Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Hebera 3:1-19

HAAPOTORAA O TE MAU TUMU PARAU

  • Rahi a‘e Iesu ia Mose (1-6)

    • Mea hamanihia te mau mea atoa e te Atua (4)

  • A ara i te ereraa i te faaroo (7-19)

    • “I teie mahana, ia faaroo outou i to ’na reo” (7, 15)

3  No reira, to ’u mau taeae mo‘a tei titau-manihini-atoa-hia no te ra‘i, a feruri maite ia Iesu ta tatou e farii* ra ei aposetolo e ei tahu‘a rahi.  E haapao maitai to ’na i te Atua tei faatoroa ia ’na mai ia Mose atoa a tavini ai oia i roto i te fare* taatoa o te Atua.  E au hoi ia ’na* te hanahana hau a‘e ia Mose, i te mea e e faatura-rahi-hia a‘e te taata e hamani i te fare i te fare iho.  E mea hamanihia hoi te fare atoa e te taata, o tei hamani râ i te mau mea atoa, o te Atua ïa.  E teie nei, e haapao maitai to Mose ei tavini i roto i te fare taatoa o te Atua, ei haapapuraa* i te mau mea i parauhia e e tupu a muri a‘e,  e haapao maitai râ to te Mesia ei tamaiti i te tiaauraa i te fare o te Atua. O tatou te fare o te Atua ia tamau tatou i te paraparau ma te itoito, e ia mau papu ia tatou te tiaturiraa ta tatou e haapeu ra e tae roa ’tu i te hopea.  No reira, mai tei parauhia na roto i te varua mo‘a: “I teie mahana, ia faaroo outou i to ’na reo,  eiaha e faaetaeta i to outou aau mai i te mahana ra a tupu ai to ’u riri rahi, i te mahana o te ‘a‘araa i roto i te medebara,  i te ‘a‘araa to outou mau tupuna ia ’u, noa ’tu e ua ite noa ratou i ta ’u mau ohipa e 40 matahiti. 10  No reira vau i faufau roa ’i i teie u‘i e i parau ai: ‘E aau faaroo ore noa to ratou, e aita ratou i ite i to ’u mau e‘a.’ 11  Tǎpǔ ihora vau no to ’u riri: ‘Eita ratou e ô i roto i to ’u vahi faafaaearaa.’” 12  Taeae ma, a ara eiaha te hoê aau ino o te ere ra i te faaroo e tupu i roto i te hoê o outou no te atea-ê-raa i te Atua ora. 13  A tamau noa râ i te faaitoito te tahi i te tahi i tera e tera mahana, mai tei parauhia “i teie mahana,” ia ore hoi te aau o te hoê o outou ia etaeta i te puai haavare o te hara. 14  Ei apiti hoi tatou no te Mesia* ia mau papu ia tatou te tiaturiraa i vai na ia tatou i te haamataraa e tae roa ’tu i te hopea. 15  Mai tei parauhia: “I teie mahana, ia faaroo outou i to ’na reo, eiaha e faaetaeta i to outou aau mai i te mahana ra a tupu ai to ’u riri rahi.” 16  O vai hoi tei faaroo i to ’na reo e tei faatupu râ i to ’na riri rahi? E ere anei o te feia atoa ta Mose i aratai i rapae i Aiphiti? 17  E o vai ta te Atua i faufau e 40 matahiti? E ere anei o te feia i hara e i pohe i roto i te medebara? 18  E ia vai oia i tǎpǔ ai e eita ratou e ô i roto i to ’na vahi faafaaearaa? E ere anei i te feia i faaroo ore? 19  Te ite ra ïa tatou e aita ratou i nehenehe e ô atu no to ratou ereraa i te faaroo.

Nota i raro i te api

Aore ra “fa‘i.”
Oia hoi te nunaa Iseraela.
Oia hoi Iesu.
Aore ra “faaiteraa.”
Aore ra “e te Mesia.”