Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Korinetia 1, 8:1-13

HAAPOTORAA O TE MAU TUMU PARAU

  • Maa i pûpûhia i te idolo (1-13)

    • No tatou, hoê ana‘e Atua (5, 6)

8  E teie nei, no nia i te maa i pûpûhia i te idolo: Ua taa ia tatou e tei ia tatou paatoa ra te ite no nia i teie parau. E faatupu te ite i te teoteo, e faaitoito râ te here i te taata.  Ia mana‘o te hoê taata e ua ite oia i te tahi parau, aita â ïa oia i ite i te mau mea atoa no nia i taua parau ra.  Tera râ, ia here te hoê taata i te Atua, oia ïa tei itehia e ana.  E teie nei, no nia i te amuraa i te maa i pûpûhia i te idolo, ua ite tatou e aita roa to te idolo e faufaa i roto i teie nei ao. Ua ite atoa râ tatou e hoê ana‘e Atua e aita ’tu.  Noa ’tu hoi e e rave rahi o tei parauhia ra e atua, i te ra‘i anei e i te fenua, e parau mau hoi e rave rahi iho â “atua” e e rave rahi atoa “fatu”,  no tatou râ, hoê ana‘e ïa Atua, o te Metua, no ǒ mai hoi ia ’na te mau mea atoa e no ’na atoa hoi tatou. E hoê ana‘e Fatu, o Iesu Mesia, na roto hoi ia ’na te mau mea atoa e vai ai, e te ora nei tatou na roto ia ’na.  Tera râ, e ere te taata atoa tei ite i te reira. No te mea râ e i haamori na vetahi i te idolo, te amu nei ïa ratou i te maa a mana‘o ai e ua faatusiahia i te idolo, i reira ïa to ratou mana‘o haava paruparu e viivii ai.  E ere râ na te maa e faafatata ’tu ia tatou i te Atua. Ia ore hoi tatou ia amu i te maa, eita tatou e erehia, e ia amu tatou i te maa, eita atoa tatou e faufaahia.  E ara râ eiaha teie tiamâraa to outou ia riro ei ofai turoriraa na te feia paruparu. 10  Ia ite noa mai te tahi taata ia oe, tei noaa te ite no nia i taua parau ra, e tamaa ra i roto i te hiero e haamorihia ’i te idolo, eita anei te mana‘o haava o teie taata paruparu e fifihia a turaihia ’tu ai o ’na ia amu i te maa i pûpûhia i te idolo? 11  No taua hoi ite to oe ra, te tuinohia ra te faaroo o te taata paruparu, o to oe hoi taeae no ’na te Mesia i pohe ai. 12  Ia na reira outou i te hara ’tu i to outou mau taeae e i te faainoino i to ratou mana‘o haava paruparu, te hara ’tu ra ïa outou i te Mesia. 13  No reira, ia turori noa ’tu to ’u taeae no te maa i‘o ta ’u e amu, eita roa ’tu vau e amu faahou i te maa i‘o, ia ore to ’u taeae ia turori.

Nota i raro i te api