Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Korinetia 2, 4:1-18

HAAPOTORAA O TE MAU TUMU PARAU

  • Maramarama o te parau apî oaoa (1-6)

    • Haapoirihia te feia aita e tiaturi ra ia Iesu (4)

  • Tao‘a i roto i te mau farii repo (7-18)

4  No te mea e ua horoahia mai teie taviniraa ia matou na roto i te aroha hamani maitai ta te Atua i faaite mai, eita ïa matou e tuu.  Ua haapae râ matou i te mau peu haama rave-huna-hia, e aita matou i pee i te haerea haavarevare e aita atoa i taviri* i te parau a te Atua. I to matou râ faaiteraa i te parau mau, ua riro ïa matou ei hi‘oraa maitai no te taata atoa* i te aro o te Atua.  E mai te peu e ua hunahia* te parau apî oaoa ta matou e faaite ra, ua huna-noa-hia ïa i te feia e pohe,  oia hoi te feia aita e tiaturi ra ia Iesu, ta te atua hoi o teie faanahoraa o te ao nei* i haapoiri i te feruriraa ia ore te maramarama o te parau apî oaoa hanahana no nia i te Mesia, te hoho‘a o te Atua, ia anaana i nia ia ratou.  Aita hoi matou e poro nei i te parau no nia ia matou, te poro nei râ matou e o Iesu Mesia te Fatu, e o matou nei, e tavini ïa na outou na roto ia Iesu.  Na te Atua hoi i parau: “Ia anaana te maramarama i roto i te poiri.” Na roto i te hoho‘a mata o te Mesia, ua turama mai te Atua i to matou aau tei anaana i to ’na ite hanahana.  Tera râ, te vai nei taua tao‘a ra ia tatou mai te mea ra e tei roto i te farii repo* ia itehia e no ǒ mai i te Atua ra te puai o te hau ê i to te taata nei, e ere râ no ǒ mai ia tatou.  Te roohia ra tatou i te mau huru ati atoa, aita râ i apǐapǐ roa. Te feaa ra tatou, e itea râ te tahi faaoraraa.*  Te hamani-ino-hia ra tatou, aita râ i faaruehia. Te hurihia ra tatou i raro, aita râ i mou. 10  E faaû noa na matou i te ati pohe ta Iesu i faaruru ia ite te taata e te ora ra matou mai ia Iesu ra. 11  No to matou hoi peeraa ia Iesu, e faaruru noa na matou i te pohe ia ite hoi te taata atoa e te mauiui ra matou mai ia Iesu i mauiui. 12  Te ohipa nei te pohe i roto ia matou, area te ora, te ohipa nei ïa i roto ia outou. 13  Ua papaihia hoi: “Ua faatupu vau i te faaroo, no reira ïa vau i parau ai.” Te faatupu atoa nei matou i te faaroo, no reira ïa matou e parau ai, 14  e ua ite atoa matou e na te Atua, tei faatia ia Iesu, e faatia mai ia matou mai ia Iesu ra a hopoi atu ai ia matou e ia outou atoa i mua ia Iesu. 15  No to outou hoi maitai taua mau mea atoa nei, ia rahi mai â te hamani maitai rahi o te Atua. E rahi mai â te reira ia arue e rave rahi atu â taata i te Atua ma te haamauruuru ia ’na. 16  No reira, eita ïa tatou e tuu, e noa ’tu e te ruhiruhia noa ’tu ra te taata i rapaeau, mea papu e te faaapî-noa-hia ra te taata i roto i tera e tera mahana. 17  E noa ’tu e mea poto e te mâmâ te ati* ta tatou e faaruru ra, na roto i taua ati ra e fana‘o ai tatou i te hanahana mure ore o te haere noa ’tu ra i te faahiahiaraa,* 18  a tiatonu noa ’i tatou i te mau mea ite-ore-hia, eiaha râ i te mau mea itehia ra. No te hoê taime poto noa hoi te mau mea itehia ra, area te mau mea ite-ore-hia ra, e mea mure ore ïa.

Nota i raro i te api

“Faahuru ê” na roto i te reo Heleni.
“No te mana‘o haava o te taata atoa” na roto i te reo Heleni.
“To muri i te ahu paruru” na roto i te reo Heleni.
Aore ra “teie tau.” A hi‘o i te titionare.
Aore ra “farii araea.”
Nehenehe atoa e hurihia “aita râ tatou e ere ra i te tiaturiraa.”
Aore ra “tamataraa.”
“Teiaharaa” na roto i te reo Heleni.