Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Korinetia 2, 9:1-15

HAAPOTORAA O TE MAU TUMU PARAU

  • Faaitoitoraa ia horoa (1-15)

    • Mea here na te Atua te taata horoa aau tae (7)

9  E teie nei, aita hoi e titauhia ra ia papai vau ia outou no nia i te taviniraa i te feia mo‘a,  ua ite hoi au i to outou anaanatae, o ta ’u ïa e haapeu nei i mua i to Makedonia, hoê matahiti hoi i teie nei to outou ineineraa i Ahaia i te tauturu i te feia mo‘a, e no to outou itoito rahi i anaanatae ai te rahiraa o ratou.  Tera râ, te tono atu nei au i te mau taeae, eiaha to matou haapeuraa ia outou ia faufaa ore, e ia ineine mau â outou, mai ta ’u iho â i parau.  Ia apee mai râ te mau taeae no Makedonia ia ’u a ite atu ai ratou e aita outou i ineine, e haama ïa matou no to matou tiaturi ia outou, e e haama atoa hoi outou.  Ua mana‘o ïa vau e mea maitai ia faaitoito atu i te mau taeae ia haere ratou na mua roa i ǒ outou, a haaputu mai ai i te ô ta outou i euhe e horoa, e ia tae atu matou, ua ineine ïa, e tapao te reira e e ô horoa noa teie, e ere i te mea faahepohia.  Tera râ, te taata e ueue ma te pipiri, mea iti ïa ta ’na e ooti mai, area te taata e ueue ma te pipiri ore, mea rahi ïa ta ’na e ooti mai.  Ia horoa te taata tataitahi mai ta ’na i faaoti i roto i to ’na aau, eiaha ma te hinaaro ore* aore ra ma te faahepohia, mea here hoi na te Atua te taata o te horoa ma te aau tae.  Hau atu â, e nehenehe te Atua e faaite i to ’na hamani maitai rahi hau ê ia outou, ia navai outou i te mau mea hinaaro-mau-hia no te oraraa, e no te rave atoa i te ohipa maitatai e rave rau.  (Mai tei papaihia: “Ua opere rahi oia,* ua horoa oia na te veve. E vai â ta ’na parau-tia e a muri noa ’tu.” 10  E teie nei, na te Atua o te horoa rahi mai i te huero na te taata ueue e i te faraoa* ei maa, e horoa faarahi mai i te huero ia ueue outou e e faarahi i te hoturaa o ta outou parau-tia.) 11  I te mau mea atoa, te haamaitai-rahi-hia ra outou ia nehenehe hoi outou ia horoa noa i roto i te mau tupuraa atoa, no reira ïa te taata tei tauturuhia e haamauruuru ai i te Atua. 12  Teie hoi taviniraa ta outou e rave ra, e ere noa ïa no te horoa i te mea e hinaaro-mau-hia e te feia mo‘a, ia riro atoa râ te reira ei tumu e haamauruuru-rahi-hia ’i te Atua. 13  Te haapapu ra ta outou i rave i to outou huru mau, e no reira ratou e faahanahana ’i i te Atua, ua auraro hoi outou i te parau apî oaoa no nia i te Mesia, mai ta outou e faaite haere ra, oia atoa no to outou aau horoa noa a turu ai outou ia ratou e ia vetahi ê atoa. 14  E na roto i to ratou taparuparuraa i te Atua no outou, e faaite ratou i to ratou here ia outou no te hau ê o te hamani maitai rahi o te Atua i nia ia outou. 15  E haamauruuru ana‘e i te Atua no teie ô faahiahia roa ta ’na i horoa noa mai.

Nota i raro i te api

Aore ra “ma te aau tae ore.”
Aore ra “Ua opere oia ma te horoa noa.”
Aore ra “pane.”