Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Korinetia 2, 5:1-21

HAAPOTORAA O TE MAU TUMU PARAU

  • Ahuraa mai i te nohoraa no te ra‘i (1-10)

  • Taviniraa o te faahauraa (11-21)

    • Taata hamani-apî-hia (17)

    • Tia no te Mesia (20)

5  Ua ite hoi tatou e ia hurihia i raro* to tatou fare i te fenua, e tiahapa hoi, e fana‘o ïa tatou i te hoê paturaa no ǒ mai i te Atua ra, te hoê fare mure ore i nia i te ra‘i tei ore i hamanihia e te rima taata.  Te autâ nei hoi tatou i roto i teie nei fare* no te hinaaro rahi e rave mai i te fare* no te ra‘i o te tapo‘i ia tatou mai te ahu ra,  ia ore tatou ia vai tahaa noa ia tae i te taime e ahu ai tatou i te reira.  Oia, te autâ nei tatou i roto i teie tiahapa no te teimaha, e ere no te mea e te hinaaro nei tatou e tatara i teie tiahapa, tera râ, e hinaaro rahi to tatou i te ahu mai i te tahi atu, a mono atu ai te ora mure ore i te tino pohe.  E na te Atua i faaineine ia tatou no teie huru ora, oia tei horoa mai i te varua mo‘a ei haapapuraa* o te mau haamaitairaa e fatata i te tupu.  No reira, te tiaturi papu nei matou, e ua ite atoa hoi e a ora noa ’i matou i roto i te tino, aita ïa matou i pihai iho i te Fatu.  E haerea faaroo hoi to tatou, e ere i te haerea ite mata.  Tera râ, mea papu e mea hinaaro na tatou e haapae i to tatou tino e e ora e te Fatu.  No reira, te ora ra anei tatou e o ’na aore ra i te atea ia ’na, e tutava ana‘e ia farii oia ia tatou. 10  E tia paatoa hoi tatou* i mua i te terono haavaraa o te Mesia, ia faaho‘ihia ta te taata tataitahi ia au i ta ’na i rave a ora noa ’i i roto i te tino, e ohipa maitai anei ta ’na aore ra e ohipa ino. 11  Ua ite hoi matou e mea tia ia mǎta‘u i te Fatu, no reira te haaferuri noa ra matou i te taata, ua ite maitai râ te Atua i to matou huru mau. Te tiaturi nei râ vau e ua tauturu to outou mana‘o haava ia outou ia taa i to matou huru mau. 12  Aita matou e faaite faahou ra ia outou o vai matou, te faaitoito nei râ ia riro matou ei haapeuraa na outou, a pahono atu ai outou i te feia e teoteo ra i te huru rapaeau, eiaha râ i to roto i te aau. 13  Mai te peu e ua rave matou i te tahi mea mai te neneva ra, no te Atua ïa. Mai te peu râ e mea afaro to matou feruriraa, no outou ïa. 14  Te faahepo nei hoi te here o te Mesia ia tatou, no te mea teie to matou mana‘o, ua pohe te hoê no te taata atoa, i pohe ê na hoi te taata atoa. 15  E ua pohe oia no te taata atoa ia ore te feia e ora ra ia ora faahou no ratou iho, ia ora râ no ’na o tei pohe no ratou e tei faatiahia mai. 16  Mai teie atu nei â, aita matou e hi‘o faahou ra i te taata ia au i ta te mata e ite. Noa ’tu e ua ite roa ’tu vetahi o matou i te Mesia, eita tatou e nehenehe e na reira faahou. 17  No reira, te taata atoa tei hoê e te Mesia, e taata hamani-apî-hia ïa. Ua mou hoi te mau mea tahito, e inaha, e mau mea apî teie i hamanihia. 18  No ǒ mai râ te mau mea atoa i te Atua ra tei faatupu i te hau i rotopu ia ’na e ia tatou na roto i te Mesia e tei horoa mai i te taviniraa o te faahauraa, 19  te auraa, na roto i te Mesia, te faatupu ra ïa te Atua i te hau i rotopu ia ’na e to te ao nei ma te faaore i ta ratou mau hapa, e ua horoa mai i te poroi o te faahauraa. 20  No reira, ei tia tatou no te mono i te Mesia, mai te huru ra e te pii nei te Atua na roto ia tatou. Ei mono i te Mesia, te taparu nei ïa tatou: “A faahau e te Atua.” 21  Ua faariro te Atua i te taata hara ore ra ei hara* no tatou, ia nehenehe tatou, na roto ia ’na, ia riro ei taata parau-tia i te aro o te Atua.

Nota i raro i te api

Aore ra “ia mou.”
Aore ra “nohoraa.”
Aore ra “nohoraa.”
Aore ra “tarahu,” “piri.”
Aore ra “E ite-maitai-hia hoi to tatou huru mau.”
Aore ra “tusia pûpûhia no te hara.”