Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Ephesia 1:1-23

HAAPOTORAA O TE MAU TUMU PARAU

  • Aroharaa (1, 2)

  • Haamaitairaa pae varua (3-7)

  • Tahoêhia te mau mea atoa i te Mesia (8-14)

    • “Te hoê tereraa ohipa” i te tau faataahia (10)

    • Tapaohia i te varua mo‘a “ei haapapuraa” (13, 14)

  • Haamauruuru Paulo i te Atua no te faaroo o to Ephesia, e pure no ratou (15-23)

1  E rata na Paulo, aposetolo na te Mesia ra o Iesu na roto i te hinaaro o te Atua, i te feia mo‘a haapao maitai i Ephesia tei hoê e te Mesia ra o Iesu:  Ei ia outou te hamani maitai rahi e te hau no ǒ mai i te Atua ra to tatou Metua e i te Fatu ra o Iesu Mesia.  Ia aruehia te Atua e Metua o to tatou Fatu ra o Iesu Mesia, mai te ra‘i mai hoi to ’na horoaraa mai i te mau haamaitairaa pae varua atoa ia tatou tei hoê e te Mesia.  Mai te reira atoa to ’na maitiraa ia tatou hou te omuaraa mai â o teie nei ao* ia hoê tatou e o ’na,* e ia mo‘a tatou e te hapa ore i mua i te Atua i roto i te here.  Ua maiti atea hoi oia ia tatou ia riro ei tamaiti na ’na na roto ia Iesu Mesia, ia au i to ’na hinaaro e mai tei au ia ’na,  ia aruehia to ’na hamani maitai rahi ta ’na i horoa noa mai na roto i ta ’na Tamaiti herehia.  No ’na i noaa ’i ia tatou te tiamâraa maoti te hoo* na roto i to ’na ra toto, oia mau, te faaoreraa i ta tatou mau hapa, ia au i te rahi o te hamani maitai o te Atua.  Ua horoa rahi mai oia i teie hamani maitai ia tatou, oia atoa te paari e te haro‘aro‘a* taatoa  a faaite mai ai i te parau huna mo‘a o to ’na hinaaro. Ua tu taua parau huna mo‘a ra i ta ’na e au, i opua ’i oia 10  e haamau i te hoê tereraa ohipa* i te hopea o te tau faataahia no te tahoê i te mau mea atoa i te Mesia ra, te mau mea i te ra‘i e te mau mea i te fenua. Oia mau, e tahoêhia te mau mea atoa ia ’na. 11  Ua hoê matou e te Mesia e ua maitihia no te fatu atoa i ta te Atua i fafau mai. Ua maiti-atea-hia matou ia au i te opuaraa a te Atua o te faatupu noa i ta ’na i faaoti ia au i to ’na hinaaro, 12  e na roto ia matou, te feia matamua i tiai i te mea maitai na roto i te Mesia, e faahanahanahia ’i e e aruehia ’i te Atua. 13  Ua faaroo hoi outou i te poroi o te parau mau, te parau apî oaoa* o to outou faaoraraa, e ua tiaturi outou i te Mesia. I muri a‘e i to outou tiaturiraa, ua tapaohia outou i te varua mo‘a* i fafauhia na roto ia ’na, 14  ei haapapuraa* hoi e e fana‘o iho â tatou i ta te Atua i fafau, no ta ’na opuaraa e faatiamâ i to ’na iho nunaa maoti te hoo, e ia aruehia e ia faahanahanahia oia. 15  No reira, mai te taime i faaroo ai au i te parau o to outou faaroo i te Fatu ra o Iesu e i te here ta outou e faaite i te feia mo‘a, 16  aita roa vau i faaea i te haamauruuru i to tatou Atua e Metua no outou. Te faahiti noa ra vau ia outou i roto i ta ’u mau pure, 17  e ia horoa te Atua, te Metua no ’na te hanahana, te Atua hoi o to tatou Fatu ra o Iesu Mesia, i te puai e paari ai outou e e taa ’i ia outou te mau heheuraa, a noaa atu ai te ite mau no nia ia ’na. 18  Ua haamaramarama oia i na mata o to outou aau ia ite outou i te tiaturiraa i titau-manihini-hia ’i outou, e te rahi o te hanahana o te faufaa a te Atua ta ’na e faafatu i te feia mo‘a, 19  e i te rahi hau ê o to ’na puai i nia ia tatou e tiaturi ra ia Iesu. Ua itehia te mana rahi o to ’na puai 20  i to ’na faatiaraa i te Mesia mai te pohe mai e i to ’na haaparahiraa ia ’na i to ’na rima atau i te ra‘i, 21  i nia ê roa i te mau faatereraa e mana e puai e hau atoa, e i nia ê roa i te mau i‘oa atoa, eiaha noa i roto i teie faanahoraa o te ao nei,* i to a muri a‘e atoa râ. 22  Ua tuu atoa te Atua i te mau mea atoa i raro a‘e i to ’na na avae e ua faariro ia ’na ei upoo i nia i te mau mea atoa i roto i te amuiraa, 23  o to ’na hoi tino tei î i to ’na mau huru maitatai atoa, e te ohipa ra oia i roto i te mau mea atoa i te ravea e rave rau.

Nota i raro i te api

Oia hoi a tamariihia ’i Adamu raua Eva.
Oia hoi te Mesia.
A hi‘o i te titionare.
Aore ra “feruriraa maitai.”
Aore ra “e tiaau i te mau mea.”
Aore ra “evanelia.”
Aore ra “puai ohipa o te Atua.”
Aore ra “tarahu,” “piri.”
Aore ra “teie tau.” A hi‘o i te titionare.