Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Korinetia 1, 2:1-16

HAAPOTORAA O TE MAU TUMU PARAU

  • Ta Paulo pororaa i Korinetia (1-5)

  • Hau ê roa te paari o te Atua (6-10)

  • Taata haapao i ta te varua e taata haapao i ta te tino (11-16)

2  Taeae ma, aita vau i haere atu i ǒ outou ma te parau faaahaaha aore ra ma to ’u iho paari a faaite atu ai i te parau huna mo‘a a te Atua.  Ua faaoti hoi au eiaha e faahiti i te tahi parau ê atu i rotopu ia outou maori no nia ia Iesu Mesia, e i to ’na haapoheraahia i nia i te pou.  E ua haere atu vau i ǒ outou na roto i te paruparu e te mǎta‘u e te rurutaina.  Aita ta ’u mau parau e ta ’u pororaa ia outou i ravehia na roto i te mau parau paari no te ume mai ia outou, na roto râ i te hoê faaiteraa papu o te varua mo‘a* e o te mana o te Atua,  ia niuhia hoi to outou faaroo, eiaha i nia i te paari o te taata, i nia râ i te puai o te Atua.  E parau tatou i te feia mea paari i te pae varua i te mau parau no nia i te paari, eiaha râ no nia i te paari o teie faanahoraa o te ao nei,* eiaha atoa no nia i te paari o te mau raatira o teie faanahoraa o te ao nei, o te haamouhia hoi.  E parau râ tatou no nia i te paari o te Atua tei hunahia i roto i te hoê parau huna mo‘a ta te Atua i opua ê na hou te mau faanahoraa o te ao nei ia noaa ia tatou te hanahana.  Teie hoi taua paari ra tei ore i noaa i te hoê noa ’‘e raatira o teie faanahoraa o te ao nei* i te ite, ahani hoi ratou i ite, eita ïa ratou e haapohe i te Fatu hanahana.*  Tera râ, mai tei papaihia: “Aita te mata i ite e aita te tari‘a i faaroo, aita atoa râ ratou i mana‘o i roto i to ratou aau i te mau mea ta te Atua i faaineine no te feia e here ia ’na.” 10  Ua faaite hoi te Atua i te reira ia tatou na roto i to ’na varua. E paheru hoi te varua mo‘a i te mau mea atoa e tae noa ’tu i te hohonuraa o te paari o te Atua. 11  O vai hoi tei ite i te mau mana‘o o te tahi atu taata maori râ taua iho* taata ra? Oia atoa, aita hoê i ite i te mau mana‘o o te Atua, o te varua o te Atua ana‘e râ. 12  E teie nei, ua farii tatou, eiaha te huru feruriraa* o teie nei ao, te varua râ no ǒ mai i te Atua ia nehenehe tatou ia ite i te mau mea i horoa-noa-hia mai e te Atua. 13  E faahiti atoa tatou i te reira, eiaha na roto i te mau parau no roto mai i te paari taata, i te mau parau râ i haapiihia e te varua o te Atua, a faataa* noa ’i tatou i te mau mea pae varua na roto i te mau parau pae varua. 14  Tera râ, eita te hoê taata o te haapao i ta te tino e farii i te mau mea o te varua o te Atua, no ’na, mea maamaa hoi ïa. Eita iho â e noaa ia ’na i te ite, no te mea e hi‘opoahia te reira maoti te varua mo‘a. 15  Area te taata o te haapao i ta te varua, e hi‘opoa ïa oia i te mau mea atoa, eita râ oia e hi‘opoahia e te tahi atu. 16  No te mea, “o vai te nehenehe e ite i te mana‘o o Iehova* a haapii atu ai ia ’na?” Tera râ, tei ia tatou nei te mana‘o o te Mesia.

Nota i raro i te api

Aore ra “puai ohipa o te Atua.”
Aore ra “teie tau.” A hi‘o i te titionare.
Aore ra “teie tau.” A hi‘o i te titionare.
Aore ra “e haapohe i te Fatu hanahana i nia i te pou.”
Heleni peneuma. A hi‘o i te titionare.
Heleni peneuma. A hi‘o i te titionare.
Aore ra “faatuati.”
A hi‘o i te titionare.