Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Kolosa 3:1-25

HAAPOTORAA O TE MAU TUMU PARAU

  • Te huru taata tahito e te huru taata apî (1-17)

    • Haapohe i te mau mero o te tino (5)

    • Te here, te taamu tia roa ïa e tahoê ai te taata (14)

  • A‘oraa no te mau utuafare Kerisetiano (18-25)

3  Tera râ, i te mea e ua faatiahia mai outou e te Mesia atoa, a tapi noa ïa i te mau mea no nia ra, i te vahi e parahihia ’i e te Mesia i te rima atau o te Atua.  A mana‘o noa i te mau mea no nia ra, eiaha râ i te mau mea no te fenua nei.  I pohe na hoi outou e ua hunahia to outou ora i te Mesia ra ia au i te hinaaro o te Atua.  Ia itehia te hanahana o te Mesia to tatou ora, ei reira atoa ïa e itehia ’i to outou hanahana e o ’na.  No reira, a haapohe i te mau mero o to outou tino no te fenua nei, to roto hoi te mau peu taotoraa tia ore,* te peu viivii, te hinaaro faufau vî ore, te hinaaro ino, e te nounou e haamoriraa idolo hoi.  No taua mau mea nei e tae mai ai te riri o te Atua.  Mai tera atoa ïa to outou haerea i roto i to outou oraraa* na mua ’‘e ra.  E teie nei râ, ia haapae outou i te reira e tia ’i: te iria, te riri, te ino, te parau faaino e te parau faufau no roto mai i to outou vaha.  Eiaha e haavare te tahi i te tahi. A tatara i te huru taata tahito* e ta ’na ra mau peu, 10  e a ahu mai i te huru taata apî, tei faaapîhia na roto i te ite mau ia au i te hoho‘a o te Atua tei poiete i te reira, 11  aita ïa e Heleni e te ati Iuda, aita e peritome e te peritome ore, aita atoa e taata ěê, e Sekute,* e tîtî aore ra e taata tiamâ. O te Mesia râ te mau mea atoa e to roto oia i te taata atoa. 12  Ia ahu mai outou i te here rahi, te aumihi, te hamani maitai, te haehaa, te mǎrû e te faaoromai, mai tei au i te feia maitihia e te Atua, e te mo‘a e te herehia. 13  A faaoromai noa i te tahi e te tahi, e ia hapa noa mai te tahi ia oe, a faaore noa ’tu ïa i ta ’na hapa. Mai ia Iehova* i faaore noa mai i ta outou ra, ia na reira atoa ’tu outou. 14  Hau atu â râ i taua mau mea nei, a ahu mai i te here, o te taamu tia roa ïa e tahoê ai te taata. 15  Ia aratai* atoa te hau o te Mesia i to outou aau, ua titau-manihini-hia hoi outou no taua hau ra ia riro outou ei mero no te hoê noa tino. E ia mauruuru atoa outou. 16  Ia î outou i te parau a te Mesia ma te paari atoa. A tamau i te haapii e i te faaitoito* te tahi i te tahi ma te salamo, te arueraa i te Atua, te himene haamoriraa himenehia ma te mauruuru,* ma te himene i roto i to outou aau no Iehova.* 17  Ta outou mau parau e ohipa atoa, ia ravehia ïa i te i‘oa o te Fatu ra o Iesu, ma te haamauruuru i te Atua te Metua na roto i te Mesia. 18  Outou te mau vahine faaipoipo, a auraro i ta outou iho tane mai tei au i te Fatu. 19  Outou te mau tane faaipoipo, a here noa i ta outou iho vahine e eiaha e iria ’tu* ia ratou. 20  Outou te mau tamarii, a faaroo i to outou na metua i te mau mea atoa, e mauruuru hoi te Fatu i te reira. 21  Outou te mau metua tane, eiaha e faariri i ta outou mau tamarii, a toaruaru roa ’tu ai ratou. 22  Outou te mau tîtî, a auraro i to outou mau fatu i te fenua nei, eiaha noa ia hi‘ohia mai outou e te taata* e ia au mai ratou ia outou, a auraro râ ma te aau atoa e te mǎta‘u ia Iehova.* 23  Te mau mea atoa ta outou e rave, a rave ma to outou aau e puai* atoa mai te mea ra e no Iehova,* eiaha râ no te taata, 24  ua ite hoi outou e no ǒ mai ia Iehova* ra ta outou haamaitairaa e noaa mai ai. A tavini i te Fatu, te Mesia. 25  Oia mau, te taata i rave i te ino, e faautuahia ïa no te ino ta ’na i rave, e e ore te Atua e maitiiti i te taata.

Nota i raro i te api

A hi‘o i te titionare.
Aore ra “huru oraraa.”
“Te taata tahito” na roto i te reo Heleni.
Oia hoi te hoê taata aita i ite i te peu.
A hi‘o i te titionare.
Aore ra “faatere.”
Aore ra “a‘o.”
Aore ra “aau maitai.”
A hi‘o i te titionare.
Aore ra “e vaha ’tu.”
“Eiaha noa i mua i te mata o te taata a tavini ai outou” na roto i te reo Heleni.
A hi‘o i te titionare.
Heleni pusuke. A hi‘o i te titionare.
A hi‘o i te titionare.
A hi‘o i te titionare.