Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Ioane 1, 5:1-21

HAAPOTORAA O TE MAU TUMU PARAU

  • E upootia tei tiaturi ia Iesu i nia i teie nei ao (1-12)

    • Teie te here i te Atua (3)

  • Tiaturi i te puai o te pure (13-17)

  • A ara i roto i teie ao ino (18-21)

    • To te ao atoa tei raro a‘e i te mana o te varua ino (19)

5  Te taata atoa e tiaturi ra e o Iesu te Mesia, e tamarii ïa na te Atua, e te taata atoa e here ra i te Atua, te here atoa ra ïa i te mau tamarii a te Atua.  Ia here tatou i te Atua e ia rave i ta ’na mau faaueraa e ite ai tatou e te here ra tatou i te mau tamarii a te Atua.  Teie hoi te here i te Atua, ia haapao tatou i ta ’na mau faaueraa. E ere ta ’na mau faaueraa i te mea teimaha,  no te mea e upootia te tamarii atoa a te Atua i nia i teie nei ao. Teie hoi te mea e nehenehe ai tatou e upootia i nia i teie nei ao, to tatou ïa faaroo.  O vai te nehenehe e upootia i nia i teie nei ao? Te taata ïa e tiaturi ra e o Iesu te Tamaiti a te Atua, e ere anei?  O Iesu Mesia tei haere mai ma te pape e te toto, eiaha râ te pape ana‘e, te pape e te toto atoa râ. E te haapapu ra te varua mo‘a i te reira, no te mea e parau mau ta te varua mo‘a.  E toru mea o te faaite ra i te parau mau no nia ia Iesu:  te varua mo‘a e te pape e te toto. Hoê â faaiteraa ta teie na mea e toru.  Ia farii tatou i te faaiteraa a te taata, hau atu â ïa i te faaiteraa a te Atua. No te mea na te Atua iho e faaite ra i te parau no nia i ta ’na Tamaiti. 10  Te taata e tiaturi ra i te Tamaiti a te Atua, to roto ïa te faaiteraa a te Atua i to ’na aau. Te taata aita e tiaturi ra i te Atua, te faariro ra ïa i te Atua ei haavare, no te mea aita o ’na e tiaturi ra i te parau ta te Atua i faaite no nia i ta ’na Tamaiti. 11  E teie te parau ta te Atua i faaite, ua horoa mai o ’na i te ora mure ore, e e mana to ta ’na Tamaiti e horoa i teie ora. 12  Te taata e farii ra i te Tamaiti, e fana‘o ïa i teie ora. Te taata aita e farii ra i te Tamaiti a te Atua, e ore ïa e fana‘o i teie ora. 13  Te papai nei au i teie mau parau ia ite outou e e fana‘o outou i te ora mure ore, outou tei faatupu i te faaroo i te i‘oa o te Tamaiti a te Atua. 14  E teie ta tatou e tiaturi ra i te Atua, noa ’tu eaha ta tatou e ani ia au i to ’na hinaaro, e faaroo mai o ’na. 15  E i te mea e ua ite tatou e e faaroo mai o ’na noa ’tu eaha ta tatou e ani ra, ua papu ïa ia tatou e e noaa mai iho â ta tatou e ani ra, i te mea ua ani atu tatou ia ’na. 16  Ia ite te hoê taata i to ’na taeae i te raveraa i te hoê hara e ere o te pohe te utua, ia pure ïa o ’na no to ’na taeae e tia ’i, e na te Atua e horoa ’tu i te ora, oia hoi i te feia aita i rave i te hara o te pohe te utua. Te vai ra râ te tahi hara o te pohe te utua. E ere no taua hara ra e faaue atu ai au ia pure. 17  E hara te mau ohipa parau-tia ore atoa, e te vai ra râ te hoê hara e ere o te pohe te utua. 18  Ua ite tatou e ore te taata e tamarii na te Atua e rave i te hara, na te Tamaiti râ a te Atua e tiai mai ia ’na, e aita e mana to te varua ino* i nia ia ’na. 19  Ua ite tatou e no te Atua tatou, te vai nei râ to te ao atoa i raro a‘e i te mana o te varua ino. 20  Ua ite râ tatou e ua haere mai te Tamaiti a te Atua e ua horoa mai i te maramarama* ia ite tatou o vai te Atua mau. E maoti ta ’na Tamaiti ra o Iesu Mesia e hoê ai tatou e te Atua mau. Teie te Atua mau e te ora mure ore. 21  Ta ’u mau tamarii here, a maue ê atu i te idolo.

Nota i raro i te api

Aore ra “Satani.”
“Ite i te feruri” na roto i te reo Heleni.