Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Ioane 1, 1:1-10

HAAPOTORAA O TE MAU TUMU PARAU

  • Te parau o te ora (1-4)

  • Haere na te maramarama (5-7)

  • Ia fa‘i i te mau hara (8-10)

1  Te papai atu nei matou no nia i te parau o te ora, tei vai na mai te matamua mai â, ta matou i faaroo, ta matou i ite mata, ta matou i hi‘o maite e ta to matou rima i fafa.  (Ua faaitehia mai hoi te ora, ua ite atu matou, ua papu ia matou te reira, e te faaite atu nei matou i te ora mure ore no ǒ mai i te Metua ra e tei faaitehia mai ia matou.)  Te faaite atu nei matou i ta matou i ite e i faaroo, ia nehenehe outou atoa e apiti mai ia matou, mai ia matou i apiti i te Metua e i ta ’na Tamaiti o Iesu Mesia.  E te papai nei matou i teie mau parau ia oaoa roa tatou pauroa.  Teie te poroi ta matou i faaroo ia ’na e ta matou e faaite atu nei: E maramarama te Atua, e aita roa e poiri i roto ia ’na.  Ia parau tatou: “Te apiti nei tatou ia ’na,” a haere noa ’i râ na te poiri, te haavare nei ïa tatou e aita e rave nei i te parau mau.  Mai te peu râ e te haere nei tatou na te maramarama, no te mea to roto te Atua i te maramarama, e apiti ïa tatou te tahi i te tahi, e e tamâ te toto o Iesu ta ’na Tamaiti ia tatou i te mau hara atoa.  Ia parau tatou: “Aita ta tatou e hara,” te haavare nei ïa tatou ia tatou iho e aita te parau mau i roto i to tatou aau.  Ia fa‘i tatou i ta tatou mau hara, e faaore te Atua i te reira e e tamâ ia tatou i te mau ohipa parau-tia ore atoa. E Atua haapao maitai hoi oia e te parau-tia. 10  Ia parau tatou: “Aita tatou i hara,” te faariro nei ïa tatou ia ’na ei haavare, e aita ta ’na parau i roto i to tatou aau.

Nota i raro i te api