Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Korinetia 2, 2:1-17

HAAPOTORAA O TE MAU TUMU PARAU

  • To Paulo hinaaro e faaoaoa ’tu (1-4)

  • E taata tei faaorehia te hara e tei faaho‘ihia mai (5-11)

  • Paulo i Teroa e i Makedonia (12, 13)

  • Te taviniraa, te hoê poroteraa upootiaraa (14-17)

    • E ere i te feia hoohoo haere i te parau a te Atua (17)

2  Ua faaoti hoi au eiaha e haere atu i ǒ outou ra a tupu atu ai te oto.  Ahiri hoi no ’u outou e oto ai, na vai ïa e faaoaoa mai ia ’u maori noa râ te taata no ’u oia i oto ai?  No reira ïa vau i papai atu ai ia outou, ia ore outou ia riro ei tumu e oto ai au ia haere atu vau, ia oaoa râ vau ia outou. Oia hoi, te tiaturi nei au e e oaoa atoa outou i te mau mea i faaoaoa ia ’u.  Ua papai atu hoi au na roto i te ahoaho e te aau peapea e te roimata atoa, eiaha outou ia oto, ia ite râ outou i te rahi o to ’u here.  E teie nei, mai te peu e ua faatupu te tahi i te oto, e ere ïa o vau ana‘e tei oto no ta ’na i rave, o outou paatoa râ. Aita hoi au e hinaaro ra ia teimaha roa ta ’u parau.  Ua navai noa i to te rahiraa o outou a‘oraa i teie taata.  E teie nei, ia ineine ïa outou i te faaore i ta ’na hara e tia ’i e i te tamahanahana ia ’na, ia ore oia ia horomii-roa-hia i te oto rahi.  No reira, te faaitoito ra vau ia outou ia haapapu i to outou here ia ’na.  O te tumu atoa ïa i papai atu ai au, ia faaite mai outou e te auraro mau ra anei outou i te mau mea atoa. 10  Ia faaore hoi outou i te hapa a te tahi, e na reira atoa ïa vau. Mai ia ’u atoa nei râ, ua faaore ana‘e au i ta te tahi ra hapa, no to outou ïa maitai i te aro o te Mesia, 11  ia ore tatou ia noaa* ia Satani, ua ite hoi tatou i ta ’na mau raveraa.* 12  E teie nei, e uputa tei matara i mua ia ’u i roto i te ohipa a te Fatu i to ’u taeraa ’tu i Teroa no te faaite i te parau apî oaoa* no nia i te Mesia, 13  ua hepohepo vau no te mea aita o Tito to ’u taeae i itehia e au. No reira, ua aroha ’tu vau i to ǒ mau pǐpǐ, e fano atura i Makedonia. 14  Ia haamaitaihia râ te Atua, oia te aratai noa ia tatou i roto i te hoê poroteraa upootiaraa i pihai iho i te Mesia, e na roto ia tatou e parare ai* i te mau vahi atoa te no‘ano‘a o te ite no nia ia ’na! 15  E au tatou o te poro ra no nia i te Mesia i te mea no‘ano‘a no te Atua. E ua raea te feia e faaorahia e te feia e haapohehia i teie no‘ano‘a. 16  No te feia e pohe, e hau‘a pohe ïa o te aratai i te pohe, area no te feia e ora, e hau‘a ora ïa o te aratai i te ora. E o vai hoi te tano roa no teie taviniraa? 17  E ere tatou i te feia hoohoo haere i te parau a te Atua* mai e rave rahi taata, te parau nei râ tatou i te parau mau ei feia e pee ra i te Mesia i te aro o te Atua e ei feia i tonohia e te Atua.

Nota i raro i te api

Aore ra “vare.”
Aore ra “opuaraa.”
Aore ra “evanelia.”
Aore ra “hau‘ahia ’i.”
Aore ra “Aita tatou e faariro ra i te parau a te Atua ei imiraa moni na tatou.”