Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Mareko 16:1-8

HAAPOTORAA O TE MAU TUMU PARAU

  • Faatia-faahou-hia Iesu (1-8)

16  I te mairiraa te Sabati,* hoo maira Maria Magadala, Maria to Iakobo metua vahine e o Salome i te raau no‘ano‘a anoihia i te mono‘i no te parai i nia i te tino o Iesu ia haere ratou i te menema.  E i te poipoi roa i te mahana matamua o te hebedoma, haere atura ratou i te menema* e no hiti noa mai ra te mahana i to ratou taeraa ’tu.  Na ô a‘era te tahi i te tahi: “Na vai e turai ê i te ofai i te uputa o te menema no tatou?”  I to ratou râ hi‘oraa ’tu, ite a‘era ratou e ua turai-ê-hia te ofai, noa ’tu e e ofai iti rahi.  I to ratou tomoraa i roto i te menema, ite atura ratou i te hoê taata apî e parahi ra i te pae atau, e ahu roa uouo to ’na, mehameha roa a‘era ratou.  Na ô maira oia ia ratou: “Eiaha e mehameha. Ua ite au e te imi nei outou ia Iesu no Nazareta, tei haapohehia i nia i te pou. Ua faatiahia mai oia, aita oia i ǒ nei. A hi‘o i te vahi i vaiihohia ’i to ’na tino.  A haere râ e parau i ta ’na mau pǐpǐ e ia Petero: ‘Te na mua ’tu ra oia ia outou i te haere i Galilea. I reira outou e ite ai ia ’na, mai ta ’na i parau ia outou.’”  I to ratou haereraa ’tu i rapae i te menema, horo atura ratou ma te rûrû e te maere rahi. No te mǎta‘u râ, aita ’tura ratou i faaite i te taata.*

Nota i raro i te api

A hi‘o i te titionare.
Aore ra “menema haamana‘oraa.”
Ia au i te mau papai tahito faaturahia, e hope te Evanelia a Mareko na roto i te mau parau o te irava 8.