Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Hebera 4:1-16

HAAPOTORAA O TE MAU TUMU PARAU

  • Mea atâta ia ore e ô i roto i to te Atua vahi faafaaearaa (1-10)

  • Faaitoitoraa ia ô i roto i to te Atua vahi faafaaearaa (11-13)

    • Mea ora te parau a te Atua (12)

  • Iesu, te tahu‘a rahi hau ê (14-16)

4  I te mea e te toe ra te parau fafau e ô i roto i to ’na vahi faafaaearaa, e ara ana‘e ïa* eiaha ia itehia e ua ere te hoê o outou i te reira.  Ua faaite-atoa-hia mai hoi te parau apî oaoa* ia tatou, mai ia ratou atoa. Aita râ ratou i faufaahia i te parau ta ratou i faaroo, no te mea e ere hoê â faaroo to ratou e to te feia i auraro.  Tatou hoi e faatupu i te faaroo, o tatou te ô i roto i to ’na vahi faafaaearaa, mai ta ’na i parau: “Tǎpǔ ihora vau no to ’u riri: ‘Eita ratou e ô i roto i to ’u vahi faafaaearaa,’” noa ’tu e ua oti ta ’na mau ohipa mai te omuaraa mai â o teie nei ao.*  I parau na hoi oia no nia i te mahana hitu: “Faafaaea ihora te Atua i ta ’na mau ohipa atoa i te mahana hitu,”  e te parau faahou ra oia: “Eita ratou e ô i roto i to ’u vahi faafaaearaa.”  I te mea hoi e aita â vetahi i ô atura, e aita te feia i faaitehia na mua te parau apî oaoa i ô atu no to ratou faaroo ore,  ua haamau â oia i te tahi mahana ma te parau i muri a‘e i roto i te hoê salamo a Davida: “I teie mahana.” Mai tei parauhia i nia ’‘e: “I teie mahana, ia faaroo outou i to ’na reo, eiaha e faaetaeta i to outou aau.”  Ahiri hoi Iosua i aratai ia ratou i te hoê vahi faafaaearaa, eita ïa te Atua e paraparau i muri a‘e no nia i te tahi atu mahana.  No reira, te toe ra te hoê Sabati faafaaearaa no te nunaa o te Atua. 10  Te taata hoi i ô i roto i te vahi faafaaearaa o te Atua, ua faafaaea atoa ïa i ta ’na mau ohipa, mai te Atua atoa i ta ’na. 11  E rohi ana‘e ïa no te ô i roto i taua vahi faafaaearaa ra, ia ore te tahi ia pee i te hoê â huru faaroo ore. 12  E mea ora hoi te parau a te Atua e te puai rahi, e mea oi a‘e i te mau ‘o‘e mata piti atoa. E ô te reira i roto roa i te taata, a taa ê atu ai to ’na rapaeauraa* e to ’na rotoraa,* e te mau puoiraa ivi e te puo ivi, e e faaite mai te reira i te mau mana‘o e opuaraa o te aau. 13  Aita hoi e mea i poietehia tei hunahia i te aro o te Atua, e mea mahora hoi te mau mea atoa e te ite-maitai-hia e ana, ia ’na hoi tatou e fa‘i ai i ta tatou i rave. 14  I te mea hoi e e tahu‘a rahi hau ê to tatou tei na roto atu i te mau ra‘i, oia hoi o Iesu te Tamaiti a te Atua, e faaite noa ana‘e ïa i te taata atoa i to tatou faaroo ia ’na. 15  E ere hoi to tatou i te hoê tahu‘a rahi o te ore e nehenehe e aumauiui i to tatou mau paruparu, ua tamatahia râ oia i te mau mea atoa mai ia tatou atoa nei, tera râ, aita roa ta ’na e hara. 16  E faafatata ana‘e ïa i te terono o te hamani maitai rahi, a paraparau roa ’tu ai i te Atua, ia itehia mai ia tatou te aroha* e te hamani maitai rahi ia hinaaro tatou i te tauturu.

Nota i raro i te api

“Ia mǎta‘u ïa tatou” na roto i te reo Heleni.
Aore ra “evanelia.”
Oia hoi a tamariihia ’i Adamu raua Eva.
Heleni pusuke. A hi‘o i te titionare.
Heleni peneuma. A hi‘o i te titionare.
Aore ra “aroha hamani maitai.”