Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Hebera 8:1-13

HAAPOTORAA O TE MAU TUMU PARAU

  • E taipe te tiahapa no te mau mea o te ra‘i (1-6)

  • Faufaa apî e faufaa matamua (7-13)

8  E teie te mana‘o faufaa roa ta tatou e parau nei: E tahu‘a rahi to tatou mai tera te huru, e ua parahi oia i te pae atau o te terono o te Atua teitei i te ra‘i,  te hoê tavini i te vahi mo‘a e i te tiahapa mau, ta Iehova* i faatia, eiaha te taata.  Ua faatoroahia hoi te tahu‘a rahi no te pûpû i te mau ô e te mau tusia, ia pûpû atoa ïa teie i te tusia e tia ’i.  Ahiri tei te fenua oia, e ore oia e riro ei tahu‘a, te vai ra hoi te mau tane o te pûpû i te mau ô ia au i te ture a Mose.  Te pûpû nei teie mau tane i te hoê taviniraa mo‘a ei taipe e ei ata no te mau mea o te ra‘i. Mai ia Mose a fatata ’i oia i te faatia i te tiahapa, ua faauehia oia e te Atua: “A haapao maitai ia hamani oe i te mau mea atoa ia au i te hoho‘a i faaitehia ’tu ia oe i nia i te mou‘a.”  E teie nei râ, e taviniraa maitai roa ’tu â tei horoahia na Iesu, a riro atoa ’i oia ei arai no te hoê faufaa maitai a‘e, tei niuhia ia au i te ture i nia i te mau parau fafau maitai a‘e.  Ahiri e mea hapa ore taua faufaa matamua ra, e ore ïa e hinaarohia te piti.  Ua faahapa mau râ te Atua i te nunaa no te mea: “Te na ô ra Iehova:* ‘Inaha, te haere mai ra te mau mahana e faaau ai au i te hoê faufaa apî i te utuafare o Iseraela e i te utuafare o Iuda.’  Te na ô atoa ra Iehova:* ‘E ere mai te faufaa ta ’u i faaau i to ratou mau tupuna i te mahana i rave ai au i to ratou rima no te aratai mai ia ratou i rapae i te fenua o Aiphiti, no te mea aita ratou i vai tamau i roto i ta ’u faufaa, ua faaea ïa vau i te aupuru ia ratou.’ 10  ‘Teie hoi te faufaa ta ’u e faaau i te utuafare o Iseraela i muri a‘e i taua mau mahana ra,’ ta Iehova* ïa e parau ra. ‘E tuu vau i ta ’u mau ture i roto i to ratou mana‘o, e i roto i to ratou aau e papai ai au i te reira. E e riro vau ei Atua no ratou, e e riro ratou ei nunaa no ’u. 11  Eita te hoê o ratou e haapii i te taata o to ’na nunaa e i to ’na taeae, a na ô ai: “A ite ia Iehova!”* Ua ite hoi ratou pauroa ia ’u, te taata haihai e tae noa ’tu i te taata tiaraa teitei. 12  E aroha* hoi au ia ratou tei rave i te mau ohipa parau-tia ore, e e ore roa vau e haamana‘o faahou i ta ratou mau hara.’” 13  Ia ’na i parau “te hoê faufaa apî,” ua faariro ïa oia i te faufaa matamua ei mea tahito. E te mea tahito e tei marau, fatata ïa i te mou.

Nota i raro i te api

A hi‘o i te titionare.
A hi‘o i te titionare.
A hi‘o i te titionare.
A hi‘o i te titionare.
A hi‘o i te titionare.
Aore ra “aroha hamani maitai.”