Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Ioane 2, 1:1-13

HAAPOTORAA O TE MAU TUMU PARAU

  • Aroharaa (1-3)

  • A pee noa i te parau mau (4-6)

  • A ara i te feia haavare (7-11)

    • Eiaha e aroha ’tu (10, 11)

  • Opuaraa e farerei e aroharaa (12, 13)

 Te matahiapo* i te tuahine* maitihia e te Atua e i ta ’na mau tamarii, ta ’u e here mau nei, e ere o vau ana‘e, te feia atoa râ tei ite i te parau mau,  no te parau mau hoi e vai noa ra i roto i to tatou aau e e vai â e a muri noa ’tu.  E fana‘o ïa tatou i te hamani maitai rahi, te aroha hamani maitai e te hau no ǒ mai i te Atua ra te Metua e no ǒ mai ia Iesu Mesia te Tamaiti a te Metua, oia atoa te parau mau e te here.  E oaoa rahi to ’u i to ’u iteraa e te pee ra vetahi o ta oe mau tamarii i te parau mau, mai ta te Metua i faaue mai.  Te papai nei ïa vau ia oe, tuahine, no te ani atu ia here tatou te tahi i te tahi, e ere i te faaueraa apî teie, e faaueraa râ ta tatou i ite mai te omuaraa mai â.  Teie hoi te here, ia pee noa tatou i ta ’na mau faaueraa. Teie hoi te faaueraa, mai ta outou i faaroo mai te omuaraa mai â, ia faaite noa outou i te here.  Mea rahi hoi te taata haavare tei haere atu i roto i teie nei ao, te feia aita e tiaturi ra e ua haere mai Iesu Mesia ei taata. Tera te haavare e te taata patoi i te Mesia.*  A ara ia outou iho, ia ore outou ia ere i te mau mea ta matou i tutava i te rave, ia fana‘o râ i te mau haamaitairaa atoa ta te Atua i faaineine no outou.  Te taata e na nia ’‘e i te haapiiraa a te Mesia, a ore atu ai e haapao noa i te reira, e ere ïa i te tavini na te Atua. Area te taata o te haapao noa i taua haapiiraa ra, e hoê noa ïa o ’na e te Metua e te Tamaiti. 10  Ia haere mai te hoê taata ia outou ra e ia ore e horoa mai i taua haapiiraa ra, eiaha e farii ia ’na i ǒ outou, eiaha atoa e aroha ’tu ia ’na. 11  O te aroha ’tu hoi ia ’na, te apiti atu ra ïa i ta ’na mau ohipa ino. 12  Mea rahi te parau ta ’u e faaite ia outou, eita râ vau e hinaaro e papai atu. Te mana‘o nei râ vau e haere atu ia outou ra, a paraparau roa ’tu ai tatou, ia oaoa roa hoi outou. 13  Te aroha ’tu nei te mau tamarii a to outou tuahine maitihia e te Atua, ia outou.

Nota i raro i te api

Aore ra “taata paari.”
“Vahine” na roto i te reo Heleni, te nehenehe e parauhia e amuiraa.
Aore ra “anetimesia.”