Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Korinetia 1, 16:1-24

HAAPOTORAA O TE MAU TUMU PARAU

  • Haaputuraa i te moni no te mau Kerisetiano no Ierusalema (1-4)

  • Opuaraa a Paulo no to ’na mau tere (5-9)

  • Tere faanahohia e Timoteo raua Apolo (10-12)

  • A‘oraa e aroharaa (13-24)

16  E teie nei, no nia i te haaputuraa i te moni na te feia mo‘a, e nehenehe outou e pee i te mau faaueraa ta ’u i horoa i te mau amuiraa i Galatia.  I te mahana matamua o te hebedoma atoa, e mea tia ia tuu tataitahi outou i te hiti te mea e maraa ia outou, ia ore hoi te reira ia ravehia ia tae atu vau.  Ia tae atu râ vau, o te mau tane ta outou i faahiti i roto i ta outou mau rata, o ta outou hoi e tiaturi, ta ’u e tono no te hopoi atu i Ierusalema ta outou mau ô horoa noa.  Mai te peu râ e mea maitai a‘e ia haere atoa vau, e na muri mai ïa ratou ia ’u.  E na Makedonia ’tu vau i te haere ia outou ra, e na Makedonia iho â vau i te haere atu,  e eita e ore e e parahi rii au ia outou ra, i te tau to‘eto‘e atoa paha, ia nehenehe hoi outou ia apee mai ia ’u maa taime i te vahi ta ’u e haere.  Aita hoi au e hinaaro e farerei poto noa ia outou i teie nei, ia tia râ ia Iehova* e hinaaro vau e faaea ia outou ra maa taime.  Tera râ, e parahi noa vau i Ephesia nei e tae atu i te oroa Penetekose,  no te mea e uputa rahi tei matara i mua ia ’u no te taviniraa, mea rahi râ hoi te enemi. 10  E teie nei, ia tae atu Timoteo, a hi‘o atu e eiaha oia ia taiâ a parahi ai i rotopu ia outou, te rave nei hoi oia i te ohipa a Iehova,* mai ia ’u atoa nei. 11  Tera râ, eiaha roa ’tu te taata ia hi‘o ino ia ’na. E aratai ia ’na i to ’na tere ma te hau ia nehenehe oia ia haere mai ia ’u nei, te tiai nei hoi au e te mau taeae atoa ia ’na. 12  E teie nei, te ani ru nei au ia Apolo to tatou taeae ia haere atu na muri i te mau taeae ia tae atu ratou. Aita oia i opua i te haere atu i teie nei, e haere atu râ ia nehenehe oia. 13  E ara, e mau papu i roto i te faaroo, ia itoito outou mai te tane ra e ia puai roa. 14  Ia ravehia ta outou mau ohipa atoa na roto i te here. 15  E teie nei, ua ite outou e o te utuafare o Setephana te mau pǐpǐ matamua i Ahaia, e ua ineine noa ratou i te tavini i te feia mo‘a. Taeae ma, te ani ru nei ïa vau ia outou: 16  Ia auraro noa atoa outou i te mau taata mai ia ratou ra e i te feia atoa e rohi ra ei hoa ohipa no outou. 17  Te oaoa nei râ vau e to ǒ nei o Setephana, o Foratunato e o Ahaiko, no te mea na ratou i tauturu maitai ia ’u aita ’i outou i ǒ nei. 18  Ua tamahanahana hoi ratou ia ’u e ia outou atoa. No reira, e faatura ’tu i te mau tane mai ia ratou. 19  Te aroha ’tu nei te mau amuiraa i Asia ia outou. O Akuila raua Periseka* e oia atoa te amuiraa e putuputu i ǒ raua ra, te aroha ’tu nei ïa ia outou i te aroha taeae i roto i te Fatu. 20  Te mau taeae atoa teie e aroha ’tu nei. E apa maitai i te tahi e te tahi ma te here taeae. 21  Te faatae atu nei au, Paulo, i to ’u aroha ta ’u i papai i to ’u iho rima. 22  Te taata aita e here* ra i te Fatu, ia vai noa ïa te ino i nia ia ’na. E to ’u Fatu, e haere mai na! 23  Ei ia outou te hamani maitai rahi o te Fatu ra o Iesu. 24  Ei ia outou paatoa ra to ’u here, outou hoi tei hoê e te Mesia ra o Iesu.

Nota i raro i te api

A hi‘o i te titionare.
A hi‘o i te titionare.
Pii-atoa-hia Perisila.
Heleni phileo.