Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Korinetia 1, 5:1-13

HAAPOTORAA O TE MAU TUMU PARAU

  • Te hoê peu taotoraa tia ore (1-5)

  • E maraa te taatoaraa o te faraoa ôihia i te hopue rii noa (6-8)

  • Ia tiavaruhia te hoê taata ino (9-13)

5  Inaha, ua faarooroo vau e, i rotopu ia outou, te faaea ra* te hoê tane i te vahine a to ’na iho metua tane. Mea faufau a‘e teie peu taotoraa tia ore* i te mau peu atoa e ravehia ra i ǒ te mau nunaa ěê.  Ua au roa ïa outou! E mea maitai a‘e râ no outou ia oto, e ia tiavaru i tera tane tei rave i taua ohipa faufau ra i rapae i te amuiraa.  Noa ’tu e aita vau i ǒ outou, to ’u râ mana‘o,* oia ïa. E ua haava a‘ena vau i te tane tei rave i te reira mai te huru ra e tei rotopu iho â vau ia outou.  E ia putuputu outou, tei ia outou ra ïa to ’u mana‘o* e oia atoa te puai o to tatou Fatu ra o Iesu. No reira, i te i‘oa o to tatou Fatu ra o Iesu,  ia tuu ïa outou i tera tane ia Satani ra ia haamouhia ta te tino, na reira hoi e paruruhia ’i te huru feruriraa* o te amuiraa i te mahana o te Fatu.  E ere to outou i te teoteoraa nehenehe. Aita anei outou i ite e e maraa* te taatoaraa o te faraoa ôihia i te hopue rii noa?  A tatara i te hopue tahito ia riro outou ei puea apî, aita hoi e hopue i roto ia outou.* Inaha, ua faatusiahia te Mesia, ta tatou arenio* o te Pasa.  No reira, e faatupu ana‘e i taua oroa ra, eiaha i te hopue tahito, aore ra i te hopue ino e te hara, ma te rave râ i te pane* hopue ore o te haavare ore e te parau mau.  I roto i ta ’u rata, ua papai au ia outou ia faaea i te amuimui atu i te feia e rave i te mau peu taotoraa tia ore,* 10  aita vau e parau ra no te feia atoa o teie nei ao e rave ra i te mau peu taotoraa tia ore* aore ra i te feia nounou, e te eiâ e te haamori idolo. Ahiri te reira ra, e tia iho â ïa ia haere ê mai outou i rapae i teie nei ao. 11  E teie nei râ, te papai atu nei au ia outou ia faaea i te amuimui atu i te taata tei parauhia na e taeae e o te rave nei i te mau peu taotoraa tia ore,* aore ra te taata nounou, e te haamori idolo, e te parau ino,* e te inu ava e te eiâ. Hau atu â, eiaha roa e tamaa e tera huru taata. 12  No te aha hoi au e haava ’tu ai i to rapae i te amuiraa? Eita anei outou e haava i to roto i te amuiraa, 13  a haava noa ’i te Atua i to rapae? “A tiavaru atu i te taata ino i rapae i te amuiraa.”

Nota i raro i te api

“Ua rave” na roto i te reo Heleni.
A hi‘o i te titionare.
Heleni peneuma. A hi‘o i te titionare.
Heleni peneuma. A hi‘o i te titionare.
Heleni peneuma. A hi‘o i te titionare.
Aore ra “hopue.”
“Mea hopue ore hoi outou” na roto i te reo Heleni.
Aore ra “fanau‘a mamoe.”
Aore ra “faraoa.”
A hi‘o i te titionare.
A hi‘o i te titionare.
A hi‘o i te titionare.
Aore ra “e te tuhi ra.”