Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Iakobo 2:1-26

2  To ’u mau taeae, aita iho â outou e faaite nei i te faaroo i to tatou Fatu hanahana ra o Iesu Mesia a haapao ai i te feia noa ta outou e au.  Ia haere mai hoi te hoê taata i ta outou putuputuraa e tapea auro to nia i to ’na mau manimani rima e e ahu unauna to ’na, a tomo atoa mai ai râ te hoê taata veve e ahu repo to ’na,  e hi‘o maitai anei outou i te taata ahu unauna a parau atu ai: “A parahi mai i ǒ nei i teie vahi maitai roa,” e e parau anei outou i te taata veve: “A tia noa” aore ra “A parahi mai i to ’u pae avae”?  Mai te peu e e, aita anei outou e tuu ra i te hoê i nia ’‘e i te tahi atu, e aita anei outou i riro ei haava o te rave i te mau faaotiraa iino?  A faaroo mai na to ’u mau taeae here. Aita anei te Atua i maiti i te feia veve i roto i teie nei ao ia riro ei feia tao‘a rahi i te faaroo e ei fatu o te Faatereraa arii,* ta ’na i fafau i te feia e here ra ia ’na?  Ua vahavaha râ outou i te feia veve. E ere anei na te feia tao‘a rahi e haavî ra ia outou e e arato ra ia outou i te haavaraa?  Aita anei ratou e faaino ra i te i‘oa maitai roa ta te Atua i horoa no outou?  Mai te peu e te haapao ra outou i te ture hau ê* ia au i tei papaihia: “Ia here oe i to oe taata tupu mai ia oe iho,” mea maitai ïa.  Mai te peu râ e te tamau ra outou i te haapao i te feia noa ta outou e au, te rave nei ïa outou i te hara, e te faahapahia ra outou e te ture ei feia ofati ture. 10  Te taata hoi e haapao ra i te taatoaraa o te ture a Mose, tera râ, te ofati ra oia hoê noa titauraa, ua ofati ïa i te ture taatoa a Mose. 11  O tei parau hoi: “Eiaha roa oe e faaturi,” ua parau atoa: “Eiaha roa oe e taparahi pohe i te taata.” Ore noa ’tu â oe e faaturi, e taparahi pohe râ oe i te taata, ua ofati ïa oe i te ture. 12  A tamau noa i te paraparau e i te haa mai te feia o te haavahia ia au i te ture no te hoê nunaa tiamâ.* 13  Te taata hoi o te ore e aroha,* e ore oia e arohahia* ia haavahia oia. Mea hau a‘e te faaiteraa i te aroha* i te faahaparaa. 14  Eaha hoi te apî to ’u mau taeae ia parau te hoê taata e e faaroo to ’na, aita râ e ohipa? E nehenehe anei taua faaroo ra e faaora ia ’na? 15  Mai te peu e te ere nei te hoê taeae aore ra tuahine i te ahu* e aita e navai ra ta ’na maa i te mau mahana atoa, 16  a parau atu ai râ hoê o outou ia ’na: “A haere, eiaha oe e haapeapea, ia mahanahana oe e ia paia maitai,” eita râ outou e horoa ’tu i ta ’na e hinaaro mau, eaha ïa te apî? 17  Oia atoa ïa te faaroo aita e ohipa, mea pohe. 18  Teie râ, e parau mai te hoê taata: “E faaroo to oe, e e ohipa ta ’u. A faaite mai i to oe faaroo aita e ohipa, e e faaite atu vau i to ’u faaroo na roto i ta ’u mau ohipa.” 19  Te tiaturi ra oe e hoê ana‘e Atua? Mea maitai ïa. Tera râ, te tiaturi atoa ra te mau demoni e te rûrû ra ratou. 20  Aita hoi oe, te taata ma‘ua, i ite e mea faufaa ore te faaroo aita e ohipa? 21  Aita anei Aberahama to tatou metua i faarirohia ei taata parau-tia na roto i te ohipa, no to ’na tuuraa ia Isaaka ta ’na tamaiti i nia i te fata no te pûpû ia ’na ei tusia? 22  Te ite ra oe e ua faaite oia i to ’na faaroo na roto i ta ’na mau ohipa e ua tia-roa-hia to ’na faaroo i ta ’na mau ohipa, 23  e ua tupu tei papaihia: “Ua faatupu Aberahama i te faaroo ia Iehova,* e ua faarirohia oia ei taata parau-tia,” e ua parauhia oia e hoa no Iehova.* 24  Te taa ra ïa ia oe e e faarirohia te hoê taata ei taata parau-tia na roto i te ohipa, eiaha i te faaroo ana‘e. 25  Aita atoa anei o Rahaba te vahine taiata i faarirohia ei vahine parau-tia na roto i te ohipa, no te mea ua farii maitai oia i na vea e ua faareva ia raua na te tahi atu e‘a? 26  Mai te tino nei hoi aita e aho* mea pohe, oia atoa ïa te faaroo aita e ohipa, mea pohe.

Nota i raro i te api

Aore ra “Basileia.”
Aore ra “ture arii.”
“Ture o te tiamâraa” na roto i te reo Heleni.
Aore ra “aroha hamani maitai.”
Aore ra “aroha-hamani-maitai-hia.”
Aore ra “aroha hamani maitai.”
“Te vai tahaa ra te hoê taeae aore ra tuahine” na roto i te reo Heleni.
A hi‘o i te titionare.
A hi‘o i te titionare.
Heleni peneuma. A hi‘o i te titionare.