Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Hebera 2:1-18

HAAPOTORAA O TE MAU TUMU PARAU

  • A haapao maite atu â (1-4)

  • Tuuhia te mau mea atoa i raro a‘e ia Iesu (5-9)

  • Iesu e to ’na mau taeae (10-18)

    • Aratai rahi o te faaora ia ratou (10)

    • E tahu‘a rahi aroha hamani maitai (17)

2  No reira e mea faufaa ’i ia haapao maite atu â tatou i te mau parau ta tatou i faaroo ia ore roa tatou ia hahi ê.  I te mea e ua tupu iho â te parau i parauhia na roto i te mau melahi e ua faautuahia te ofati ture e te faaroo ore atoa ia au i te parau-tia,  e nafea ïa tatou e ora mai ai ia haafaufaa ore tatou i te hoê faaoraraa faahiahia mai teie? Ua parauhia mai te reira na mua na roto i to tatou Fatu e ua haapapuhia mai ia tatou na roto i te feia i faaroo ia ’na,  a haapapu atoa mai ai te Atua na roto i te semeio, te ohipa maere,* te ohipa mana e rave rau e te varua mo‘a* i tufahia mai ia au i to ’na hinaaro.  Aita hoi oia i tuu i raro a‘e i te mau melahi i te ao* e haere mai ra, ta tatou e parau ra.  I haapapu na te hoê taata: “Eaha te taata nei i mana‘o ai oe ia ’na, aore ra te tamaiti a te taata nei i aupuru ai oe ia ’na?  Ua tuu oe ia ’na i raro iti a‘e i te mau melahi. Ua haamaitai* oe ia ’na i te hanahana e te tura, e ua faatoroa oe ia ’na i nia i te mau ohipa a to rima.  Ua tuu oe i te mau mea atoa i raro a‘e i to ’na na avae.” Ma te tuu i te mau mea atoa i raro a‘e ia ’na, aita hoê a‘e mea i toe i te Atua i te tuu atu i raro a‘e ia ’na. E teie nei râ, aita â tatou i ite atura e ua tuuhia te mau mea atoa i raro a‘e ia ’na.  Te ite nei râ tatou ia Iesu, tei tuuhia i raro iti a‘e i te mau melahi, e tei haamaitaihia* i teie nei i te hanahana e te tura no to ’na faaoromairaa i te pohe, e maoti te hamani maitai rahi o te Atua i faaruru ai oia i te pohe no te taata atoa. 10  No te faahanahana e rave rahi tamaiti, e mea tano ia vaiiho te Atua, no ’na e na roto ia ’na te mau mea atoa e vai ai, i te Aratai rahi o to ratou faaoraraa ia tia-roa-hia na roto i te mauiui. 11  No roto mai hoi Iesu o te haamo‘a ra e oia atoa te feia e haamo‘ahia ra, i te hoê â Metua, no reira ïa oia e ore ai e haama i te pii ia ratou e taeae, 12  mai ta ’na e parau: “E faaite au i to oe i‘oa i to ’u mau taeae. I rotopu i te amuiraa, e arue au ia oe ma te himene.” 13  Oia atoa: “E tuu vau i to ’u tiaturiraa ia ’na.” E: “Inaha, teie au e te mau tamarii rii ta Iehova* i horoa mai na ’u.” 14  I te mea hoi e e taata* te mau “tamarii rii,” ua riro atoa mai ïa oia ei taata, a nehenehe atu ai oia, na roto i to ’na pohe, e haamou i te Diabolo o te faatupu i te pohe, 15  e a nehenehe atu ai oia e faatiamâ* i te feia atoa i faatîtîhia na i te roaraa o to ratou oraraa no to ratou mǎta‘u i te pohe. 16  E ere hoi te mau melahi ta ’na e turu nei, tera râ, te turu nei oia i te huaai* o Aberahama. 17  No reira, ia riro oia mai to ’na ra mau “taeae” i te mau mea atoa e tia ’i, a riro atu ai oia ei tahu‘a rahi aroha* e te haapao maitai i te taviniraa i te Atua, ia pûpû oia i te hoê tusia taraehara no te hara* a te mau taata. 18  I te mea e ua mauiui oia i to ’na tamataraahia, e nehenehe ïa oia e tauturu i te feia e tamatahia ra.

Nota i raro i te api

Aore ra “tapao.”
Aore ra “puai ohipa o te Atua.”
“Te fenua parahihia e te taata” na roto i te reo Heleni.
“Faahei” na roto i te reo Heleni.
“Faaheihia” na roto i te reo Heleni.
A hi‘o i te titionare.
“E toto e e i‘o” na roto i te reo Heleni.
Aore ra “tuu.”
“Huero” na roto i te reo Heleni.
Aore ra “aroha hamani maitai.”
Aore ra “tusia e tapo‘i i te hara.”