Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Korinetia 1, 10:1-33

HAAPOTORAA O TE MAU TUMU PARAU

  • Te aamu o Iseraela ei faaararaa (1-13)

  • A ara i te haamori idolo (14-22)

    • Amuraa maa a Iehova, amuraa maa a te demoni (21)

  • Tiamâraa e tâu‘araa ia vetahi ê (23-33)

    • “A rave i te mau mea atoa ia hanahana te Atua” (31)

10  Taeae ma, te hinaaro nei au ia ite outou e ua haere paatoa to tatou mau tupuna na raro a‘e i te ata e na roto atu i te miti  e ua bapetizohia ratou paatoa i raro a‘e i te ata e na roto atu i te miti a pee ai ratou ia Mose,  e ua amu paatoa ratou i te hoê â maa pae varua  e ua inu paatoa i te hoê â pape pae varua. I inu na hoi ratou no roto mai i te mato pae varua tei pee ia ratou, o te Mesia ïa ei auraa parau.  Aita râ te Atua i mauruuru i te rahiraa o ratou, inaha ua tairi-pohe-hia ratou i roto i te medebara.  E teie nei, ei hi‘oraa te reira na tatou, eiaha hoi ia hinaaro e rave i te mea ino, mai ia ratou i hinaaro na.  Eiaha atoa e haamori i te idolo, mai ta vetahi pae i rave na. Ua papaihia hoi: “Parahi ihora te taata i raro, amu atura i te maa e ua inu atoa. Tia a‘era ratou i nia e arearea ihora.”  Eiaha atoa tatou e rave i te mau peu taotoraa tia ore,* mai ta vetahi pae i rave na, e pohe ihora e 23 000 o ratou i te hoê noa mahana.  Eiaha atoa tatou e ‘a‘a ia Iehova,* mai ta vetahi pae i ‘a‘a na ia ’na, e pohe ihora i te ophi. 10  Eiaha atoa e amuamu, mai ta vetahi pae i amuamu na, e pohe ihora i te rima o te melahi. 11  Inaha, ua papaihia taua mau mea ra ta ratou i faaruru ei haapiiraa e ei faaararaa ia tatou o te roohia ra i te hopea o te mau faanahoraa o te ao nei. 12  No reira, te taata e mana‘o ra e te tia ra oia, ia ara maitai eiaha oia ia hi‘a. 13  Aita e tamataraa ta outou i faaruru aore i faaruruhia e te taata. Eita râ te Atua haapao maitai e vaiiho ia tamatahia outou hau a‘e i ta outou e nehenehe e faaruru. Tera râ, a tamata-noa-hia ’i outou, te faaineine atoa ra oia i te faaoraraa ia nehenehe outou ia faaoromai maite. 14  No reira, to ’u mau hoa herehia, a maue ê atu i te haamori idolo. 15  E taata haro‘aro‘a outou, na outou iho ïa e faaoti e e parau mau anei ta ’u aore ra aita. 16  No nia i te au‘a uaina tei haamaitaihia na roto i te pure, eita anei tatou atoa e faufaahia i te toto o te Mesia? No nia i te pane* ta tatou e ofati ra, eita anei tatou atoa e faufaahia i te tino o te Mesia? 17  Hoê ana‘e hoi pane,* no reira, noa ’tu e mea rahi tatou, e tino hoê râ tatou no te mea te amu nei tatou paatoa i te hoê â pane.* 18  A hi‘o na i te ati Iseraela: Aita anei vetahi, i to ratou amuraa i te mau tusia i pûpûhia i nia i te fata, i apiti atoa i te fata? 19  Te na ô ra anei au e e mea faufaa te tusia i pûpûhia na te idolo? E e mea faufaa atoa te idolo? 20  Aita. Tera râ, te na ô ra vau e te tusia ta te mau nunaa e pûpû ra, te pûpû atu ra ïa i te mau demoni, eiaha râ i te Atua. E aita vau e hinaaro ra ia apiti outou i te mau demoni. 21  Eita outou e nehenehe e inu i te au‘a a Iehova* e i te au‘a a te mau demoni, eita outou e nehenehe e amu i to nia iho i “te amuraa maa a Iehova”* e i to nia iho i te amuraa maa a te mau demoni. 22  Te nahea ra ïa tatou? ‘Te faatihaehae ra ia Iehova’?* Eaha, e mea puai a‘e tatou ia ’na? 23  E mea tia ana‘e te mau mea atoa, eita râ te taata e faufaahia i te mau mea atoa. E mea tia ana‘e te mau mea atoa, eita râ te taata e itoitohia i te mau mea atoa. 24  Ia imi te taata tataitahi, eiaha i to ’na iho maitai, i to vetahi ê râ. 25  A amu i te ina‘i atoa e hoohia ra i te matete, eiaha e uiui a hauti to oe mana‘o haava, 26  no te mea, “no Iehova* te fenua e te mau mea atoa i nia iho.” 27  E teie nei, e taata aita e tiaturi ra ia Iesu te titau mai ia oe e tamaa e ua farii oe, a amu i te maa e tuuhia i mua ia oe, eiaha e uiui a hauti to oe mana‘o haava. 28  Ia parau mai râ te tahi ia oe e, “E maa teie tei pûpûhia ei tusia na te mau idolo,” no taua taata ra i parau mai, eiaha ïa oe e amu, e ia ore atoa te mana‘o haava o te tahi ia hauti. 29  Aita vau e parau ra no to oe mana‘o haava, no te mana‘o haava râ o taua taata ra. No te aha hoi no te mana‘o haava o te tahi atu e faahapahia ’i to ’u tiamâraa? 30  Ia haamauruuru vau i te Atua no te maa ta ’u e amu, eaha ïa vau e faainohia mai ai no taua maa ra ta ’u i haamauruuru i te Atua? 31  No reira, te amu ra outou, te inu ra aore ra te rave ra i te tahi atu ohipa, a rave i te mau mea atoa ia hanahana te Atua. 32  Eiaha outou ia riro ei tumu e turori ai te ati Iuda e te Heleni e te amuiraa o te Atua, 33  mai ia ’u atoa e tutava nei ia mauruuru te taata atoa ia ’u i te mau mea atoa, e te imi nei au i te maitai o te taata e rave rahi, eiaha râ i to ’u iho, ia nehenehe hoi te Atua ia faaora mai ia ratou.

Nota i raro i te api

A hi‘o i te titionare.
A hi‘o i te titionare.
Aore ra “faraoa hopue ore.”
Aore ra “faraoa hopue ore.”
Aore ra “faraoa hopue ore.”
A hi‘o i te titionare.
A hi‘o i te titionare.
A hi‘o i te titionare.
A hi‘o i te titionare.