Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Ioane 15:1-27

HAAPOTORAA O TE MAU TUMU PARAU

  • Faahoho‘araa o te tumu vine mau (1-10)

  • Faaueraa ia faaite i te here o te Mesia (11-17)

    • “Tera te here rahi a‘e” (13)

  • Mea hae na to teie nei ao te mau pǐpǐ a Iesu (18-27)

15  O vau te tumu vine mau, e na to ’u Metua i tanu.  E tâpû oia i te mau amaa hotu ore atoa i roto ia ’u, e e tamâ* oia i te mau amaa hotu atoa, ia rahi atu â hoi te hotu.  Ua mâ ê na outou maoti te parau ta ’u i faahiti ia outou.  A ati noa mai ia ’u e e ati noa ’tu ïa vau ia outou. Eita te amaa e hotu mai oia ana‘e ra ia ore te reira e vai noa i nia i te tumu vine. Na reira atoa ïa outou ia ore outou e ati noa mai ia ’u.  O vau te tumu vine, o outou te mau amaa. O te ati noa mai ia ’u, a ati atu ai au ia ’na, e hotu rahi mai ïa. Ia taa ê hoi outou ia ’u, aore roa ïa e mea e tia ia outou ia rave.  O te ore e ati noa mai ia ’u, e hurihia ïa i rapae mai te hoê amaa, a mǎrô atu ai. E ohihia taua mau amaa ra, e hurihia i roto i te auahi, a paapaa ’tu ai.  Ia ati noa mai outou ia ’u e ia vai noa ta ’u mau parau i roto i to outou aau, e horoahia ’tu ïa ia ani outou i ta outou atoa e hinaaro.  O te mea teie e faahanahanahia ’i to ’u Metua, ia hotu rahi noa outou e ia faaite atoa e e pǐpǐ outou na ’u.  Mea here na te Metua ia ’u e mea here na ’u ia outou. A rave noa i te mau mea e here ai au ia outou. 10  Ia haapao outou i ta ’u mau faaueraa, e here noa ïa vau ia outou, mai ia ’u hoi e haapao nei i te mau faaueraa a te Metua, a here noa ’i o ’na ia ’u. 11  Ua parau atu vau i teie mau mea ia outou ia oaoa outou mai ia ’u e ia oaoa roa. 12  Teie ta ’u faaueraa, ia here outou te tahi i te tahi mai ia ’u e here nei ia outou. 13  Ia horoa te hoê taata i to ’na ora* no to ’na mau hoa, tera te here rahi a‘e. 14  E hoa outou no ’u ia rave outou i ta ’u e faaue atu nei ia outou. 15  Eita vau e parau faahou ia outou e tavini, no te mea aita te hoê tavini i ite i ta to ’na fatu e rave ra. Teie râ ua parau vau ia outou e hoa, no te mea ua faaite atu vau ia outou i te mau mea atoa ta ’u i faaroo i to ’u Metua. 16  E ere na outou i maiti ia ’u, na ’u râ i maiti ia outou ia tamau noa hoi outou i te hotu rahi e ia vai noa mai ta outou hotu, a horoa ’tu ai te Metua i ta outou atoa e ani ia ’na ma to ’u i‘oa. 17  Teie mau mea, te faaue atu nei ïa vau ia outou ia here hoi outou te tahi i te tahi. 18  Ia hae teie nei ao ia outou, a haamana‘o e o vau ta ratou i hae hou a hae ai ia outou. 19  Ahiri outou no teie nei ao, e au mai ïa ratou ia outou. No te mea râ e e ere outou no teie nei ao, ua maiti râ vau ia outou no roto mai i teie nei ao, no reira ïa ratou e hae ai ia outou. 20  A haamana‘o i ta ’u i parau ia outou: Aita te hoê tavini i hau a‘e i to ’na fatu. Ua hamani ino ratou ia ’u, e hamani ino atoa ïa ratou ia outou. Ahiri ratou i haapao i ta ’u parau, e haapao atoa ïa ratou i ta outou. 21  Tera râ, e na reira mai ratou ia outou no te mea e pǐpǐ outou na ’u, aita hoi ratou i ite i tei tono mai ia ’u. 22  Ahiri au aore i haere mai na e aore i paraparau na ia ratou, eita ïa ratou e hara. I teie nei râ, eita ratou e nehenehe e parau e aita ratou i hara. 23  O te hae ia ’u, e hae atoa oia i to ’u Metua. 24  Ahiri au aore i rave na i rotopu ia ratou i te mau semeio aita hoê a‘e i rave a‘enei, eita ïa ratou e hara. I teie nei râ, ua ite ratou i taua mau semeio ra e ua hae atoa ia ’u e i to ’u Metua. 25  Tera râ, ia tupu tei papaihia i roto i ta ratou mau Papai mo‘a:* ‘Ua hae ratou ia ’u aita hoi e tumu.’ 26  E tono atu vau i te hoê tauturu* ia outou no ǒ mai i te Metua ra, oia hoi te varua mo‘a o te parau mau no ǒ mai i te Metua ra. Ia tae mai taua tauturu ra, na ’na e faaite i te parau no ’u. 27  Ia faaite atoa outou i te parau no ’u e tia ’i, no te mea i pihai iho na outou ia ’u mai te omuaraa mai â.

Nota i raro i te api

Aore ra “tope.”
Heleni pusuke. A hi‘o i te titionare.
“Ture” na roto i te reo Heleni.
Ua faataatahia te varua mo‘a i ǒ nei.