Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Korinetia 2, 13:1-14

HAAPOTORAA O TE MAU TUMU PARAU

  • Faaararaa e a‘oraa hopea (1-14)

    • “A tamau i te hi‘opoa ia oe tei roto anei oe i te faaroo” (5)

    • Ia faatitiaifarohia, ia faaite i te mana‘o hoê (11)

13  Te haere atu nei au i ǒ outou no te toru o te taime. “Tei te parau a* toopiti aore ra tootoru ite e papu roa ’i te mau mea atoa.”  Noa ’tu e aita vau i rotopu ia outou i teie nei, teie râ a farii i ta ’u parau, mai te huru ra e o te piti o te taime vau i rotopu ai ia outou. Mai ta ’u i rave a‘ena, te faaara faahou atu nei au i te feia atoa i hara na e i te tahi atu pae e eita vau e faaherehere ia ratou ia tae noa ’tu â vau,  i te mea e te imi nei outou i te haapapuraa e o te Mesia iho â teie e parau nei na roto ia ’u, e ere oia i te mea paruparu i rotopu ia outou, e faaite noa râ oia i to ’na puai rahi.  Oia mau, no te paruparu oia i haapohehia ’i i nia i te pou, tera râ, te ora nei oia maoti te mana o te Atua. Parau mau, e mea paruparu tatou mai ia ’na i paruparu na, tera râ e ora matou paatoa e o ’na maoti te mana o te Atua i rotopu ia outou.  A tamau i te hi‘opoa ia oe tei roto anei oe i te faaroo, e i te tamata ia oe teihea huru taata oe. Aore ra aita anei outou i taa e ua hoê outou e Iesu Mesia? Mai te peu e aita, aita ïa outou i fariihia e te Atua.  Te tiaturi mau nei au e e taa ia outou e ua fariihia matou.  E teie nei, te pure nei matou i te Atua ia ore outou ia rave i te mea ino, e ere ïa no te faaite e ua fariihia matou e te taata, ia rave râ outou i te mea maitai, noa ’tu e eita matou e fariihia e te taata.  Eita roa hoi matou e nehenehe e patoi i te parau mau, e turu noa râ i te parau mau.  Ia paruparu matou a puai ai outou, e oaoa noa ïa matou. Teie hoi ta matou e ani nei na roto i te pure, ia faatitiaifarohia outou. 10  No reira vau e papai ai i teie mau parau aita ana‘e au i rotopu ia outou, e to reira ana‘e au, eiaha vau ia etaeta roa a faaohipa ’i i te mana tei horoahia mai e te Fatu no te faaitoito ia outou, eiaha râ no te vavahi atu. 11  Taeae ma, teie ta ’u mau parau hopea, ia tamau â outou i te oaoa, i te faatitiaifarohia, i te tamahanahanahia, i te faaite i te mana‘o hoê e i te ora hau noa. Ei ia outou ra te here e te hau o te Atua. 12  E apa maitai i te tahi e te tahi ma te here taeae. 13  Te aroha ’tu nei te feia mo‘a atoa ia outou. 14  Ei ia outou paatoa te hamani maitai rahi o te Fatu ra o Iesu Mesia e te here o te Atua, e ia fana‘o outou paatoa i te varua mo‘a.

Nota i raro i te api

“Te vaha o” na roto i te reo Heleni.