Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Korinetia 1, 13:1-13

HAAPOTORAA O TE MAU TUMU PARAU

  • Here, te e‘a hau ê (1-13)

13  Ia paraparau noa ’tu vau i te mau reo o te taata e to te melahi atoa, aita râ to ’u e here, ua riro ïa vau mai te maniania o te punu e atete ra.  Noa ’tu e tei ia ’u nei te ô e tohu e ua taa ia ’u te mau parau huna mo‘a atoa e ua noaa ia ’u te ite taatoa, e ia puai noa ’tu â to ’u faaroo a hopoi ê* atu ai i te mau mou‘a, aita râ to ’u e here, mea faufaa ore ana‘e ïa ta ’u e rave.  E ia hoo noa ’tu vau i ta ’u mau faufaa atoa no te faatamaa i tei veve, e ia ineine noa ’tu vau e horoa i to ’u tino ia pohe a teoteo atu ai, aita râ to ’u e here, eita roa ’tu vau e faufaahia i te reira.  E faaoromai* e e hamani maitai te here. Eita te here e pohehae, eita e faaahaaha, eita e faaoru.  Eita te here e rave i te mea au ore,* eita e imi i to ’na iho maitai, eita e riri oioi. Eita te here e tapea i te ino.*  Eita te here e oaoa i te parau-tia ore, e oaoa râ i te parau mau.  E tapo‘i te here i te mau mea atoa, e tiaturi i te mau mea atoa, e tiai i te mau mea atoa e e faaruru i te mau mea atoa.  Eita roa te here e mure. Area te ô e tohu, e faaorehia ïa, e te mau reo ěê,* e mou ïa, e te ite, e faaore-atoa-hia ïa.  Maa vahi iti noa ta tatou i ite e e tohu atoa, 10  tera râ, ia tae mai te mea tia roa, e faaorehia ïa te mea iti. 11  I to ’u tamarii-rii-raa ra, mai te tamarii rii au ia paraparau e ia mana‘o e ia feruri. I teie nei râ e taata paari au, ua haapae ïa vau i te mau peu a te tamarii rii. 12  E teie nei hoi, e hoho‘a parai* ta tatou e ite nei mai te huru ra e mea na roto i te hi‘o veo, i muri a‘e râ, e ite papu tatou mai te huru ra e e mata e mata. I teie nei, maa vahi iti noa to ’u ite no nia i te Atua, i muri a‘e râ e papu roa to ’u ite,* mai te Atua atoa i ite papu ia ’u. 13  E teie nei râ, e vai â na parau e toru nei: te faaroo, te tiaturiraa e te here. Tera râ, o te here tei hau ê i na toru nei.

Nota i raro i te api

Aore ra “tahiti.”
Aore ra “faaoromai maite.”
Aore ra “E ere te here i te mea ite ore i te peu.”
Aore ra “te mau hapa.”
Oia hoi te paraparau-semeio-raa i te mau reo ěê.
Aore ra “mohimohi.”
Aore ra “te ite taatoa.”