Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Iakobo 5:1-20

5  E teie nei, outou te feia tao‘a rahi, a ta‘i e a auê no te mau ati e fatata i te tupu i nia ia outou.  Ua pê ta outou mau tao‘a rahi, e ua apoopoo to outou mau ahu i te manumanu.  Ua tutae auri ta outou auro e ario, e e riro taua tutae auri ra ei ite o te faahapa ia outou e o te rave haapau ia outou. Ta outou i haaputu, e riro ïa mai te auahi i te mau mahana hopea.  Inaha, te tuô noa ra te mau rave ohipa o tei ooti i ta outou mau faaapu, no te mea aita outou i aufau ia ratou, e ua tae roa te tuôraa a te feia ooti i te tari‘a o Iehova* o te mau nuu o te ra‘i.*  E oraraa fana‘o to outou e i haamâha noa na outou i to outou iho mau hinaaro i te fenua nei. Ua haaporia outou ia outou iho* no te mahana tupairaa.  Ua faautua outou, e ua taparahi pohe i te taata parau-tia. Te patoi nei oia ia outou.  A faaoromai ïa, taeae ma, e tae roa i te tau o te ho‘iraa mai* o te Fatu. Inaha, e tiai noa te taata faaapu i te hotu faufaa rahi o te fenua, a faaoromai ai e tae roa i te tau ûa matamua e te tau ûa hopea.  Outou atoa, a faaoromai. A faaitoito i to outou aau, no te mea te fatata mai ra te tau o te ho‘iraa mai* o te Fatu.  Taeae ma, eiaha e mutamuta* te tahi i te tahi ia ore outou ia faahapahia. Inaha, te tia noa ra te Haava i te pae uputa. 10  Taeae ma, a hi‘o na i te mau peropheta tei paraparau ia vetahi ê i te i‘oa o Iehova* e tei faaruru i te fifi e tei faaoromai, e a pee i to ratou hi‘oraa. 11  Inaha, te parau nei matou e ia oaoa* te feia tei faaoromai tamau. Ua faaroo outou i te faaoromai tamau o Ioba e ua ite outou i ta Iehova* i rave e e Atua here* rahi Iehova* e te aroha hamani maitai. 12  Hau atu â, to ’u mau taeae, a faaea i te tǎpǔ na nia i te ra‘i aore ra te fenua aore ra i te tahi noa ’‘e euhe. Tera râ, ia riro ta outou “E” ei e, e ta outou “Eita” ei eita, ia ore hoi te Atua ia faahapa mai ia outou. 13  Te faaruru ra anei te hoê o outou i te fifi? Ia tamau ïa oia i te pure. Te oaoa ra anei te tahi? Ia himene ïa oia i te mau salamo. 14  Te ma‘ihia ra anei te hoê o outou? Ia ani ïa oia i te mau matahiapo o te amuiraa ia haere mai ia ’na ra e ia pure ratou no ’na, ma te faatahinu ia ’na i te mono‘i, i te i‘oa o Iehova.* 15  E e maitai mai te taata ma‘i* i te pure i faataehia ma te faaroo, e e tauturu Iehova* ia ’na ia maitai mai. Mai te peu e ua rave atoa oia i te hara, e faaorehia ïa i ta ’na hara. 16  No reira, a fa‘i i ta outou mau hara te tahi i te tahi e a pure no te tahi e te tahi, ia maitai mai outou. Te pure taparuparuraa a te hoê taata parau-tia, mea puai mau â.* 17  E taata hoi Elia mai ia tatou te huru, e i to ’na pureraa ma te aau tae eiaha te ûa ia mairi mai, aita te ûa i mairi i nia i te fenua e toru matahiti e te afa. 18  Ua pure faahou oia, e ua mairi te ûa mai te ra‘i mai, e ua hotu faahou mai te fenua. 19  To ’u mau taeae, ia atea ê noa ’tu te hoê o outou i te parau mau e ia haafariu mai te tahi atu ia ’na, 20  ia ite ïa outou e o tei haafariu mai i te hoê taata i to ’na haerea ino, e faaora ïa oia i tei* hara i te pohe e e faaore te Atua i ta ’na mau hara e rave rahi.

Nota i raro i te api

A hi‘o i te titionare.
“Iehova sabaota” na roto i te reo Heleni.
“I to outou aau” na roto i te reo Heleni.
Heleni parusia. A hi‘o i te titionare.
Heleni parusia. A hi‘o i te titionare.
Aore ra “amuamu.” “Autâ” na roto i te reo Heleni.
A hi‘o i te titionare.
Aore ra “haamaitaihia.”
A hi‘o i te titionare.
Aore ra “aumauiui.”
A hi‘o i te titionare.
A hi‘o i te titionare.
Nehenehe atoa e hurihia “tei rohirohi.”
A hi‘o i te titionare.
“Mea puai mau â ia pahonohia mai” na roto i te reo Heleni.
Heleni pusuke. A hi‘o i te titionare.