Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Mataio 1:1-25

HAAPOTORAA O TE MAU TUMU PARAU

  • Pǎpǎraa tupuna o Iesu Mesia (1-17)

  • Fanauraa o Iesu (18-25)

1  E buka teie e faatia ra i te oraraa o Iesu* Mesia,* tamaiti na Davida, tamaiti na Aberahama:   Fanau a‘era ta Aberahama o Isaaka, fanau a‘era ta Isaaka o Iakoba, fanau a‘era ta Iakoba o Iuda e to ’na mau taeae,   fanau a‘era ta Iuda o Pereza raua Zera e o Tamara to raua metua vahine, fanau a‘era ta Pereza o Hezerona, fanau a‘era ta Hezerona o Rama,   fanau a‘era ta Rama o Aminadaba, fanau a‘era ta Aminadaba o Naasona, fanau a‘era ta Naasona o Salamona,   fanau a‘era ta Salamona o Boaza e o Rahaba te metua vahine, fanau a‘era ta Boaza o Obeda e o Ruta te metua vahine, fanau a‘era ta Obeda o Iese,   fanau a‘era ta Iese o Davida te arii. Fanau a‘era ta Davida o Solomona i te vahine faaipoipo a Uria na mua ’‘e,   fanau a‘era ta Solomona o Rehoboama, fanau a‘era ta Rehoboama o Abia, fanau a‘era ta Abia o Asa,   fanau a‘era ta Asa o Iehosaphata, fanau a‘era ta Iehosaphata o Iehorama, fanau a‘era ta Iehorama o Uzia,   fanau a‘era ta Uzia o Iotama, fanau a‘era ta Iotama o Ahaza, fanau a‘era ta Ahaza o Hezekia, 10  fanau a‘era ta Hezekia o Manase, fanau a‘era ta Manase o Amona, fanau a‘era ta Amona o Iosia, 11  fanau a‘era ta Iosia o Iekonia e to ’na mau taeae i te anotau a hopoi-ê-hia ’i te mau ati Iuda i Babulonia. 12  I Babulonia fanau a‘era ta Iekonia o Sealatiela, fanau a‘era ta Sealatiela o Zerubabela, 13  fanau a‘era ta Zerubabela o Abiuda, fanau a‘era ta Abiuda o Eliakima, fanau a‘era ta Eliakima o Azora, 14  fanau a‘era ta Azora o Zadoka, fanau a‘era ta Zadoka o Akima, fanau a‘era ta Akima o Eliuda, 15  fanau a‘era ta Eliuda o Eleazara, fanau a‘era ta Eleazara o Matana, fanau a‘era ta Matana o Iakoba, 16  fanau a‘era ta Iakoba o Iosepha te tane faaipoipo a Maria, metua vahine o Iesu tei parauhia te Mesia. 17  Teie ïa te mau u‘i atoa: mai ia Aberahama e tae atu ia Davida, 14 u‘i, mai ia Davida e tae atu i te hopoi-ê-raahia te mau ati Iuda i Babulonia, 14 u‘i, e mai to ratou hopoi-ê-raahia i Babulonia e tae atu i te Mesia, 14 u‘i. 18  Teie ïa te tupuraa o to Iesu Mesia fanauraa. Ua momo‘ahia to ’na metua vahine Maria ia Iosepha, a hapû mai ai oia maoti te varua mo‘a,* hou raua a taatihia ’i. 19  No te mea râ e taata parau-tia ta ’na tane* ra o Iosepha e aita o ’na e hinaaro e faahaama ia Maria, opua a‘era o ’na e faataa huna noa ia raua. 20  I muri a‘e i to ’na feruriraa i tera mau mea, inaha, fa maira ta Iehova* melahi ia ’na na roto i te moemoeâ, a na ô ai: “E Iosepha, tamaiti a Davida, eiaha oe e mǎta‘u i te faaipoipo ia Maria,* maoti hoi te varua mo‘a i hapû ai oia. 21  E fanau oia i te hoê tamaiti e ia topa oe i to ’na i‘oa o Iesu,* e faaora hoi oia i te taata i ta ratou hara.” 22  Ua tupu iho â teie mau mea atoa mai ta Iehova* i parau na roto i ta ’na mau peropheta, i te na ôraa: 23  “Inaha, e hapû te vahine apî* e e fanau oia i te hoê tamaiti te topahia i te i‘oa o Emanuela,” teie te auraa ia hurihia, “Tei ia matou nei te Atua.” 24  Ara a‘era Iosepha e rave atura i ta te melahi a Iehova* i parau ia ’na. Ua rave mai oia ia Maria i ǒ ’na. 25  Aita râ oia i taoto ia ’na e tae roa ’tu i to Maria fanauraa mai i te hoê tamaiti ta ’na i topa i te i‘oa o Iesu.

Nota i raro i te api

Aore ra “E pǎpǎraa tupuna teie o Iesu.”
“Kirito” na roto i te reo Heleni. Aore ra “tei Faatavaihia.”
Aore ra “puai ohipa o te Atua.”
No te ati Iuda, e parauhia te tane momo‘ahia e tane faaipoipo.
Teie te taime matamua o na 237 taime i roto i te mau Papai Heleni Kerisetiano e itehia ’i te i‘oa o te Atua ra o Iehova i roto i teie huriraa. A hi‘o i te titionare.
“Eiaha oe e mǎta‘u i te rave i to vahine ia Maria i ǒ oe” na roto i te reo Heleni.
Iesua, aore ra Iosua, na roto i te reo Hebera, “Iehova te Faaora” te auraa.
A hi‘o i te titionare.
“Paretenia” na roto i te reo Heleni, oia hoi e vahine aita i taoto a‘enei i te hoê tane.
A hi‘o i te titionare.