Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Apokalupo 9:1-21

HAAPOTORAA O TE MAU TUMU PARAU

  • Te pae o te pu (1-11)

  • Mairi hoê ati, e piti â te na muri mai (12)

  • Te ono o te pu (13-21)

9  Faaoto ihora te pae o te melahi i ta ’na pu. E ite atura vau i te hoê fetia tei mairi i nia i te fenua mai te ra‘i mai, e ua horoahia ia ’na te taviri o te uputa o te abuso.  Tatara a‘era oia i te uputa o te abuso e pee maira te au auahi mai to te umu rahi ra, e poiri a‘era te mahana, oia atoa te reva, i taua au auahi ra.  E haere maira te vivi no roto mai i te au auahi i nia iho i te fenua, e ua horoahia ia ratou te mana, hoê â mana e to te mau pata patia o te fenua.  E ua parauhia ratou eiaha e rave ino noa ’‘e i te mau aihere o te fenua e te mau raau tupu e te mau tumu raau, i te feia noa râ aita te tapao a te Atua i nia i to ratou rae.  E ua faatiahia te mau vivi ia haamauiui i taua feia ra e pae ava‘e, eiaha râ ia haapohe ia ratou. E ia haamauiui ratou, mai ta te pata patia ïa ia tairi o ’na i te taata.  I taua mau mahana ra, e imi te taata i te pohe, e ore râ e itehia e ratou, e e hinaaro ratou e pohe, e maue ê râ te pohe ia ratou.  E ua hoho‘a te mau vivi i te mau puaarehenua tei faaineinehia no te tama‘i. Mai te hei auro to nia iho i to ratou upoo. E to ratou hoho‘a mata, mai to te taata ïa.  Area to ratou rouru, mai to te vahine ïa. E to ratou niho, mai to te liona ïa.  E tapo‘i ouma atoa to ratou mai te mau tapo‘i ouma auri. E te haruru ia tahiri to ratou mau pererau, mai te haruru ïa o te mau pereoo hutihia e e rave rahi puaarehenua e horo ra i te tama‘i. 10  E aero e e patia atoa to ratou mai to te pata patia, e to roto i to ratou aero to ratou mana no te haamauiui i te taata e pae ava‘e. 11  E arii to ratou, te melahi o te abuso. O Abadona* to ’na i‘oa na roto i te reo Hebera, o Apoluona* râ na roto i te reo Heleni. 12  Hoê noa ati tei mairi. Inaha, teie â e piti ati e na muri mai nei i teie. 13  Faaoto ihora te ono o te melahi i ta ’na pu. E faaroo atura vau i te hoê reo no ǒ mai i na tara o te fata auro e vai ra i mua i te aro o te Atua, 14  i te parauraa i te ono o te melahi e tapea ra i te pu: “A tuu i na melahi e maha tei taamuhia i te anavai rahi o Eupharate.” 15  E tuuhia a‘era na melahi e maha tei faaineinehia no te hora e no te mahana e no te ava‘e e no te matahiti e haapohe ai ratou i te toru o te tuhaa o te taata. 16  Te numera o te mau nuu o te feia faahoro puaarehenua, e 20 ïa tausaniraa i te ahuru tausani.* Ua faaroo vau i to ratou numera. 17  E mai teie to ’u ite-orama-raa i te mau puaarehenua e te feia e parahi ra i nia iho: E tapo‘i ouma uteute mai te auahi e te ninamu pa‘o e te rearea to taua feia ra. Te afii o te mau puaarehenua, mai to te liona ïa. E na roto mai i to ratou vaha te auahi e te au auahi e te mâhu taero. 18  Pohe a‘era te toru o te tuhaa o te taata i teie na ati e toru, te auahi e te au auahi e te mâhu taero no roto mai i te vaha o te mau puaarehenua. 19  To roto hoi te mana o te mau puaarehenua i to ratou vaha e to ratou aero. Mai te ophi hoi to ratou aero e e afii to taua mau aero ra. E faaohipa ratou i to ratou aero no te haamauiui i te taata. 20  Aita râ te toea o te mau taata tei ore i pohe i teie mau ati i tatarahapa i te mau ohipa a to ratou rima. Aita ratou i faaea i te haamori i te mau demoni e i te mau idolo hamanihia i te auro e te ario e te veo e te ofai e te raau, o te ore hoi e ite, e faaroo e e haere. 21  Aita atoa ratou i tatarahapa i ta ratou mau taparahiraa taata e ta ratou mau peu tahutahu e ta ratou mau peu taotoraa tia ore* e ta ratou mau eiâraa.

Nota i raro i te api

“Haamouraa” te auraa.
“Tei haamou” te auraa o te i‘oa o te melahi.
E 200 ïa mirioni.
A hi‘o i te titionare.