi a Iehova* mai te ra‘i mai, i turai na i te ofai e i parahi na i nia iho.  Te anaana ra oia mai te uira e mea uouo to ’na ahu mai te hiona.  No to ratou riaria, rûrû a‘era te mau tiai e riro atura mai te taata pohe ra.  Na ô atura râ te melahi i na vahine: “Eiaha e mǎta‘u, ua ite hoi au e te imi nei orua ia Iesu tei haapohehia i nia i te pou.  Aita oia i ǒ nei, ua faatiahia mai hoi oia, mai ta ’na iho â i parau. Haere mai a hi‘o i te vahi i vaiihohia ’i to ’na tino.  A haere oioi na e parau i ta ’na mau pǐpǐ e ua faatiahia mai oia mai te pohe mai, inaha, te na mua ’tu ra oia ia outou i te haere i Galilea. I reira outou e ite ai ia ’na. Tera ïa ta ’u poroi ia orua.”  Faarue ihora raua i te menema ma te riaria e te oaoa rahi, e horo atura e faaite i te parau apî i te mau pǐpǐ a Iesu.  E inaha, farerei maira Iesu ia raua e na ô maira: “Ia ora na!” Tapiri atura raua ia ’na, tapea a‘era i to ’na avae e tahopu atura ia ’na. 10  Parau maira Iesu: “Eiaha e mǎta‘u! A haere e faaite i te parau apî i to ’u mau taeae ia haere hoi ratou i Galilea, i reira ratou e ite ai ia ’u.” 11  A reva ’tu ai raua, inaha haere a‘era te tahi mau tiai i te oire e faatia ’tura i te mau tahu‘a tiaau i te mau mea atoa i tupu. 12  Putuputu a‘era te mau tahu‘a tiaau e te mau aratai ati Iuda, tauaparau a‘era ratou, horoa ’tura e rave rahi moni ario na te mau faehau, 13  e na ô atura: “A parau: ‘Ua haere mai ta Iesu mau pǐpǐ i te po e ua eiâ i to ’na tino a taoto noa ’i matou.’ 14  E ia tae noa ’tu teie parau i te tari‘a o te tavana, eiaha outou e haapeapea, na matou e faataa ’tu ia ’na.” 15  Rave a‘era ratou i na moni ario, parau haere atura i tei faauehia ’tu, e atutu atura teie parau i rotopu i te ati Iuda e tae roa mai i teie mahana. 16  Area na pǐpǐ 11, haere maira ïa i Galilea i te mou‘a ta Iesu i parau. 17  I to ratou iteraa ia ’na, tahopu maira ratou, feaa a‘era râ vetahi. 18  Tapiri atura Iesu ia ratou e parau atura: “Ua horoahia mai ia ’u te mana atoa i te ra‘i e i te fenua. 19  A haere ïa e faariro i te taata o te mau nunaa atoa ei pǐpǐ na ’u ma te bapetizo ia ratou i te i‘oa o te Metua e o te Tamaiti e o te varua mo‘a, 20  ma te haapii ia ratou ia haapao i te mau mea atoa ta ’u i faaue ia outou. E a haamana‘o, tei pihai iho vau ia outou i te mau mahana atoa e tae noa ’tu i te anotau hopea o te faanahoraa o te ao nei.”*

Nota i raro i te api

A hi‘o i te titionare.
Aore ra “te tau.” A hi‘o i te titionare.