Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Ioane 16:1-33

HAAPOTORAA O TE MAU TUMU PARAU

  • Nehenehe te mau pǐpǐ a Iesu e faaruru i te pohe (1-4a)

  • Ta te varua mo‘a e rave (4b-16)

  • Riro te oto o te mau pǐpǐ ei oaoa (17-24)

  • Vî teie nei ao ia Iesu (25-33)

16  Ua parau atu vau i teie mau mea ia ore outou e taiva.  E tiavaruhia outou i rapae i te sunago. Inaha, ua fatata te taime e mana‘o ai te feia o te haapohe ia outou e te pûpû ra ratou i i te hoê taviniraa mo‘a i te Atua.  Tera râ, e na reira ratou no te mea aita ratou i ite o vai te Metua e o vai au.  Teie râ, ua parau atu vau i teie mau mea ia haamana‘o outou e ua parau atu vau i teie mau mea ia tae i te taime e tupu ai te reira. Aita vau i parau atu i teie mau mea i te omuaraa, no te mea i pihai iho na vau ia outou.  I teie nei râ, te haere nei au i tei tono mai ia ’u, e aore roa râ hoê o outou e ui mai e te haere nei au ihea.  Tera râ, no to ’u parauraa ’tu i teie mau mea i oto ai to outou aau.  Teie râ, o te parau mau ta ’u e parau atu nei, no to outou hoi maitai e haere ai au. Ia ore hoi au e haere, e ore te tauturu* e tae mai ia outou ra. Ia haere râ vau, e tono mai au i taua tauturu ra ia outou ra.  E ia tae mai taua tauturu ra, e faaite roa oia i to te ao eaha te hara, eaha te parau-tia e eaha te haavaraa no ǒ mai i te Atua ra.  E faaite roa oia i to te ao eaha te hara, no te mea aita ratou e faatupu nei i te faaroo ia ’u. 10  E faaite roa oia i to te ao eaha te parau-tia, no te mea te haere nei au i te Metua ra. Eita ïa outou e ite faahou mai ia ’u. 11  E faaite roa atoa oia i to te ao eaha te haavaraa no ǒ mai i te Atua ra, no te mea ua haava-ê-hia na te arii o teie nei ao. 12  Mea rahi â ta ’u e parau ia outou, eita râ e taa ia outou i teie nei. 13  Teie râ ia tae mai taua tauturu ra, te varua mo‘a o te parau mau, e arataihia outou ia taa roa i te parau mau. E ore hoi oia e faaite i ta ’na iho parau, i ta ’na râ e faaroo i te Atua, e e faaite oia ia outou i te mau mea e tupu a muri a‘e. 14  E faahanahana taua tauturu ra ia ’u, no te mea e faaite oia ia outou i ta ’na i faaroo ia ’u. 15  Te mau mea atoa a te Metua, na ’u ïa. No reira vau i parau ai e e faaite oia ia outou i ta ’na i faaroo ia ’u. 16  E maa taime â e ore outou e ite faahou mai ia ’u, e e maa taime â e ite mai outou ia ’u.” 17  Na ô a‘era vetahi o ta ’na mau pǐpǐ te tahi i te tahi: “Eaha te auraa o ta ’na i parau mai: ‘E maa taime â e ore outou e ite mai ia ’u, e e maa taime â e ite mai outou ia ’u,’ e ‘no te mea te haere nei au i te Metua ra’?” 18  Te ui ra hoi ratou: “Eaha te auraa o ta ’na i parau: ‘E maa taime â’? Aita tatou i ite eaha ta ’na e parau ra.” 19  Ite a‘era Iesu e te hinaaro ra ratou e uiui ia ’na, na ô atura ïa oia: “Te uiui ra outou te tahi i te tahi no te aha vau i parau ai e e maa taime â e ore outou e ite mai ia ’u, e e maa taime â e ite mai outou ia ’u? 20  E parau mau ta ’u e parau atu: E ta‘i e e auê outou, e oaoa râ to te ao. E oto outou, e riro râ to outou oto ei oaoa. 21  E mauiui* te hoê vahine i te taime e fanau ai oia. Ua fanau ana‘e râ oia i ta ’na aiû iti, eita oia e haamana‘o faahou i to ’na mauiui no to ’na oaoa e e taata tei fanauhia mai i te ao nei. 22  Outou atoa ïa, te oto nei outou i teie nei. Tera râ, e ite faahou vau ia outou e e oaoa to outou aau, e aore e taata e rave ê atu i to outou oaoa. 23  I taua mahana ra, e ore roa outou e uiui mai ia ’u. E parau mau ta ’u e parau atu: Ia ani outou i te tahi mea i te Metua ma to ’u i‘oa, e horoa ’tu oia. 24  Aita outou i ani noa ’‘e i te tahi mea ma to ’u i‘oa e tae roa mai i teie nei. A ani, e noaa ïa ta outou, ia oaoa roa hoi outou. 25  Ua parau atu vau i teie mau mea ia outou na roto i te mau faahoho‘araa. Ua fatata i te taime e ore ai au e paraparau faahou ia outou mai te reira, e faaite roa ’tu râ vau i te parau o te Metua. 26  I taua mahana ra, e pure outou i te Metua ma to ’u i‘oa. Aita vau e parau atu ra e na ’u e pure no outou. 27  Mea here* hoi na te Metua ia outou, no te mea mea here* na outou ia ’u e ua tiaturi e no ǒ mai au i te Metua ra. 28  No ǒ mai au i te Metua ra i te haereraa mai i teie nei ao. I teie nei, te faarue nei au i teie nei ao no te ho‘i i te Metua ra.” 29  Na ô maira ta ’na mau pǐpǐ: “E te Fatu, i teie nei, mea maramarama ta oe parau, e ere mea na roto i te mau faahoho‘araa. 30  Te tiaturi ra matou i teie nei e ua ite oe i te mau mea atoa e aita e faufaa ia uiui te taata ia oe. No reira matou e tiaturi ai e no ǒ mai oe i te Atua ra.” 31  Pahono atura Iesu: “Te tiaturi ra outou i teie nei? 32  Inaha, ua fatata te taime e ua fatata roa hoi, e horo ai outou pauroa i to outou iho fare, a faarue mai ai ia ’u o vau ana‘e. E ere râ o vau ana‘e, no te mea tei pihai iho te Metua ia ’u. 33  Ua parau atu vau i teie mau mea ia outou ia noaa ia outou te hau na roto ia ’u. E ati to outou i roto i teie nei ao, a faaitoito râ! Ua vî teie nei ao ia ’u.”

Nota i raro i te api

Ua faataatahia te varua mo‘a i ǒ nei.
“E oto” na roto i te reo Heleni.
Heleni phileo.
Heleni phileo.