Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Ioane 4:1-54

HAAPOTORAA O TE MAU TUMU PARAU

  • Iesu e te vahine Samaria (1-38)

    • Haamori i te Atua “ma te varua mo‘a e te parau mau” (23, 24)

  • Rave rahi Samaria tei tiaturi ia Iesu (39-42)

  • Faaora Iesu i te tamaiti a te hoê taata toroa a te arii (43-54)

4  Ite a‘era Iesu e ua faaroo te mau Pharisea e mea rahi a‘e ta ’na taata e faariro ra ei pǐpǐ e e bapetizo ra i ta Ioane,  e ere iho â ïa na Iesu e bapetizo ra, na ta ’na râ mau pǐpǐ,  faarue ihora oia ia Iudea e haere faahou atura i Galilea.  Teie râ, ia na roto atu oia ia Samaria i te haere e tia ’i.  Tae atura oia i te hoê oire i Samaria, o Sikara te i‘oa, i pihai iho i te fenua ta Iakoba i horoa na ta ’na tamaiti o Iosepha.  Tei reira hoi te apoo pape a Iakoba. No to ’na rohirohi i te haereraa mai, parahi ihora Iesu i te apoo pape.* Ua piri hoi i te ono o te hora.*  Haere maira te hoê vahine no Samaria e huti i te pape. Na ô atura Iesu ia ’na: “Horoa mai na maa pape ia inu vau.”  (Ua haere hoi ta ’na mau pǐpǐ i te oire e hoo mai i te maa.)  Na ô maira te vahine Samaria: “Eaha oe te hoê ati Iuda e ani mai ai maa pape ia ’u te hoê vahine Samaria?” (Eita hoi te ati Iuda e paraparau i to Samaria.) 10  Pahono atura Iesu: “Ahiri oe i ite i te ô ta te Atua e horoa noa e te taata e parau atu ia oe: ‘Horoa mai na maa pape ia inu vau,’ o oe ïa te ani ia ’na e e horoa ’tu oia i te pape ora.” 11  Na ô maira te vahine: “Aita hoi ta oe e patete no te huti mai i te pape, e mea hohonu te apoo. Nohea mai ïa teie pape ora ta oe? 12  Aita oe i hau a‘e i to matou tupuna o Iakoba, tei horoa mai i teie apoo pape. Ua inu o ’na, ta ’na mau tamaiti e ta ’na mau animara i te pape o teie apoo.” 13  Pahono atura Iesu: “Te taata e inu i teie pape, e poihâ faahou ïa. 14  Te taata e inu i te pape ta ’u e horoa ’tu, e ore roa ïa e poihâ faahou, e riro râ te pape ta ’u e horoa na ’na mai te pape e pihaa i roto ia ’na o te horoa ’tu i te ora mure ore.” 15  Na ô maira te vahine: “Horoa mai na i taua pape ra ia ore hoi au e poihâ faahou e e ho‘i faahou mai i ǒ nei e huti i te pape.” 16  Parau atura Iesu: “A haere a tii i ta oe tane faaipoipo e a ho‘i mai.” 17  Pahono maira te vahine: “Aita ta ’u e tane faaipoipo.” Na ô atura Iesu: “Ua tano oe i te parauraa, ‘Aita ta ’u e tane faaipoipo.’ 18  A pae a‘enei ta oe tane faaipoipo, e te tane ta oe e faaea nei, e ere ïa i te tane faaipoipo na oe. E parau mau ïa ta oe i parau mai nei.” 19  Na ô maira te vahine: “Ia hi‘o vau, e peropheta oe. 20  I haamori na to matou mau tupuna i nia i teie mou‘a, te parau nei râ outou e ia haamori te taata i Ierusalema noa e tia ’i.” 21  Na ô atura Iesu: “A tiaturi mai, ua fatata te taime e ore ai outou e haamori i te Atua i nia i teie nei mou‘a e i Ierusalema atoa. 22  Aita outou i ite o vai ta outou e haamori nei, matou râ, ua ite ïa o vai ta matou e haamori nei, o te ati Iuda hoi tei ite na mua i ta te Atua e rave no te faaora i te taata. 23  Tera râ ua fatata te taime, teie ïa te taime, e haamori ai te feia haamori mau i te Metua ma te varua mo‘a e te parau mau, inaha te imi nei te Metua i te taata mai te reira no te haamori ia ’na. 24  E Varua te Atua, e te feia e haamori ia ’na, ia haamori ïa ma te varua mo‘a e te parau mau.” 25  Na ô maira te vahine ia Iesu: “Ua ite au e te haere mai nei te Mesia tei parauhia te Kirito. Ia tae mai oia, e faaite roa mai oia ia matou i te mau mea atoa.” 26  Parau atura Iesu: “O vau ïa taua taata ra.” 27  Tae maira ta Iesu mau pǐpǐ e maere ihora no te mea te paraparau ra oia i te hoê vahine. Aita hoê a‘e i ui ia ’na no te aha oia e paraparau ai i te hoê vahine aore ra eaha ta ’na e hinaaro ra. 28  Vaiiho ihora te vahine i ta ’na farii pape, haere atura i te oire e na ô atura i te taata: 29  “Haere mai a hi‘o i te taata o tei parau mai i te mau mea atoa ta ’u i rave. O te Mesia paha teie?” 30  Haere maira ratou i rapae i te oire ia Iesu ra. 31  Hou te taata a tae mai ai, parau onoono maira te mau pǐpǐ ia ’na: “Rabi,* a tamaa.” 32  Teie râ na ô atura oia: “E maa ta ’u e amu aita outou i ite.” 33  Na ô a‘era te mau pǐpǐ te tahi i te tahi: “Aita hoi e taata i afai mai i te maa na ’na, e ere anei?” 34  Parau atura Iesu ia ratou: “Ta ’u maa, o te raveraa ïa i te hinaaro o tei tono mai ia ’u e te faaotiraa i ta ’na ohipa. 35  Aita anei outou e parau nei e e maha ava‘e e toe ra e auhune ai? Inaha, te parau atu nei au: A hi‘o i te faaapu, ua paari te huero maa no te ootiraa. 36  Ua aufau-a‘ena-hia te taata ooti e te haaputu nei oia i te maa no te ora mure ore, ia oaoa hoi te taata ueue e te taata ooti atoa. 37  E parau mau iho â ïa teie: O te taata ueue hoê e o te taata ooti te tahi. 38  Ua tono vau ia outou e ooti i ta outou i ore i rohi i te rave. Na vetahi ê i rohi i te rave, outou râ, ua fana‘o ïa i ta ratou ohipa.” 39  E rave rahi taata Samaria o taua oire ra tei tiaturi ia Iesu no ta te vahine i faaite a na ô ai: “Ua parau mai oia i te mau mea atoa ta ’u i rave.” 40  No reira, i te taeraa mai to Samaria ia Iesu ra, ani maira ratou ia ’na ia faaea mai. Parahi ihora oia i reira e piti mahana. 41  E rave rahi atu â ïa tei tiaturi no ta Iesu parau, 42  e na ô atura ratou i te vahine: “Te tiaturi nei matou, e ere atura no ta oe i parau mai, no te mea râ ua faaroo matou iho e ua ite e o teie taata mau â te faaora o teie nei ao.” 43  I muri a‘e i na mahana e piti, haere atura oia i Galilea. 44  Tera râ, parau atura Iesu e e ore te hoê peropheta e faaturahia i to ’na iho fenua. 45  I to ’na taeraa ’tu i Galilea, farii maira to Galilea ia ’na, no te mea i ite na ratou i te mau mea atoa ta ’na i rave i Ierusalema i te oroa e tei taua oroa atoa ra hoi ratou. 46  Ho‘i faahou atura Iesu i Kana i Galilea, i reira oia i te tauiraa i te pape ei uaina. Teie râ, te vai ra te tahi taata toroa a te arii e te ma‘ihia ra ta ’na tamaiti i Kaperenaumi. 47  I to teie taata faarooraa e ua tae mai Iesu i Galilea na Iudea mai, haere atura oia ia ’na ra e ani atura ia pou e faaora i te ma‘i o ta ’na tamaiti, tei fatata hoi i te pohe. 48  Teie râ na ô maira Iesu: “Ia ore outou e ite i te mau tapao e te mau ohipa maere, e ore roa ’tu outou e tiaturi.” 49  Parau atura te taata toroa a te arii: “E te Fatu, a pou na ia ore ta ’u tamaiti iti e pohe.” 50  Na ô maira Iesu: “A haere, te ora ra to tamaiti.” Tiaturi ihora taua taata ra i ta Iesu parau e haere atura. 51  Teie râ a pou atu ai oia, haere maira ta ’na mau tavini e parau ia ’na e te ora ra* ta ’na tamaroa. 52  Ui atura oia ia ratou i teihea hora i maitai mai ai ta ’na tamaiti. Pahono maira ratou: “Inanahi ra i te hitu o te hora* i pee ai to ’na fiva.” 53  Taa ihora i te metua tane e o te hora mau â i parau ai Iesu ia ’na: “Te ora ra to tamaiti.” Tiaturi a‘era oia e to ’na utuafare taatoa ia Iesu. 54  O te piti teie o te semeio ta Iesu i rave i to ’na haereraa ’tu i Galilea na Iudea mai.

Nota i raro i te api

Aore ra “pape pihaa.”
I te area hora 12 i te avatea.
“Orometua” te auraa.
Aore ra “ua ora te ma‘i o.”
I te area hora 1 i te avatea.