Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Iakobo 4:1-17

4  Eaha te tumu o te mau tama‘i e aroraa i rotopu ia outou? E ere anei no to outou mau hinaaro tia ore o te tino o te umeume noa ra i roto ia outou?*  Te hinaaro ra outou, aita râ ta outou. Te hae* noa ra outou i te taata e te nounou noa ra, eita râ ta outou e noaa mai. Te aro noa ra e te faatupu noa ra outou i te tama‘i. Aita ta outou no te mea aita outou i ani atu.  Ia ani outou, eita ta outou e noaa mai no te mea te ani ra outou no te tahi opuaraa ino, a faaohipa ’tu ai i te reira no te haamâha i to outou mau hinaaro tia ore o te tino.  Vahine faaturi ma,* aita anei outou i ite e te faahoaraa i to teie nei ao, e enemiraa ïa e te Atua? No reira, te taata e hinaaro ra e riro ei hoa no teie nei ao, te faariro ra ïa ia ’na iho ei enemi no te Atua.  Aore ra te mana‘o ra anei outou e ua parau-faufaa-ore-hia: “E hinaaro noa te huru feruriraa* nounou i roto ia tatou i te mau mea atoa”?  Mea hau a‘e râ te hamani maitai rahi ta te Atua e horoa. Ua papaihia hoi: “E patoi te Atua i te feia teoteo, e hamani maitai rahi râ oia i te feia haehaa.”  No reira, a auraro i te Atua. A patoi râ i te Diabolo, e e horo ê oia ia outou.  A faafatata ’tu i te Atua, e e faafatata mai oia ia outou. A tamâ i to outou rima, outou te feia rave hara, e i to outou aau, outou te feia aau piti.  A ahoaho, a oto e a ta‘i. Ia tauihia ta outou ata ei otoraa, e to outou oaoa ei toaruaruraa. 10  A faahaehaa ia outou i te aro o Iehova,* e e faateitei oia ia outou. 11  A faaea i te faaino te tahi i te tahi, taeae ma. Te taata e faaino i te hoê taeae aore ra e faahapa i to ’na taeae, te faaino ra e te faahapa ra ïa i te ture. E teie nei, ia faahapa oe i te ture, e ere faahou oe i te taata e haapao ra i te ture, e haava râ. 12  Hoê noa Iriti ture e Haava, te Atua o te nehenehe e faaora e e haamou. O oe râ, o vai ïa oe no te haava i to oe taata tupu? 13  E teie nei, outou e parau ra: “I teie mahana aore ra ananahi tatou e haere ai i tera oire a faaea ’tu ai hoê matahiti i reira, a rave atu ai i te tahi ohipa ia apîhia tatou,” 14  aita hoi outou i ite mai te aha to outou oraraa ananahi. Mai te rupehu hoi outou e vai poto noa mai, a mo‘e atu ai. 15  Tera râ, ia parau outou: “Ia tia ia Iehova,* e ora ïa tatou e e rave i teie aore ra i tera.” 16  E teie nei râ, te teoteo ra outou i ta outou mau parau faatietie. Mea ino ana‘e taua mau huru faatietieraa ra. 17  No reira, ia ite te tahi taata eaha te mea maitai ia rave e aita râ e rave ra, te hara ra ïa oia.

Nota i raro i te api

“I roto i to outou mau mero” na roto i te reo Heleni.
“Taparahi pohe” na roto i te reo Heleni. A hi‘o i te Ioane 1, 3:15.
Aore ra “Outou te feia taiva i te Atua.”
Heleni peneuma. A hi‘o i te titionare.
A hi‘o i te titionare.
A hi‘o i te titionare.