Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Galatia 6:1-18

HAAPOTORAA O TE MAU TUMU PARAU

  • Tauturu te tahi i te tahi e teimaha ra (1-10)

    • Tei ueuehia, tei ootihia ïa (7, 8)

  • Faufaa ore te peritomeraa (11-16)

    • Taata hamani-apî-hia (15)

  • Parau hopea (17, 18)

6  Taeae ma, ia haere te tahi taata na te e‘a e hapa ’i oia hou oia a haro‘aro‘a ’i, na outou te feia paari i te pae varua e faatitiaifaro ia ’na ma te mǎrû. A haapao maitai râ ia oe iho, eiaha oe ia hema atoa.  A tamau i te tauturu te tahi i te tahi e teimaha ra, e na reira outou e haapao ai i te ture a te Mesia.  Ia mana‘o hoi te tahi e mea faufaa oia e aita nei hoi, te haavare ra o ’na ia ’na iho.  Tera râ, ia hi‘opoa te taata tataitahi i ta ’na iho ohipa, e na reira hoi oia e oaoa ’i ia ’na iho, eiaha râ no te mea ua faaau o ’na ia ’na i te tahi atu.  E amo hoi te taata tataitahi i ta ’na iho hopoia.  Hau atu â, te taata e haapiihia ra i te parau a te Atua, ia horoa ïa i te mau mea maitatai atoa i te taata e haapii mai ra.  Eiaha e vare: Eita te Atua e noaa i te haavare. Ta te taata hoi e ueue ra, o ta ’na atoa ïa e ooti.  No te mea te taata e ueue ia au i ta to ’na iho tino, e ooti ïa i ta te tino e faatupu, oia hoi te tahuti. Area te taata e ueue ia au i ta te varua mo‘a, e ooti ïa i ta te varua mo‘a e faatupu, oia hoi te ora mure ore.  Eiaha ïa tatou e faaea i te rave i te mea maitai, e ooti hoi tatou i te taime tano ra ia ore noa ’tu tatou ia rohirohi.* 10  No reira, te vai ra ta tatou ravea,* e hamani maitai ana‘e i te taata atoa, i to tatou iho â râ mau taeae e tuahine i roto i te faaroo. 11  A hi‘o na i te mau reta orarahi ta ’u i papai ia outou i to ’u iho rima. 12  Te feia atoa e titau ra ia auhia mai ratou e te taata,* o ratou mau teie e faahepo nei ia peritomehia outou, eiaha hoi ratou ia hamani-ino-hia no te pou haamauiuiraa* o te Mesia. 13  E tera mau taata e faahepo ra ia peritomehia outou, aita atoa hoi ratou e haapao nei i te ture a Mose, e hinaaro râ ratou ia peritomehia outou a haapeu atu ai ratou no tei ravehia i nia i to outou tino. 14  Eiaha roa vau ia haapeu maori noa râ no te pou haamauiuiraa* o te Fatu ra o Iesu Mesia, na roto hoi ia ’na i haapohehia ’i to te ao* i ta ’u hi‘oraa, e i te hi‘oraa a to te ao ua haapohehia vau.* 15  Te mea faufaa, e ere hoi te peritomeraa aore ra te peritome-ore-raa, o te taata râ tei hamani-apî-hia. 16  Ei te feia atoa e pee maite ra i teie huru haerea, oia hoi te Iseraela o te Atua, te hau e te aroha hamani maitai. 17  E teie nei, eiaha roa ei taata e haapeapea mai ia ’u, tei nia hoi i to ’u tino te mau tapao o te hoê tavini a Iesu. 18  Taeae ma, ei ia outou te hamani maitai rahi o to tatou Fatu ra o Iesu Mesia a faaite ai outou i te haerea maitai. Amene.

Nota i raro i te api

Aore ra “faaea.”
“I te taime faataahia” na roto i te reo Heleni.
Aore ra “ia itehia mai e mea nehenehe ratou i rapaeau.”
A hi‘o i te titionare.
A hi‘o i te titionare.
Aore ra “haapohehia ’i to te ao i nia i te pou.”
Aore ra “ua haapohehia vau i nia i te pou.”