Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Iakobo 1:1-27

1  O Iakobo, e tavini na te Atua e na te Fatu ra o Iesu Mesia, i na 12 opu tei purara ê: Ia ora na!  A oaoa to ’u mau taeae ia faaruru outou i te ati e rave rau,  ua ite hoi outou e e faatupu to outou faaroo tei tamatahia mai teie te huru i te faaoromai tamau.  A vaiiho râ i te faaoromai tamau ia faahope roa i ta ’na ohipa, ia nehenehe outou e riro ei mea tia roa e te hapa ore i te mau mea atoa, a ore atu ai e ere i te tahi mea.  Ia ere noa ’tu hoê o outou i te paari, ia tamau noa ïa oia i te ani atu i te Atua, e horoa noa mai hoi oia i te taata atoa ma te ore e faahapa, e e horoahia mai ta ’na.  Tera râ, ia tamau noa oia i te ani ma te faaroo e te feaa ore, te taata hoi e feaa, e au ïa oia i te hoê are miti e turai-haere-hia ra e te mata‘i.  Eiaha hoi taua taata ra e mana‘o e e noaa ia ’na te tahi mea ia Iehova* ra.  E taata aau piti oia e te papu ore i roto i to ’na mau haerea atoa.  Ia oaoa* râ te taeae haihai i te mea e ua faateiteihia oia, 10  e te taeae tao‘a rahi i te mea e ua faahaehaahia oia, no te mea e mou oia mai te hoê tiare. 11  Mai te mahana hoi e hiti mai ma te veavea rahi a maemae atu ai te tumu e a marua ’tu ai to ’na tiare e a ore atu ai to ’na nehenehe, mai te reira atoa ia pohe te taata tao‘a rahi a tapi ai oia i te mau tao‘a rahi. 12  E oaoa te taata o te faaoromai tamau noa i te ati, no te mea ia fariihia oia e te Atua e noaa ia ’na te hei upoo* o te ora, ta Iehova* i fafau i te feia e here noa ra ia ’na. 13  I roto i te ati, eiaha roa te hoê e parau: “Te faahemahia ra vau e te Atua.” Eita hoi te Atua e hema i te mau mea iino, eita atoa oia iho e faahema i te taata. 14  E faahemahia râ te taata tataitahi ia umehia oia e to ’na iho hinaaro tia ore e ia hema oia.* 15  E ua tô ana‘e te hinaaro tia ore, e fanauhia mai ïa te hara. E ua rave-ana‘e-hia te hara, e fanauhia mai ïa te pohe. 16  Eiaha e vare to ’u mau taeae here. 17  Te mau ô maitatai atoa e te mau mea tia roa i hohia mai, no nia mai ïa, no ǒ mai i te Metua o te mau tiarama o te ra‘i. E ore oia e taui mai te marumaru e tauiui noa i te vahi.* 18  Ua hinaaro oia ia fanauhia mai tatou na roto i te poroi o te parau mau, ia riro hoi tatou ei hotu matamua o te feia ta ’na i poiete. 19  Ia ite ïa outou to ’u mau taeae here: Ia ineine te taata atoa i te faaroo e tia ’i, eiaha e ru i te paraparau, eiaha e ru i te riri, 20  eita hoi te riri o te taata e faatupu i te parau-tia a te Atua. 21  No reira, a haapae i te mau mea viivii atoa e te ino atoa,* e a farii ma te mǎrû ia a‘a i roto ia outou te parau a te Atua o te nehenehe e faaora ia outou.* 22  A riro ei feia rave i te parau a te Atua, eiaha râ ei feia faaroo noa, ma te haavare ia outou iho i te mau mana‘o hape. 23  Te taata hoi o te faaroo noa e o te ore e rave i te parau a te Atua, e au ïa oia i te hoê taata o te hi‘o i to ’na iho hoho‘a mata i roto i te hi‘o. 24  E hi‘o hoi oia ia ’na, a haere atu ai e a mo‘e oioi atu ai ia ’na to ’na huru mau. 25  Te taata râ o te hi‘o maite i roto i te ture tia roa e noaa ’i te tiamâraa e o te tamau noa i te na reira, ua riro ïa ei taata rave i te parau a te Atua eiaha râ ei taata e mo‘e ia ’na ta ’na i faaroo. E oaoa oia i ta ’na e rave. 26  Ia mana‘o noa ’tu te hoê taata e e taata haamori oia i te Atua,* aita râ oia e tapea* ra i to ’na vaha, te haavare ra ïa oia i to ’na iho aau, e mea faufaa ore ta ’na haamoriraa. 27  Te huru haamoriraa* mâ e te viivii ore i te aro o to tatou Atua e Metua, teie ïa: ia aupuru i te mau otare e te mau vahine ivi i roto i to ratou ati, e ia ore ia viivii i teie nei ao.

Nota i raro i te api

A hi‘o i te titionare.
“Ia haapeu” na roto i te reo Heleni.
Aore ra “te re.”
A hi‘o i te titionare.
Aore ra “mai te mea ra e ua noaahia oia i te ainu.”
Aore ra “Aita e tauiraa o te ohuraa o te marumaru i ǒ ’na.”
Nehenehe atoa e hurihia “e te ino rahi.”
Heleni pusuke. A hi‘o i te titionare.
Aore ra “e taata haapao i te mau ohipa faaroo.”
Aore ra “haavî.”
Aore ra “haapaoraa.”