Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Ioane 3, 1:1-14

HAAPOTORAA O TE MAU TUMU PARAU

  • Aroharaa e pure (1-4)

  • Haapopouraa ia Gaio (5-8)

  • Dioterephe nounou toroa (9, 10)

  • To Demeterio parau maitai (11, 12)

  • Opuaraa e farerei e aroharaa (13, 14)

 Te matahiapo* ia Gaio herehia, ta ’u e here mau nei.  To ’u taeae here, te pure nei au ia maitai noa oe i roto i te mau mea atoa e ia vai oraora noa oe, mai i teie nei mea maitai oe.*  Ua oaoa roa hoi au i to te mau taeae haereraa mai e faaiteraa mai e te mau papu ra oe i te parau mau, e te pee noa ra oe i te parau mau.  Aita to ’u e oaoa rahi a‘e* i teie, ia faaroo vau e te pee noa ra ta ’u mau tamarii i te parau mau.  To ’u taeae here, mea haapao maitai oe i roto i ta oe e rave ra no te mau taeae, noa ’tu e aita oe i matau ia ratou.  Ua faaite ratou i to oe here i mua i te amuiraa. Ia reva ratou, tauturu atu na oe ia ratou mai ta te Atua e au.  No te i‘oa hoi o te Atua i haere ai ratou e poro, ma te ore e tiaturi ia tauturu te taata o te mau nunaa ěê ia ratou.  Ia farii maitai ïa tatou ia ratou e tia ’i, ia riro hoi tatou ei hoa ohipa i roto i te parau mau.  Ua papai au i te hoê rata i te amuiraa, o Dioterephe râ mea au hoi na ’na te parahiraa matamua, aita ïa oia e farii ra i ta matou parau ma te faatura. 10  No reira, ia haere mai au, e faaite roa vau i ta ’na e rave nei i te faaino-haere-raa ia matou. E ere te reira ana‘e, aita atoa o ’na e farii maitai ra i te mau taeae ma te faatura. E te feia e hinaaro e farii maitai atu, e haafifi atu ïa o ’na, a tiavaru atu ai ia ratou i rapae i te amuiraa. 11  To ’u taeae here, eiaha e pee i te ino, e pee râ i te maitai. Te taata e rave i te maitai, no te Atua ïa o ’na. Te taata e rave i te ino, aita ïa i ite o vai te Atua. 12  E parau maitai ta te mau taeae atoa e ta te parau mau i faaite no Demeterio. Inaha, o matou atoa te faaite nei i te parau maitai no ’na, e ua ite oe e e parau mau ta matou e faaite nei. 13  Mea rahi te parau ta ’u e faaite ia oe, eita râ vau e hinaaro e papai atu. 14  Te mana‘o nei râ vau e farerei oioi ia oe, a paraparau roa ’tu ai tâua. Ei ia oe na te hau. Te aroha ’tu nei te mau hoa ia oe. Faatae atu i to ’u aroha i te hoa tataitahi.

Nota i raro i te api

Aore ra “taata paari.”
Heleni pusuke. A hi‘o i te titionare.
Nehenehe atoa e hurihia “Aite e tumu rahi a‘e e mauruuru ai au.”