Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Korinetia 2, 10:1-18

HAAPOTORAA O TE MAU TUMU PARAU

  • To Paulo tururaa i ta ’na taviniraa (1-18)

    • E ere ta tatou mauhaa tama‘i i ta te tino (4, 5)

10  E teie nei, o vau iho nei o Paulo, te taparu nei au ia outou ma te mǎrû e te hamani maitai o te Mesia, o vau ta outou e mana‘o ra e e taata haihai ia parahi au i rotopu ia outou, mea itoito râ aita ana‘e vau i ǒ outou.  Te tiaturi nei au e ia tae atu vau, ua taui ê na te feia e mana‘o ra e e au to matou haerea i ta te tino, ia ore au ia a‘o etaeta ’tu ia ratou.  Noa ’tu e e haerea e au i ta te tino to matou, aita râ matou e tama‘i ra ia au i ta te tino nei.  E ere hoi ta matou mauhaa tama‘i i ta te tino, e mauhaa puai râ no ǒ mai i te Atua, no te huri i raro i te mau mea e au i te pare.  Te huri nei hoi matou i raro i te mau feruriraa hape e te mau mea teitei atoa o te patoi ra i te ite no nia i te Atua, e te faatîtî nei matou i te mau mana‘o atoa ia auraro noa i te Mesia.  Ua ineine atoa matou i te faautua ’tu i te taata faaroo ore atoa, a haapapu roa mai ai outou i to outou auraro taatoa.  E haava outou i te mau mea ia au i te huru rapaeau. Mai te peu e ua papu i te tahi ra e no te Mesia oia, ia haamana‘o ïa: I te mea e no te Mesia oia, no te Mesia atoa ïa matou.  Mai te peu hoi e e haapeu roa vau i te mana ta te Fatu i horoa ia matou no te faaitoito ia outou eiaha râ no te vavahi, eita iho â vau e haama.  Aita hoi au e hinaaro ra ia mana‘o outou e te faariaria ra vau ia outou i ta ’u mau rata. 10  Te parau nei hoi vetahi: “Mea teimaha ta ’na mau rata e te puai, e taata haihai râ oia ia parahi tino mai i rotopu ia tatou e te faufaa ore hoi ta ’na parau.” 11  Ia ite râ tera huru taata e, ta matou i parau i roto i te rata aita ’i matou i ǒ outou ra, o ta matou atoa ïa e rave* a parahi ai i rotopu ia outou. 12  Eita hoi e tia ia matou ia faafaito e ia faaau ia matou iho i te tahi pae o te faateitei ra ia ratou iho. A faafaito ai e a faaau ai ratou ia ratou iho, aita roa ïa ratou e maramarama ra. 13  E haapeu iho â matou, eiaha râ hau atu i tei tia. E haapeu noa hoi matou i ta matou i rave i roto i te ohipa ta te Atua i horoa* mai, e to roto atoa outou. 14  A haere ai matou i ǒ outou, aita matou i rave i te tahi ohipa tei ore i faauehia mai e te Atua, o matou hoi tei tae matamua i ǒ outou no te faaite atu i te parau apî oaoa no nia i te Mesia. 15  Aita matou e haapeu nei i tei ore i faaotihia no matou, e aita hoi matou i haapeu i ta vetahi ê ra ohipa, te tiaturi nei râ matou e, a rahi noa mai ai to outou faaroo, e rahi atoa mai ta matou ohipa e rave, i roto noa râ i ta matou tuhaa fenua pororaa. I reira ïa ta matou ohipa e aano roa ’tu ai, 16  ia nehenehe matou e faaite i te parau apî oaoa i te mau fenua atea ’tu â ia outou, ia ore matou ia haapeu i te ohipa i rave-a‘ena-hia i roto i te tuhaa fenua a te tahi atu. 17  “Te taata e haapeu ra, ia haapeu ïa ia Iehova.”* 18  E farii Iehova* i te taata ta ’na i haapopou, eiaha râ te taata tei haapopou ia ’na iho.

Nota i raro i te api

“O ta matou atoa ïa ohipa” na roto i te reo Heleni.
Aore ra “tufa.”
A hi‘o i te titionare.
A hi‘o i te titionare.