Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Korinetia 1, 11:1-34

HAAPOTORAA O TE MAU TUMU PARAU

  • “E pee mai na outou i to ’u haerea” (1)

  • Tiaraa upoo, e tapo‘iraa i te upoo (2-16)

  • Haapaoraa i te Amuraa maa a te Fatu (17-34)

11  E pee mai na outou i to ’u haerea, mai ia ’u atoa e pee nei i to te Mesia.  Te haapopou nei au ia outou, no te mea te mana‘o noa nei outou ia ’u e te haapao maite nei i te mau mea atoa ta ’u i haapii atu.  E hinaaro râ vau ia ite outou e te upoo o te mau tane atoa, o te Mesia ïa, e te upoo o te vahine, o te tane ïa, e te upoo o te Mesia, o te Atua ïa.  Te tane atoa e pure aore ra e tohu ua tapo‘ihia te upoo, ua faahaama ïa i to ’na upoo.  Tera râ, te vahine atoa e pure aore ra e tohu aita te upoo i tapo‘ihia, ua faahaama ïa i to ’na upoo, hoê â huru hoi te reira e te vahine i hahuhia te upoo.  Ia ore hoi te vahine ia tapo‘i i to ’na upoo, mea maitai a‘e ia tâpû-poto-roa-hia to ’na rouru. Mai te peu râ e e ere i te mea nehenehe no te vahine te rouru poto roa aore ra te upoo hahuhia, ia tapo‘i ïa i to ’na upoo e tia ’i.  Eita e tia i te tane ia tapo‘i i to ’na upoo, o te tane hoi te hoho‘a e te hanahana o te Atua. Area te vahine, o te hanahana ïa o te tane.  E ere hoi te tane no roto mai i te vahine, no roto mai râ te vahine i te tane.  E hau atu â, e ere te tane tei poietehia no te vahine, o te vahine râ tei poietehia no te tane. 10  No reira e mea tia ’i i te vahine ia tapo‘i i to ’na upoo no te faaiteraa i to ’na auraro i ta ’na tane, e no te mau melahi atoa. 11  Oia atoa i mua i te Fatu, aita ana‘e e tane, aita ïa e vahine. E aita ana‘e e vahine, aita ïa e tane. 12  Mai te vahine hoi no roto mai i te tane i te hamaniraahia, oia atoa te tane, no roto mai ïa i te vahine i te fanauraahia mai. Tera râ, te mau mea atoa, no ǒ mai ïa i te Atua ra. 13  E feruri na outou: E mea tano anei no te vahine ia pure i te Atua aita te upoo i tapo‘ihia? 14  Aita anei to te tane natura e faaite ra ia outou e mea haama roa no te tane te rouru roroa, 15  mai te peu râ e rouru roroa to te vahine, e mea unauna ïa no ’na? Ua horoahia hoi te rouru no te vahine ei tapo‘i i to ’na upoo. 16  Tera râ, ia mârô te tahi taata no te pee i te tahi atu peu, a parau atu i taua taata ra tera ana‘e ta tatou peu e ta te mau amuiraa o te Atua e aita ’tu. 17  Tera râ, a horoa ’tu ai au i teie mau faaueraa, aita vau e haapopou nei ia outou, no te mea ia putuputu outou, eita outou e itoito, e ino râ. 18  Na mua roa, ua faarooroo vau e ia putuputu outou ei amuiraa, e itehia i rotopu ia outou te amahamaharaa. E no ’u, eita ïa e ore e te reira iho â. 19  Mea papu, te vai ra te tahi mau pǔpǔ faaroo amaha i rotopu ia outou, ia ite-maitai-hia te taata ta te Atua i farii. 20  Ia putuputu outou i te vahi hoê ra, aita outou e haapao ra i te Amuraa maa a te Fatu ma te tano. 21  I te taime hoi e haapao ai outou i te reira, ua tamaa a‘ena vetahi. E inaha, te poia ra te tahi, area te tahi atu ua taero roa ïa. 22  Eaha, aita to outou e fare no te tamaa e no te inu? Te haafaufaa ore ra anei outou i te amuiraa o te Atua? Te haavahavaha ra anei outou i te feia e ere ra? Eaha ta ’u e parau atu, e haapopou anei au ia outou? I roto i teie tupuraa, eita vau e haapopou ia outou. 23  O ta ’u i farii no ǒ mai i te Fatu, o ta ’u ïa e haapii atoa ’tu ia outou, oia hoi i te po e tuuhia ’i te Fatu ra o Iesu i to ’na mau enemi, ua rave oia i te hoê pane,* 24  e i muri iho i to ’na haamauruururaa i te Atua, ofati ihora i te reira e parau atura: “O to ’u tino teie e horoahia no outou. A tamau i te rave i te reira ei mana‘oraa ia ’u.” 25  Na reira atoa ’tura oia no te au‘a i muri a‘e i to ratou tamaaraa, a na ô ai: “Teie au‘a, o te faufaa apî ïa e haamauhia maoti to ’u toto. A tamau i te haapao i te reira, i te mau taime atoa e inu ai outou i teie au‘a, ei mana‘oraa ia ’u.” 26  Ua amu ana‘e hoi outou i teie pane* e ua inu ana‘e i teie au‘a, te tamau noa ra ïa outou i te faaite i te pohe o te Fatu, e ia tae roa mai oia. 27  No reira, te taata atoa e amu i te pane* e e inu i te au‘a a te Fatu ma te tano ore, ua hara ïa i te tino e i te toto o te Fatu. 28  Na mua roa, ia hi‘opoa maite ïa te taata ia ’na iho. E ua tia ana‘e ia ’na, i reira noa ïa oia e amu ai i te pane* e e inu ai i te au‘a. 29  Te taata hoi e amu e e inu ma te ore e taa i te auraa o te tino o te Fatu, te amu ra ïa e te inu ra i te faautuaraa no ’na iho. 30  No reira e rave rahi o outou i paruparu ai e i ma‘ihia ’i, e te taoto nei e rave rahi atu â i roto i te pohe.* 31  Ia hi‘opoa maite râ tatou i to tatou iho huru, eita ïa tatou e haavahia. 32  Tera râ ia haavahia tatou, na Iehova* ïa e a‘o mai ra, ia ore hoi tatou ia roo-atoa-hia i te utua a to te ao. 33  No reira, to ’u mau taeae, ia putuputu outou no taua Amuraa maa ra, a tiai maite te tahi i te tahi. 34  Ia poia noa ’tu râ te tahi, ia tamaa ïa i te fare, ia ore outou ia faautuahia a putuputu ai outou. Area no te mau mea e toe ra, ia tae atu vau, i reira ïa e faatitiaifaro ai.

Nota i raro i te api

Aore ra “faraoa hopue ore.”
Aore ra “faraoa hopue ore.”
Aore ra “faraoa hopue ore.”
Aore ra “faraoa hopue ore.”
Ua pohe e rave rahi i te pae varua te auraa.
A hi‘o i te titionare.